بسم الله الرحمن الرحيم
السلام عليكم و رحمة الله و بركاته
وااه من الموضـوع .. كلّ ودي اكتب بس ماكتب شي بس عشاني اتكاسل ، احب اكتب مواضيع عشان اشوف الردود بس (>>هههه بريئه) .. و الله احب ردود الاعضاء خصوصاً اللي تكوون طوييلـة .. بس المشكلة اني بتوهق فيها بعدين و مابيمديني ارد على كل أحد أول بأول بسبب ضيق الوقت و "الكسل ترا له دور اساسي بالقضية هههههه ..
شلــوونكم إيفري بادي .. زينيـن ..، ..؟ آآ أكيـد زينين لأن اهم شي الصحة ، واحد مريض بالله شمدخله المنتدى .. أما اللي مسوي نفسه طفشان و زهقان .. تركوه هذا عيّار ماعرف يستغل وقته XD ->بيجيج طراق على راسج الحين
ألحيـن بصراحة متوهقة انا .. و مو عارفة شلون أسرد الموضوع .. بس إلا إلا .. اكتب موضوع خربوطي تافه يعني اكتب موضوع خربوطي تافه ، و لو اني للحين مو عارفة شلون ههههه ..-->أففف يامكثر ماتبربر
عندكم اختي الصغيرة .. طلبت من بنت خالي تعطيها كراسة التفصيل حقها عشانها بتجي تدرس هني السنة الدراسية الجاية تبيها عشان تساعدها تقدر تبوق منها الغزر و الباترون لما تتوهق فيها ..و خصوصاً انها ماكانت تدرس هالمادة ..، المهم .. بنت خالي الكريمة جابت تفصيلها "الموقّر" و بصـراحة كللش كان مميز .. مثله جذي بصراحة ماعتقد فيه ، تف تف عن الحسد ماشاء الله لا إله إلا الله ..، و مااخفي عليكم اني ترددت قبل لا اعرضه عليكم لأني خفت ان احد يصيبها بعين و هي مافيها شّدة .. يلا قولوا ماشاء الله قبل لا تشووفـون أو اطلعوا .. !
أول شـي الغلاف .. عبارة ترحيبيه من أولها .. ماشاء الله شوفوا شنو مكتوب بالاحمر .. الله على الذووق .. بس ماستغربت انا بصراحة بعد ماخذت جوله بداخل الابداع هذا !
أول درس .. و آخر درس .. الدرس الوحيد المكتوب .. هههه و حقيقة استغربت وجوده .. الله على شطارتج يابنت خالوو ، مكلفة على عمرج كاتبة الدرس كامل
أووه حاطة ساكورا بعد ! بس دايماً الحلو مايكمل .. و مايدرى هذي كراسة و لا شات ؟ أحلى شي التعليقات اللي بالازرق ، الله عليها جرأءة ،
ثانـي درس .. انشط من هالبنت صراحة مافيه .. اصلاً ينعرف هالشي من تشوف عبارة ( ن.ك ) "اختصار لـ انظري الكتاب" ، عاد و ياليتها مسوية الغرزة عالاقل برد قلب الابلة .. و الشات للحينه مستمر..
أمـاا هـذي لاااازم لااازم ياخذونها للمتحف .. الغـــرزة الوحيدة من فتحت المداارس .. الله يامحلى الصح عليها ، استغرب وجودها انا بس !
ليش هالتزيين كله و لاصقة اوراق و مشوار اذا كانت ماتكتب فيه شي .. خخخ مظاهر بس ، ماعرفت اقرأ وش المكتوب بالاحمر .. في احد يساعدني ؟
و الله راايقة و المهزلة مستمـرة .. بس هني خذت راحتها البنت عدل !!
هـذي الغرزة .. كااانت موجودة .. لأن باين آثار الصمغ من قماش وردي ، خخخ
ايي اشوه ، وقفت ماتلصق الورق .. و تسوي زحمة على لاشي .. البنت حدها مو فاضيه!
ههههه هنــي هُزلت .. من جد هُـزلت .. و البنت خذت راحتها عالأخيـــر و لاّ شجاب الهيكل ابو العلوم لكراسة التفصيل و الخياطة ..!
هنـي من جد تعاطفت مع الابلة مسكينة وااقلبو عليها ، المسكينة صابرة على هالبنت عشانها تعرف امها بس ..بس تدرون شكلها طيبة و على نياتها ..يلا الله يمنحها الصبر .. و إن شاء الله بيكون جزاءها الجنه ..!
بس خلصواّ .. هذي كل الاوراق بالكراسة .. اعطيكم اياها مثال على تهاون الطلاب و استخافهم بالمعلمين .. صراحة شي يعوّر القلب .. بس بيني و بينكم يستاهلون !
أخيـراً فيني اعرف كل واحد فيكم شلون كان ايام المدرسة .. عاقل و لا محايد و لا من اعداء هيئة التدريس ..؟
و ايش رايكم بالطلاب اللي يتهاونون بالحصص و المواد الدراسية .. و يقلبونها مهزلـة ؟
لو كنت مكان المدرس شلون بتتعامل مع استهتار الطلاب ..؟
ممممم .. بس .. الموضوع خربوطي حيل و كتبته بدون لااراجعه او اخطط له .. على الاقل ازيد فيه مشاركاتي !!
شكـــراً لكم ^.^
تحياتي
KoRa
المفضلات