دمج العصور الوسطى

[Suzy Sam]

اول مره ادمج
وكان بصراحه تحدي لكن بعد ماخلصته صارت لي ظروف وماقدرت ادخل بالوقت المحدد للتسليم
وراحت علي التحدي
وحبيت اعرضه هنا حتى استفيد من النقد
وبحسن من مستواي بالدمج

نبدا
الصور المستخدمه

مع بعض الفرش السحابيه

النتيجه

بدون تأثير

مع تأثير

وسلامتكم

لا تنسون نتفوني نقد

[SHEERY CHAN]

السلام عليكم ورحمه الله وبركاته

كيفك اختي سوزي ان شاء الله تمام
ما شاء الله تصميم الدمج .. هممم ويعتبر أول تصميم لكِ
يلا بسم لله ..

اولا .. بالنسبة للإختيارتك للصور رائعة والفكرة جميلة
حبيت حركة القمر تتلاشى جداااا رائعة ومذهلة
وايضا دمجك الأجنحة بالرجل وتتساقط عليه الريش .. جميلة

ثانيا .. بالنسبة الى صورة القلعة .. همم ما توفقتي فيها
لأننا نعرف انها قصر ديزني وهي مرحة ،، فالمفروض تختاري قلعة غامضة
وفيها ظلمة عشان تتناسب مع تصميمك.

ثالثا .. العناصر او الصور الي اخترتيهم رائعة لكنك ما ضبطتيها صح في الدمج
وكثرتي من الضباب الموجد في التصميم .. بس حبيت الفرش السحابية
فهي اعطت التصميم رونق وايضا التأثير رااائع .. بس يبغالك تدريب وان شاء الله
راح تضبطيها . . . وبما هذا اول تصميم لك فهذا يعتبر انك لديكِ مستقبل باهر
في عالم التصميم وربي يعطيكِ العافية على الطرح الجميل

ولا تحرمينا من ابدااعاتك الجميلة
كوني بخير .. اختك شيري

[Lady Shika]

السلام عليكم ورحمه الله وبركاته
شلونج سوزي ؟ ان شاءالله بخييير

حبيييييت التصميييم بعد التأثيييير
جميييل و ابدااع صرااحه
ما عرفت كيف اوصف شعوووري لما شفته
شي خيالي والله

عندي تعليقين الاول التصميمي حسيته جاي بالطول اكثر لذا كان يحتاج مساحه اعلى و اسفل قليلا لذا ابعاده المربعه خطأ بالنسبه لي

التعليق الثاني مكان القمر و حجمه غير مناسبان للاضاءه ولا الدمج
فلو صغر و عكسيته و حطيتيه على يسار التصميم كان ممكن يظهر بصوره اجمل

اللان شكله زياده عدد

يعطيج الف عافيه ولا تحرمينا من ابداعج
><

[K ! R A]

أهلين سوزي سان
صار لي مدّة من شفت التصميم ، بس اليوم صار لي مزاج أشوف التصميم
التصميم مجملًا حلوة الفكرة ، لكن تطبيقها فيها إشكال


* قص الستوك الرئيسي كان فيه مشكلة من ناحية الرأس .

* اختيار الصور ما كان موفّق ، وهذا الموضوع يصيدني كثير وياخذ وقت أطول من التصميم نفسه
بس لازم تختارين الصور بدقّة .

* الأجنحة يبي لهم تضبيط في المستوى ، لو تلاحظين المسافة بين الرأس والجناح
بتشوفين جهة أكبر من الأخرى.

* الريش المتطاير ، في رأيي أشوفها مو ضابطة مع التصميم ، ولو كان تبين تدخليها
تقدري تختاري أشكال مختلفة ، لأن شكل واحد ممكن يكون واضح .

* صورة القصر مو مناسبة ، لأنها ثري دي .

* فكرة القمر حلوة ، بس لو كان أصغر شوي ، والغربان كانت كثيرة شويتين
لو اخترتي صورة لقمر كامل واشتغلتي على جزء صغير من القمر ممكن يكون أحلى .

* الغيمة أسفل المحارب ، غير مناسبة أبدًا ، لو كان شيء مختلف ، مثل عرش أو صخرة أو شيء آخر ممكن يكون أفضل

* في شيء ممكن يكون غير ملاحظ ، وهي الجنية الموجودة من ناحية اليسار ، أشوف ماله داعي ، مع انها ما تبين

* الغيم الموجود خرّب من جودة التصميم ، بحيث يكون كمشتت للمشاهد

* أنصحك تتعلمي شوي على الإضاءة لأن أشوف عندك مشكلة فيه

^
بالتوفيق في الجايات

[C H A O S]

افكارج جميلة جداً
بس تفتقدين للخبرة
أعتقد بعد ما تكتسبين الخبرة راح يكون لج مستقبل كبير في الفوتو

بالتوفيق

[Lady Shika]

انا اسفه سوزي احس كثرنا نقد

اتمنى لج مستقبل باهر بالتصميم

><

[~ B O R O L Y ~]

روعة جميل جدا