أطلق لروحك إشراقها ترى الفجر يرمقها من بعيد

[SMILE PAINTER]

أعطوني المايك

إحم إحم xD

مع إنو ما إلي زمان هون بس سنة وشويتين , بس خلال هالفترة عرفت ناس كثير رهيبين *-*
وبتذكر مرت علي فترة نسيت فيها السوشيال ميديا لأنو معظم وقتي كان هون :] ويمكن كان هذا الإشي معجزة * إنو ليديا ما تفتح سوشيال ميديا *
وكثير ناس شفت بتسجل وبعد فترة بتترك ,, " كَأنا " كنت أستنكر أول شي , بس هلأ لما ظروف الحياة حكمتني , عرفت إنو كل حدا أكيد عنده ظروف خلته يترك هاد المكان ,, ~

وكما البقية لظروف دراستي في ألمانيا ولأنو الطب بدو كل وقتك وحتى ما في وقت للراحة , ولأنو عندي هدف بحياتي لازم أحققه , >- < صار لازم أترك هذا المكان ,,

---

كان نفسي باللون الأزرق بس ما صار مجال :P

[SMILE PAINTER]

المهم الغرض من كل الجعجعة هُنا هاد الإشي تحت :P وحتى لتخليد التقاطات ما بعرف كيف وصلت للابي


ستار الليل ~> كانت أول حدا عرفته هون , أحسن حدا وأنغش حدا وأكثر حدا بفهمه , والاقرب إلي جغرافياً وقلبياً وكلشياً وهيك xd , بتمنالك التوفيق يا #توجيهي وإن شاء الله بتجيبي أعلى المعدلات ,
نونا *-* ~> حدا كيوت كثير , زميلتي بالتخصص ومن الناس الي حبيتهم هون , بتمنى يصير مجال ونلتقي مستقبلاً وبتمنالها التوفيق , وإن شاء الله بتصير دكتورة كبيرة وبترجع عند أهلها بشهادة امتياز * لو حولت التخصص أو صارت نفسية بقتلها *

كوثرزيتا "بيرل" ~> حبيبة قلبي , الحدا أبو قلب كبير *-* وبنتي الحلوة , وأم المواهب والأشياء الرهيبة , راح أشتاقلها كتير ولروايتها بتمنالها التوفيق والسعادة وكل الأشياء الحلوة *-* ويسعدلي روحها بنت الجزائر

ران ~> مع إني ما عرفتها كتير مزبوط , ولأنها في الفترة الحالية في أخر مرحلة ثانوية بتمنى من ربنا يوفقها وتدخل التخصص الي بتحبه , وما بنسى إنها كانت سبب انضمامي لفريق المدونة العظيم xd ومن جمال حظي اليوم الي رجعت فيه أنا لازم أطلع فيه * ميرسي يا دنيا *

---

ستار 3> نونا 3> بيرل مونت 3>

[SMILE PAINTER]

كيران ~> الحدا السمكة الفظيع , صاحبة خماسي الحب xd تعرفت عليها من الألعاب والمسابقات ولما كانت رمزيتها ماكوتو *-* دايما بتصدمني بأشياء خيالية , بحب فيها روحها الحلوة الله يوفقها وتصير دكتورة كبيرة *-*

لوشا ~> الحدا السفاح , الي كتبت رواية رهيبة بس ما كملتها , كانت تحب كل شي في قتل وعنف وغموض , واختفت في ظروف غامضة , ولو دخلت ع المنتدى بتكون زي الأشباح * فجأة بتبين وفجأة بتختفي * الله ييسر أمورها ويسعدها وين ما كانت ~

أيس ~> صاحبة القلب المتجمد , وأكثر حدا في كل المنتدى استفزني بطريقة حلوة *-* , المشرفة الرهيبة في مملكة النور , الشغل معاها كان إشي كثير حلو , صراحتها ونكتها واستهزائها كانت أشياء حلوة , وبتمنى لما أرجع – لو صار – تكون بطبيعتها الوردية الرقيقة وهيك و بتمنى ربنا يوفقها هالسنة وتجيب معدل عالي وتدخل التخصص الي بتحبه

لو فانسي ~> مع إني ما تعاملت معاها خارج حدود الفريق كثير , بس كانت حدا كيوتي شرس عندها قدرة قيادية كبيرة *-* بتمنالها التوفيق , والحياة السعيدة مع مستر أرنب

---

مدونتي *-*

[SMILE PAINTER]

ساكورا ~> الحدا الحساس العسول *-* , كان المفروض نسافر خرج المجرة سوا بس للأسف تعاندنا الظروف فبسافر هالمرة لحالي والمرة الجاي باخدها معي الله يسعد قلبها ويوفقها وتكون الأولى دايماً

سيرا ~> ما تعاملت معاها كثير بس حسيتها حدا كثير حبوب وقلبها طيب الله يوفقها بحياتها ,,

ميرولي ~> يسعد قلبك من هون ليوم القيامة *-* الله يوفقك ويختارلك الاحسن دايماً , كانت أوقات حلوة معك

دارك وليلي ~ > العمل معكم كان حلو وجوكم خطير , بتمنالكم التوفيق دايماُ
كيو وتاج ~> ما صارت فرصة نشتغل سوا , بتمنالكم التوفيق ~

---

كوكب أخر *-*

[SMILE PAINTER]

والناس الي عرفتهم من بعيد وكان عندهم إشي مميز " EVA , NLP , وأمير الهدوء , وغندرة "
بتمنالهم التوفيق والمزيد من الرهابة الفكرية

** وغير هدول في ناس كثير عرفتهم يمكن ما ذكرتهم هون بس بتمنالهم السعادة دوما ودائما وهيك وسوري لكل حدا عرفته وما ودعته بطريقتي المحششة هاي ~

ما عرفت وين أكتب هذا الإشي , فحطيته بهاد الإشي
.

---

lol XD

[SMILE PAINTER]

وهيك بكون شعبرت عن معابري قبل لا أحكي باي
وجملتي الختامية المعتادة " راح يجي يوم وأقرأ ما كتب بالأعلى وأضحك ع حالي " > إشي مفروغ منه
.
.

وبس !

كونوا مبسوطين ~
*
*
*
*

وهكذا تُطوى الصفحة ~

ثمة روحٌ سماوية موطنها السماء ,, كانت يوماً ما هُنا :’)

---

*-*

[Dàrk ôf Łight]

اوه ماشاء الله *.* . . ~


صراحة أهنّيك على طريقة الطرح xD .

الله يسعدك .

ان شاء الله تتوفّقي في حياتك وتشوفي كل خير .. ~

[تاج الزعامة]

ما شاء الله توديع خرافي

الله يوفقك سميل و ترجعين لاهلك بشهادة امتياز يا رب و تتصارع عليك الدول على من ينال شرف توظفك عنده

فعلا دراسة الطب ليست سهلة و خصوصاً انك في غربة و الغربة صعبة فـ الله يسهل و ييسر لك امورك يا رب

صحيح لم نتشرف بـ العمل معك بس عندنا امل ان نعمل مع معالي الدكتورة بعد تخرجها ان شاء الله فنحن منتظرينك الى ذاك اليوم فلا تتاخري



موفقة سميل ولا تنسينى من دعواتك الطيبة

في حفظ الله و رعايته

[♥ ستار الليل ♥]

هيييي !!!!!!
ليش هاي اول مرة اشوف هذا الاشي ! ليش ابدا ما فكرت افتح ع اخر مشاركة الك الا هسا !!!
كنت بستناكي تفتحي !! كنت بستناكي ترسليلي كنت اقول انه الاشي اكيد صعب و ما بتقدري تفتحي دائما مش انك تتركي !
استني اتدارك الصدمة شوي .
تبا لك .
حقا حقا تركت مكسات لوقت طويل و لو كنت اعرف انك رح تتركيه بهاي الفترة كنت دخلت اكثر كنت التحدثت اكثر ..او عل الاقل ودعتك وداع لائق وجها لوجه !
اما اني اودعك بعد مرور سنة و اكثر ..واااو يالي من صديقة يحسد عليها اخخ هناك شيء يؤلم جدا ..
المانيا
ما شاء الله صرتي ابعد بكثير هسا واقرب لحلمك اكيد و هذا هو المطلوب 3>
مرت سنة كاملة بالغربة و اكيد عشتي كثير مواقف غريبة و حلوة و محزنة و كل شي و تكونت شخصية اكبر و اوعى و افضل 3>
كيف حالك يا رب تكوني بخير ..تكوني سمايل بينتر يلي عهدتها دائما
الصدمة اوجعتني كثيير كثير لكن كل ما افكر انك بتتقدمي خطوة للامام مع مرور الوقت ببتسم و بدعيلك بقلبي كله
ههههه خلصت توجيهي جبت 94 لا بأس بها و خلصت اول فصل من الجامعة كمان
مش عارفة شو بدي اقول اكثر ...في كثيير اشياء بدي اقولها لكن مش عارفة ..مش عارفة اكوَن احاسيسي كلمات XD

يوم من الايام بالمستقبل ممكن نلتقي وجها لوجه و نتحادث لساعات و ساعات عن شو صار بالسنين يلي فاتت من حياتنا و عن الاحداث المبكية و المضحكة و الحلوة و البسيطة
اودعكي على امل اللقاء بك مجددا يا انستي
شدي حيلك هاا طيب

سلاااام :قبلات كثيرة:

اخترت الازرق عمدا

[♥ ستار الليل ♥]

كان نفسي باللون الأزرق بس ما صار مجال :P

[♥ ستار الليل ♥]

تسجيل خروج

سمايلو الزرقاء