الحر والوسوسة >> م1

[Farlee]

في العطلة طبعا غالبيتنا يكون طفشان وقارف ام عيشته , لا اجواء زي الناس ومافي حجز الواحد يسافر ولا احد يقدر يطلع مع ذا الحر

لدرجة ان جتى مافيه متنزهات كل شئ زحمة .. حتى في البحر زحمة اذكر جيت اسبح الا والسمك بجنبي والصدف والطحالب ازعجوني صراحة >> لا يشيخ

ومرة من المرات المريرة كنت جالس بغرفتي مره منسدح مره منبطح مره متعلق بالمروحه ..

من الطفش جالس اوجد الاختلافاات بين بصمات اصابعي .. لما خلصت من اصابعي قمت اسولف مع نفسي وخلصت السوالف وحتى الكذب والخيال خلص ..

وقلت يا ولد خليني انزل البيت واشوف اوضاعهم وانا ماشي القى ابوي ماسك اخوي الصغير ويجلد فيه , شفت الوضع يخوف نزلت الشارع

الا واشوف اخوي الكبير ماسك له واحد و يجلد فيه برضوا , انا استغربت الوضع كله جلد في جلد وقلت في نفسي لا يكون هذا اليوم العالمي للجلد

عاد انا مشيت في طريقي وشفت عمارة مهجورة , اقرب منها الا وطلع نور قوي , انا انقلبت عيني وفجأة تطلع لي عجوز سألتها مين انتي ؟

قالت يا وليدي انا عجوز اطلع كل مية سنة واللي اقابله اعطيه خاتم يدخل عالم الشيطان يعلمة الاسرار ويغير حياته ..

انا خفت وقلت يا ولد اليوم هذا ابو كلب وماهو معدي على خير , المهم اخذت الخاتم حقها مكتوب عليه " اهلا بك في عالم الشيطان "

وبعدين ابتسمت لي هي وضروسها المتفرقة و من شدة ماهي مفرقة ضروسها تحس كل واحد من ضروسها يقول للثاني انا زعلان منك

ودخلت بيتها , وانا حطيت رجلي خايف لا يمسكوني الهيئة ويقولون تم القبض على اكبر مشعوذ بالسعودية

استمريت بالركض ووصلت البيت وانا افكر في موضوع الخاتم اللي محيريني .. المهم وانا سهران على الافلام

الساعة 2 اسمع صوت غريب مثل اصوات الفضائيين , جلست ارتعش في مكاني وفجأة سمعت صوت قطار وماقدرت اتحمل السالفة

و احط رجلي في انحاء الحارة المظلمة >> يا ذا اليوم اللي كله هجولة والقى خوال يلعبون كورة , قد شفتوا احد يلعب كورة الساعة ثلاث بالليل

وسويت نفسي متحمس ولعبت معاهم بأصرف نفسي وامشي الوضع شوي الا واحد يشوت الكورة بأقوى ما اعطاه ربه وتجي في بطني

واحس بصداع غريب واقوم امسك اللي شاتني بالكورة واضرب فيه لين قال بس , و رجعت البيت وانبطح في نص الغرفة

ورميت الخاتم واسمع الشيطان يقول " آآآآه " , كأنه مرتبط فيني لما لبست الخاتم

واخيرا تنفست الصعداء وجلست افكر باللي صار في هذا اليوم المنحوس

وتعلمت شئ مهم ... اني ما اطلع في الحر , لأن الحر يسبب لحسة في المخ ووسوسة وتخيلات لا اصل لها

- نلقاكم في موقف آخر -