.. بسم الله الذي لا يضر مع اسمه شي في الأرض و لا في السماء و هو السميع العليم ..
[IMG]http://dc03.******.com/i/00630/a92tx8wt41jh.jpg[/IMG]
مرحب‘ـوووونآااا
كيف الحآال مكساتيين و مكساتيات ؟!
حلوين و حلوات ؟!
يعرفون يصممون و يصممونات ؟! XD
و اللي يذاكرون الامتحانات ؟! << حطيت ايدي ع الجرح
الأحياء منكم و الأموات ؟!
:
ها أنا أحط رحالي في قسم التصميم
و تكون هذي الحلقة الرابعة من دورة : كيف تكون ايجابياً .. !!
و هي تحت شعار : " .. كن ايجابياً ,, لكن لا تستسلم و لا تكن منتجاً سهلاً ~
[IMG]http://dc03.******.com/i/00630/pts9uti3twne.jpg[/IMG]
الحلقة الأولى كانت في المرح : أزمة التعليقات و طلبات الصداقة ><
الحلقة الثانية كانت في العام : النجاح و الرسوب ><
و الحلقة الثالثة كانت في النور : رسالة من معجب ><
:
و دائماً نبدأ دورتنا بحكمة كيميائية >> الدراسة وراكم وراكم
".. غاز الميثان يرتبط بين جزيناته برابطة ( تشتت لندن ) و هي رابطة ضعيفة و سهلة التفكك .. عكس الماء فهو يرتبط بين جزيئاته برايطة هيدروجينة قوية و لا تتفكك إلا بعوامل ~
~
|[ و إذا جئنا لواقعنا .. نشوف إن الإنسان له ارتباطات عدة مع الأشخاص .. منهم يكونوا مثل غاز الميثان أي شي يفككه و منهم عندهم سبب مقنع عشان تتفكك روابطهم مثل الماء .. الواحد منا يحاول يقوي علاقاته مع الناس و مب على أي شي يزعل ><"
[IMG]http://dc02.******.com/i/00630/kh247dnx45h2.jpg[/IMG]
و بهذي المقدمة الكيميائية نبدأ نعرفكم بأقسام موضوع دورتنا :
• الموضوع ,, ( صمم نفسك و أعماقك أولاً )
• كيف تكون إيجابياً ,, ( انظر للجانب الأجمل )
• لا تكن منتجاً سهلاً ,, ( ثق بأن لك ميزتك )
• رسالة من : ,, ( لا يوجد ×_× ) << آسفة جداً لأن ظروفي الدراسية ما سمحت لي
نبدأ موضوعنا على بركة الله
[IMG]http://dc03.******.com/i/00630/s3e0phb2omwu.jpg[/IMG]
ما بنتكلم عن كيف الواحد يصمم و لا كيف يصنع له توقيع احترافي .. راح نتكلم عن شي اسمه تصميم داخلي .. كيف نقدر نصمم داخلنا ,,
قبل لا تفتح صفحة الفوتو و قبل لا تصمم .. تحطي في بالك فكرة على الأساس تكون مميزة و ابتكار جديد ~
بس ما قلت كيف أقدر أكون مميز من داخلي و أصمم نفسي و أعماقي قبل كل شي ؟!
لا حظت على نفسي إن الأشخاص اللي أحبهم أو اللي معروفين بأخلاقهم الطيبة .. أشوف كل شي منهم حلو .. و كل تواقيعهم و تصاميمهم حلوة مع انها ممكن تكون بسيطة جداً .. بس سبحان الله الإنسان اللي نحبه نشوف كل شي منه حلو و مبدع ,,
".. عين الرضا عن كل عيب كليلة ||
بمجرد تعاطفك مع الغير و انتقاده بأسلوب جميل .. توضح له خطأه و تبين إنه ما ينقص من جمال التصميم و فيه لمسات ابداعية منه .. و انتقاء أجمل الكلام .. يخليه يحس انك مب بس مبدع في تصاميمك .. مبدع في التصاميم اللي داخلك و في تصميم رقي أخلاقك
[IMG]http://dc02.******.com/i/00630/ewqya158820o.jpg[/IMG]
بعد ما خلصت من تصميم نفسك و انتقدت التصاميم اللي فيك .. و يوم تنعكس الأمور و تحطي تصاميمك .. كون دائماً واثق و متفائل .. لا تحطم ذاتك و لا تنتقدها إذا حد قالك شي .. لا تقول إني ما أقدر و هذا التصميم سخيف و مب حلو
انته تعطي للناس فكرة إن هذا التصميم اي كلام .. يعني إذا ما كان التصميم شي مميز عندك كيف تبي الناس تقول عنه حلو =="
ترى غيرك مب أحسن منك ، ما تميزوا إلا من الفشل .. حاولوا و حاولوا و صاروا من المبدعين و تأكد إن هذي بداية الاحتراف و الابداع في الحياة التصميمية لك ..^^
لو انتقدوك الغير بطريقة تحبط .. خذها بإيجابية .. مثل ما انتقدت ينتقدون .. بس الفرق إن لك طريقة تميزك عنهم في النقد و لك محبين يطلبون منك النقد أكثر من غيرك ,,
دايماً ألتمس جانب الجمال اللي في تصميمك .. مهما انتقدوا تصميمك كون واثق بأن لمستك الابداعية لازالت موجودة و فيه شي مميز عن غيرك .. و تأكد إن الوثوق بالنفس و العزيمة تعطي للتصميم جمال و فيه ناحية ابداعية لو تأملته بدقة و استشعرت التعب و الجهد اللي بذلته على تصميمك ~
ما راح تخلي الانتقادات تهدم عزيمتك و ثقتك بإن اللي انجزته شي مبدع .. و تذكر إن الانتقاد هو ذكر العيوب أكثر شي .. يعني مجرد نقاط بسيطة و باقي التصميم ما يروح سدى ><"
و لا تاخذ الانتقادات على انها عامل تحبيط .. بالعكس هو أساس النجاح و التميز في عالم الاحتراف و هي الوسيلة اللي توصلك إلى الابداع المتميز .. بالانتقاد انته تقوي مهاراتك في الجانب اللي أخطأت فيه
[IMG]http://dc02.******.com/i/00630/3v7xj2r5cnv5.jpg[/IMG]
حلو إن تكون لك أخلاقك الطيبة و الكل يحب يتعامل معاك و تتقبل النقد بصدر رحب .. هذا الشي يميزك عن غيرك و يعطيك طابع الشخصية المحبوبة ^^
أهم شي انك تبني نفسك على ان لك ثقة بنفسك و ثقة بإن اللي صممته انجاز .. لا تستهين بنفسك .. الواحد يقدر ذاته و يعطي نفسه الثقة اللي يستحقها .. حتى لو أهمله البقية و انت حاس انك تعبت على التصميم ، كافئ نفسك بنفسك و أشكر نفسك على اللي قدمته ,,
أذكر مرة كنت أشتغل على بروجكت للجامعة و حاسة اني تعبت عليه وايد و إني اشتغلت عليه وايد .. و يوم سلمته للدكتور ما لقيت منه ردة فعل =="
قال : حلو بروجكتج يا بنتي
قلت له : لااا صج .. ما كنت أعرف
ضحك و قال : انا اعتبرج نفس بنتي و ما أحب أمدح بناتي وايد
قلت له : وايد عليك يا دكتور
بداية أحبطت ><" بس بعدين فكرت فيها أنا ليش ما أكافئ نفسي بنفسي .. رحت بعدين محل و اشتريت لي وردة أهديها لنفسي على اللي سويته و حسيت نفسي فرحانة لأني ما طلعت من هذا الجهد على الفاضي
دايماً بيّن لنفسك إنك أنجزت التصميم لنفسك مب عشان غيرك .. الواحد إذا أنجز عمل لا ينتظر ردة فعل من الغير ، لأنهم يمكن ما ينتبهون للعمل اللي انته انجزته .. مب مدركين انك سويت شي أو تعبت على شي ،،
ثق بنفسك ان لك موهبة تميزك عن البقية و لا تخلي أي شي يقلل من ثقتك بنفسك أو يقلل من عزيمتك .. و الانتقاد يكون لمصلحتك و يوضح لك أخطائك ،،
تذكر إن : " .. واثق الخطى يمشي ملكاً ~
و دايماً نشوف إن الثقة هي اللي تحلي التصميم و اثني على جهودك بنفسك و صحح أخطائك اللي ينبهونك عليها ^^
[IMG]http://dc03.******.com/i/00630/vk09eqhkci09.jpg[/IMG]
اعتذر لأني ما لقيت وقت أرسل لأحد عشان يجاوبني
وقتي ضيق جداً بسبب الامتحانات الفاينل .. الجامعة تقتل
قومين
• هذي رسالة مني
|[ إن الحياة سهلة إذا أخذنا جانبها الإيجابي و تركنا السلبية للذين يهتمون بها
[IMG]http://dc02.******.com/i/00630/kh247dnx45h2.jpg[/IMG]
وصلنا لنهاية حلقتنا في هذا اليوم و إن شاء الله نلتقي في حلقات أخرى XD
شاكرين لكم حسن تعاونكم معنا و نستقبل اتصال ثاني و نقول ألو
.: لا تنسونا من صالح دعواكم :.
المحبة : سوسو الشقية
[IMG]http://dc03.******.com/i/00630/dwcfz1v3ecqh.jpg[/IMG]
المفضلات