الركبه الورديه حلم وردي لكل فتاة عربيه

**ghost_rider** · 05-10-2008, 18:31

السلام عليكم ورحمة الله وبركاته

طبعا معروف أن الركب السود علامة الجوده العربيه
وناا قررت أني اغير علامة الجوده لركب البنات >>>> طيب وش دخلك

طيب والشباب؟
(الشباب تماسيح ما يدوروون للموضه) ههههههههه
وش رايكم فيني يا بنات << والله يا انك بتنجلد

احداث القصة عبارة عن احدي الاخوات تحكي معاناتها مع ركبها السود

واحلامها المستقبلية لوضع السوق اقصد وضع ركبها على المدي البعيد ( وين التصنيع ) ...
فتقول والله يعيني على ماذا تقول :يوم كنت صغيره كنت دايم ابلش امي
يمه ورا ركبتي مهيب مثل ركبة هيله بنت خالتي بيضا تلق
(هيله طبعا وحده من خيالي ولا اصلا مافيه ركبة عربيه بيضاء الا بعد عام 2076م حسب ما افاد به علماء ناسا ) .

امي:
روحي قطعي بصل لاتبلشينا
-يماااااه
طيب ارفعي معنوياتي شوي
وترد امي بكل مااوتيت من قوه:
يعني قلّت ؟
مابقى الا ركبتس تبلشين فيها
انتي بكبرتس خلف خلاف

رديت من القهر:طالعه عليتس
ولا انتبهت الا ذا الزبيرية اللي تمشي مليون تطبع على خشتي + غير صحن مقاس 2*1.75 لا زال به بقايا بصل يصدم في العاير الايسر لجبهتي مسببا ورمه بحجم فقع الزبيدى اللى يلقا في النعيريه .
وتمر الايام وتمر السنون
وركبتي حالفتن عليها كل يوم تسود عن اللي قبله
لين كبرت انا وكبرت ركبتي وصارت اسود مقلم برمادي
كنت قاعدة مره وحاطه رجل على رجل
وكانت ركبتي تويق
حرمه قدامي تقزني
والركبة عادة اذا سفطتيها (حطيتي رجل على رجل )تنمط وتصير افتح
انا العكس
اي حركه تضرب في المليان

وانا اقز وهي تقز
المشكله مااستحت ولانزلت عينها
وانا مستغربه وش قاعده تناظر
يوم استوعبت وانا اللي اغطي ركبتي بسرعه
وتلفتت على اللي جنبها وتقعد تحش وتضحك لاحووووول وش الحل مع هالسواد
فشلتنا هالركبة ( بغيت اروح لماى كار اسئلهم يشفون لى حل )
ماخليت لاكريم ولا فازلين ولا زيت الا ومرغت ركبتي فيه بس مافي فايدة
لين توصلت لخلطة ممتااااااازة

اختي الكريمه
ياام ركبه سودا <<<< فاقع ضحك على هالكلمه
هل تريدين ركبة اطلق من ركبة نانسي عجرم وهيفاء وهبي؟
جددي حياتك بهذه الخلطة --- سوف تتغير نظرة المجتمع لركبتك
إليك اختي خلاصة التجارب مع هذه الركبه
ملعقة فازلين + ملعقتين كلوركس + خمس ملاعق فلاش + ملعقة فير اند لفلي .. ولاتهون موية النار
اخلطيهم مع بعض وادهني ركبتس ..
هي مره وحده بس : بعدها مانتيب لاقية ركبة سودا..هذا اذا لقيتي ركبة اصلا ههههههه
(افرضي الركبة صارت ورديه وش شعورك بالضبط في هذه اللحظه) طراه بنت ابن عجرم
تقول محدثتنا : من جهتي :
لو ركبي وردية اول شي بسويه بزاعل بعض صديقاتى والباقيات ابتغلا عليهم
(الناس احلامها ملايين وانا ركبة الله يخلف على من جابتني )
ثاني شي بسويه
بسوي حفل استقبال للركب البيض وشرط كل وحده تدخل لابسه قصير
(ممنوع اصطحاب الركب الملونه)
وتستمر في الحديث وتقول(اصلا موب حلو الركبة تكون بيضا (اللي مايطول العنب )
وبعد ذلك ترجع لعالمها الواقعي فتقول لنفسها وعععععع ركبة ذي ولا قلة حيا
اصلا بيكون وقتها الساق والفخذ حيسي بيسي ماتعرف تحدد وين موقع الركبة بالضبط ...
يعني لو ركبتي لاسمح الله بيضا برسم عليها سهم واكتب(هنا ركبة ) عشان مااضيّع مكانها .
بعدين احلى شي .. تلقون درجات الابيض الى الاسود موجوده في الشخص الواحد ..
يعني من كل بحر قطره

ثم توجه سهامها وغضبها على الشباب وتقول
طيب ربنا خلقنا ركبنا سود وحنا راضين انتم وش دخلكم؟(خشة وحدة منفقعة مرارتها)
اللي موب عاجبه يشرب من البحر,, واللي عاجبه اردى له

جوست يعود وبقوة

هااااع وكل عام واتنوا بخير

سلملم

**طالع نازل** · 05-10-2008, 18:36

ايه عرفتك انت اللي البنات حطموك في موضوعك القديم

مشكور على موضوعك الجديد

**younka chan** · 05-10-2008, 18:45

هلا جوست

كيفك؟؟؟؟؟؟؟؟؟؟

لسه امس جايبة سيرتك في الليل اقول وين هذا العضو اللي يضارب مع البنات دايما confused

طلعت من جد جبنا سيرة القرد جاء ينط >>> امزح

انا ما عجبني الموضوع بس حسبتك صرت مؤدب وحتعطينا نصائح حلوة بس كما يقول المثل ...... احسن ما اقوله

انا حترك البنات هما اللي يمسكوك ويطيروك على القمر devious

لاني ما احب اضارب بالذات معاك لاني ما حتركك لو مسكتك devious

الله يعينك بااااااااااااااااااااااي

تحياتي الحارة

صح موضوعك حلو ويضحك smile

**kawaii><** · 05-10-2008, 18:47

هم صارت ركبهن سوداء من شافو وجهكم انتو يالشباب اقصد يالشياب

والفازلين والكلوركس والفلاش خله لك وانتو يا الاولاد طايحين فينا تطنز ما شايفين نفسكم ما ادري علي ايش

**ضرب18** · 05-10-2008, 18:49

ماشاءلله تبارك الله أشوف قوست يتكلم عن البنات باأسلوب حلوو

هههههههههههه

تسلم عالموضوع الروووعة

**younka chan** · 05-10-2008, 18:51

تبغوني امسك جوست واوريه شغله يالبنات

هو وينه هرب خايف مننا نحنا البنات صح

تحياتي الحارة

**younka chan** · 05-10-2008, 18:54

انت تتكلم عن ركب البنات وانت وش لون ركبتك صفراء

اقول انا لا تكلمت ما اسكت

تحياتي الحارة

**ضرب18** · 05-10-2008, 18:55

[QUOTE=لؤلؤة المحيطة;14118009]اقول ورار ما تاكل تراب مو كل البنات ركبهن سوداء

أقول الولد يمزح وبلاش قلة أدب mad

**younka chan** · 05-10-2008, 19:02

هيه جوست الطريقة من جد تخلي الركبة حلوة حجربها على اختي خخخخخ

لا من جد موضوعك حلو وترى اللي قولتوا مزح عشان ماحد يفهمني غلط

تحياتي الحارة

**ولد الشيوخ,** · 05-10-2008, 19:24

والله وصارت لك شعبيه عن البنات يا جوست والله انك منتب بسيط لا وبعد حاط لون الموضوع وردي عزالله رحنا فيها

عندي سعال وحاد ((( احم احم ))) قصدي سؤال واحد بس يعني لا تعصب ليش دايم مواضيعك مع الصبايا ؟

**younka chan** · 05-10-2008, 19:31

من زود المحبة يحطلنا مواضيع خخخخ

بس والله مواضيعوا تضحك حتى لو عن البنات >> ما كأنك بنت

انا عارفة انوا البنات حيزعلوا مني بس انا امشي مع اللي يضحك

تحياتي الحارة

**لي-سان** · 05-10-2008, 19:59

خخخخخخخخخخخخخخخخخخخخخخخخخ

زيدهم مصخرة البنات ههههههههههههههههه

هي الركب ولا بلاش

**ولد الشيوخ,** · 05-10-2008, 20:00

الرسالة الأصلية كتبت بواسطة younka chan

تحياتي الحارة

الظاهر هذا خامس رد لك في الموضوع يبدولي انك من رابطة مشجعين الاطخم جوست . <<<< [[ تراي ما أدري وش معنى أطخم لكن يبدولي انها مدحه ]]

### الا على فكره هالتحيات الحاره شكلك حاطه جمبك فرن يادوب تردين إلا والتحيات ناضجه ### (( تراها مزحه ))