امثال فلسطينية

**لحن الرومنسية** · 01-10-2008, 18:07

مرحبا ^^
كل عام وانتو بألف خير وينعاد عليكم بالصحة والعافية
للي بحب يقرأ أمثال ... هالامثال فلسطينية بلادنا

إذا انت أمير و أنا أمير، مين بيسوق الحمير؟

أكل الهدية وكسر الزبدية

البيت ضيق والحمار رفاص

شو أحلى من العسل قال الخل ببلاش

عاشرالمصلي بتصلي و عاشر المغني بتغني

بكره بنقعد عالحيطة وبنسمع الزيطة

لو كان الرجال بشاربهم لكان الصرصار اجدعهم

آخر العنقود سكر معقود

ال مالو حباب بلتموا عليه الكلاب

بلبق للشرشوحة مرجوحة و لأبو بريص قبقاب

وجع ساعة ولا كل ساعة

الإبن الفاسد يجيب لأهله المسبه

كل اكل الجمال وقوم قبل الرجال

من غير كيسك يا مذرُي ذرُي

أيلول ذيله مبلول

خبي حطباتك الكبار لعمك آذار

اللي بدري بدريواللي ما بدري بيقول كف عدس

لو في خير ما رماه الطير

اذا كولنالها اطبخي بتكول مريضه ... بس اذا كولنالها تعي كلي بتقول وين ملعقتي العريضه

الطول طول النخله و العقل عقل سخله

مجنون زت حجر بالبير .. بدو 100 عاكل يطلعوه

الأقرع بتباهى بشعر ابن خالتو

كوم حجار ولا هالجار

ضللك ورا العيار لباب الدار

اللي بوكل على ضرسه نفع نفسه

مين بشهد للعروس... إمها و خالتها و عشره من حارتها

ما حد بكول عن زيته عكر

سمره ونغشه، ولا بيضة ودفشة

العز للرز والبرغل شنق حاله

الجوز رحمة ولو كان فحمة

عندك عيش وعندي عيش وفراغة العين ليش ؟

ما ظل بالخم إلا ممعوط الذنب

ريحة الإم بتلم

لاتذم و لا تشكر إلا بعد سنة و ست أشهر

أخذتك شطر بطر يا سنسونةروحي ، جيت أكيد العدى كدت أنا روحي

إبنك على ما تربيه و جوزك على ما تعوديه

من طين بلادك لط خدادك
وفي رواية أخرى سخم خدادك

زوّج الفقيرة للفقير بيكتروا الشحّاتين

بيحرق حارة ليولع سيجارة
قرأ ممتعة

**SaruMan** · 01-10-2008, 18:14

يسلمو لحن الرومانسية نور موضوعك
كل عام وانتي بخير هه بس حلوة كوم حجار ولا هالجار هذا المثل الوحيد الي فهمته لغتكم عجيبة و ما اقصد الاهانة يلا اشوفك بخير سلام ,,,,,,,,,,,,,,,,,,,,,,,,,,,, ,,,,,,,,,,,,,,,,,,,, ,,,

**ضحكة مكسات** · 01-10-2008, 18:23

هلا وغلا بلحن الرومانسيه

موضووووعك روووووووووووعه

وامثالك اروع

دمتي بود

**MoReMo ChAn** · 02-10-2008, 00:38

والله حلوه بس انت من فلسطين

**ساره الحلوه** · 02-10-2008, 01:05

في كمان مثل ناقص
صار للدبان دكان وتسكر بكير
وفي كمان مثل بيشبه مثلك
ضربت ابني لاكيد جارتي ما فقعت غير مرارتي

علي فكره انا من فلسطين
ومشكور علي الموضوع الحلو
وتقبل مروري

**بيربل** · 02-10-2008, 14:04

في أمثال تانية

عدي رجالك عدي من الأقرع للمصدي

الخبز والزيت عمارة البيت

على فكرة أنا من فليسطين

ويسلمو ايديكي على الأمثال

**MoReMo ChAn** · 03-10-2008, 06:05

وانا كمان من فلسطين

يالله سرنا صحبات

**ღ sora ღ** · 03-10-2008, 07:06

مشكوووورة ع الامثال

awesome :P

gooood

=)

**there I am** · 04-10-2008, 06:59

مشكوره على الامثال الحلوه

**لحن الرومنسية** · 05-10-2008, 17:54

الرسالة الأصلية كتبت بواسطة SaruMan

يسلمو لحن الرومانسية نور موضوعك
كل عام وانتي بخير هه بس حلوة كوم حجار ولا هالجار هذا المثل الوحيد الي فهمته لغتكم عجيبة و ما اقصد الاهانة يلا اشوفك بخير سلام ,,,,,,,,,,,,,,,,,,,,,,,,,,,, ,,,,,,,,,,,,,,,,,,,, ,,,

أهلين خيو ^^
وانت بألف خير مع انها متأخرة شوي ... لا تواخزنا ...
له والله مفهومين.... او بالاحرى بعضها ممكن مشان لهجتها ما مألوفة ما اكتر
منور

**لحن الرومنسية** · 05-10-2008, 17:56

الرسالة الأصلية كتبت بواسطة ضحكة مكسات

هلا وغلا بلحن الرومانسيه

موضووووعك روووووووووووعه

وامثالك اروع

دمتي بود

أهلين ضحكة مكسات ^^
والله انتي الاروع تسلمي كتير حبيبتي

**لحن الرومنسية** · 05-10-2008, 17:59

الرسالة الأصلية كتبت بواسطة belalco

والله حلوه بس انت من فلسطين

انتي الاحلى ^^
اه انا من فلسطين ... وانتي؟ rolleyes

**لحن الرومنسية** · 05-10-2008, 18:02

الرسالة الأصلية كتبت بواسطة ساره الحلوه

في كمان مثل ناقص
صار للدبان دكان وتسكر بكير
وفي كمان مثل بيشبه مثلك
ضربت ابني لاكيد جارتي ما فقعت غير مرارتي

علي فكره انا من فلسطين
ومشكور علي الموضوع الحلو
وتقبل مروري

أهلين بسارة الحلوة cheeky

شو هالامثال هههههه اول مرة بسمع فيهم بس والله حلوين biggrin