***موضوع خاص باشباب فقط " يعني التماسيييح " (قال حقوق المرأة قال... هه!) ***

[M.O.A]

مرحبمبكم ... شباب مكسات ... أبغى اليوم أصارحكم بموضوعي... و أبغاكم انكم تشاركوني بآرائكم
ورح أبدأ برأيي ... بعدين قولوا لي

أنا ما يرفع ضغطي شَي زَي كلمة حقوق المرأة .. وبالذات في السعودية !
وهادي المشكلة طلعت متى؟ بعد 11 سبتمبر ...( سبحان الله!! )...

يعني كانوا من ألف وأربعمية سنه نايمين ..
وفجأة كده صحيوا وقالوا: وه ياندامة .. إيش هادا؟

.... أتْـرِنُّو إحنا لنا حقوق؟! مادام كده ... الإنتخابات البلدية
ليه ما نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟

تحطوا ضوابط إصدار الرخص لمحلات الحلاقة مثلا؟

والا تناقشوا سفلتة الشارع اللي يودي على بيت أم إبتسام؟

والا ليه الشارع الفلاني ما فيه كوفيرة مغربية وكل اللي فيه مصريات؟

يا أختي ريِّحي راسك .. اذا كثير من الرجال ما سوُّوا حاجه ..

بالله عليكي حتسيبي بيتك وعيالك وشغلك ...
عشان تناقشي مشروع إنتخابي؟

طيب ... قولوا لوحْدَه زواج أختها الليلة: " بلاش تروحي للكوفيره اليوم يا مدام .. وتعالي نناقش حقوق المرأة أو نحضر المجلس البلدي و نتخذ قرارات مهمة .. "

وأترك لكم جوابها .. إيش يكون !!

أما عن حقوق المرأة في السعودية ..
فياسيدي... الست هنا لها حقوق وواجبات ما تتنازل عنها ..
مثلا: في بلدان كثير عربيه وأوروبيه تلاقي شحط طويل عريض جالس في الباص ..
وقدامه وحده في الشهر التاسع واقفه على رجولها ..
وشايله طفل تاني على كتفها ... إن الشحط يتحرك؟ ..
أبدا...إن الثور يحس؟ .... (لايمكن !!)

لكن هل يمكن يحصل هادا في السعودية؟ أبدا ..
واللي يبغى يجرب ... الطريق قدامو ....
يا عمي العملية كلها دلع حريم في دلع حريم ..
رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟
وهل عندنا المرأة متساوية مع الرجل .. والا هي أحسن مِنُّو؟

"قال حقوق المرأة .. قال."


منظر عام

رجال محترمين زي الورد واقفين أمام صراف في بنك ..
وتِجي أختنا في الله (اللي يقولو إنها مهضومة الحقوق)

تتقدم للصراف مباشرة ولا على بالها من الطراطير اللي واقفين من ساعات ..
وبعضهم مستأذنين من عملهم.
طيب ليه ما توقِّف تِمسك سِرا ورا عشرين بنغالي...
وثلاثين باكستاني... وخمسين سعودي...

واثنين معقبين معاهم شوية فواتير مقاس إكس لارج ..
وإذا أحد كلمها وقال لها أتفضلي يا أختي ترد عليه وتقول:
لا، معليش. المرأة زَيّ الرجال ... خليني في الطابور ..
زَيِّي زيكم؟! ... ليش ما تقول كده؟! ...

والا هي تماحيك وبَس! ونفس المنظر في الجوازات .. والأحوال .. والتأمينات ..
ويقدر أحد ... (يقول إنه من ظهر أبوه)... يفتح فمُّه؟ ..

على طول يسمع العبارة الشهيرة ..
(عيب عليك .. إنت ما تستحي؟ .. هذه حرمة...إنت ما عندك أهل!))
ويضطرالراجل إنُّه ينكتم ويسكت .. بل إن المرأة تشفع للراجل جوزها
عشان يتقدم على الرجال الباقين.
في المطار .. مثلا .. ما تشوفهم يطلِّعوا العوايل أوَّل ..
وبعدين بقية الركاب؟

"قال حقوق المرأة ... هه!"


اقتصاديا

شوف الراجل... السبع... الغضنفر... المفتري..
له ثوبين أو ثلاثة في السنة ..
يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ ..

والمرأة بسلامتها .. بقيمة أدوات مكياجها فقط...
تقدر تفتح محل خياطة رجالي محترم ..

ويا ريت تحط من مكياجها في البيت .. لأ. دا بَس للخروج ..

وقيمة اصباع روج والا علبة بودره تساوي .... قيمة جوال جوزها ..

وكمان ازيدك من الشعر قصر .. (مو بيت ) ... من حقوقها فستان لكل فرح..
و مكياج... و كوفيرة...وجزمة ...وشنطه. وكمان خُدوا هادي ..
سابع بنت عمي ... ملكة أخت جارتنا .. ولازم هديه ...

واللطخ يدفع .... مو مهم الفلوس جات من فين .... المهم يدفع ...
والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ...

"قال إيه! حقوق المرأة."



نفسيا

الزوج مطالب يكون أربعة وعشرين ساعة رومنسي ومبتسم ..
ولا يبقى جلف وإبن ستين في سبعين ..

ويعني إيه عنده مشاكل في العمل؟! والا أقساط متأخره؟!
والا فواتير؟! والا مقاضي ما يعرف كيف يجيبها؟! مو مهم ..

واجب عليه إنه يرجع من العمل للبيت مروِّق ومبسوط وبَس ..
كإنه كان في شرم الشيخ مصيف مع نانسي عجرم ..
((مجرد مثل .. تف .. بره وبعيد )) ...

والست بسلامتها من ساعة ما يرجع من عملو .. وقبل ما يفصخ حوايجو:
شوف بزورتك ( لاحظوا .. بزورتك) طفَّشوني ..

إيش رأيك نغير غرفة النوم؟ التلفون ما فيه حراره ..
جاتني رساله على الجوال يقولوا الفاتوره طلعت ..
أَلحق سّدِّدو قبل ما يوقفوه عن الخدمه ... ... ...

... ومع هادا كُّلو ..لازم يبقى (رومانسي.)
بينما هي وبكل سهولة تصحى بسلامتها في الظهر...
وتجد الكارثة الكبرى....(يوه !!!!...ما عندنا صلصه...!!!)

وبكل رقة تتصل...ألو ألو ..أبو خالد موجود؟
ممكن أكلمه لو سمحت؟ ألو .. إيوه... أنا .. (حتكون مين يعني؟... )

المهم .. جيب معاك غدا ... ماهو إنت يا فالح نسيت تجيب صلصه معاك أمس!!! ..

ولإنه موفاضي.. و قرفان من العمل..
يصدق المسكين إنه هو إللي نسي ويقول بكل شجاعة ..... (طيب. )

وفوق هذا كله آخر السنه: طفشانه ...فين حتودينا ...
والله بنت خالتي راحت أمريكا .. وبنت عمي ما تصيف إلا فْ أوروبا...

يا عيني علينا إللي ما نروح غير يا مصر .. يا سوريا ..
والسنة اللي غيَّرنا فيها .. رحنا ماليزيا !

وفي رمضان: تعبت !!!...أوف .....
إنت داري عن حاجه؟ أنا أبغى خدامة.. !
أنا خلااااااااص ..

ومن ثالث يوم رمضان ...مقاضي العيد من جده ...
أختي جابت ملابس لها ولعيالها .. إيش أقولَّك بس ... ( وخُد مشاوير لليييييييييييل ... )

والراجل المسكين لما ينزل السوق مع مرته ما يقدر يشتري ولااااا شَي لنفسو ..
لأنو طول الوقت ماشي وراها من دكان لدكان ..

وشايل زنابيل إلين ما كتفو يتخلع..
وهي تطالع فيه وهو يتطوَّح من ثقل الزنابيل ..
ولا تقول لُو فزعه .. (حتى لو بالكِذب )..

وآخرتها بعد ما يرجع البيت تقول له إنها لِسَّه ما أشترت ملابس العيد!!!!!!

وإذا فكَّر ينزل السوق لحالو عشان يشتري شي لنفسو ...
على طول يكون مشبوه .. إيش ينزلك لوحدك وسط الحريم؟ ..
طيب إنت مو كنت معايا في السوق .. أحد قال لك لا تشتري؟

"قال إيه؟ .. حقوق المرأة."


إجتماعياً

الست كل أسبوع تخرج عند صاحباتها وما ترجع إلا متأخره ..
وطبعا جوزها هو اللي يوديها ويجيبها ..
(يعني تبغاني أروح مع السواق في هادا الليل؟!) ..

وسعادتها ما تبدأ تتمكيج وتسرح شعرها إلا بعد العِشا ..
وكل شويه تقول :خلَّصت .. وهي ما سوت شي لِسَّه ..

والراجل الغلبان جالس على أعصابو يستنيها تخلص ..
أخيرا تقول لُه: وي! إنت ما نزلت السياره؟ ..

وَي .. هيا عشان لا نتأخر. المسكين يجري في الدرج (عشان ما يأخرها ) .. ويشغل السياره ..
ويستَنِّي بسلامتها مو أقل من ربع ساعة حتى تشَرِّف ..

وطبعا ممنوع يقول لها: (إيش أخَّرِك؟) والا (يا ويله منها !! ) ..

وبعد ما يوصلها ..
يستحيل يغتنم الفرصه ويروح هوَّ كمان لأصحابو إلين هي تخلص سهرتها ..
(وَه! كيف تروح؟! ومين يقعد مع البزوره؟) ..

والماكياج اللي حطتو للستات يتمسح نصو من الطريق ..
والباقي بعد ما توصل البيت .. يعني الرجَّال ما يلحق يشوف مِنُّو شي.

وإذا بعد شهر أو شهر ونص جات له عزيمه في زواج ...
أو فكر يخرج ليله مع أصحابو ..
وبلَّغها من بدري عشان ما ترتبط بموعد مع صاحباتها في نفس الليله وتخرب عليه ..
(هو إنت ما تعرف تِقِر في البيت؟ كل ليله معزوم؟ شوفي يختي الراجل ... ما كإنُّو عندو بيت ولا بزوره)

.................................................. ...........

لكن مع دا كُلُّو ..
برضهم الستات أحيانا نحس إنهم غلبانين .. (يمكن عشان قلبنا طيب!؟؟؟؟؟؟ )

[سائـد]

اوافقك على بعض الاشياء

والاكن اجتماعياااا الحمد لله ما شفت شي

[حارسة ظلام 1987]

الصراحة المرأة ماخذه كل حقوقها السياسيه و الاقتصاديه و النفسيه من دينها

فأنا أرى أن من السخافه و البلاهه أن تطالب بحقوق هي ليست أهلا لتحملها

لأن الدين أعطاها كل حقوقها

فأي حق تريد ؟؟؟؟؟!!!!!!!!!


مع تحيات:

حارسة ظلام 1987

[طبيعيه]

هههههههه

شكلك حاقد مره

أنا عن نفسي ماخذه حقوقي كامله.... الله يعافي الوالد هههه بس ترى مو كل البنات يهتموا بالمكياج.. أنا أكرهه وماأستخدمه إلا في الزواجات فقط... تهمني أشياء أخرى... القراءه والكتابه وأمور المدرسة التي أدرس بها.. كذلك أمور خاصه في الدوله... أتمنى لو كان فيه إستغلال للمناطق السياحيه مثل جبال القار الرائعه التي أعتقد نصف سكان السعوديه مايعرفون عنها... بعد لو فيه إهتمام أكثر في تنظيم الحدود والإهتمام بدورات المياه في الطرق وتنظيفها... بعد توظيف الشباب السعودي الكسول الي شايف نفسه أحسن من إنه يشتغل....

[الفارس المغامر]

مرحبا

انا ما اقول الاااااااااااااااا


تسلم أناملك يا باشا

[UCHIHA LEGEND]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه

اوافقك الرأي و ادعمك MOA والله انك فنان

صراحه عقب سفلت ام ابتسام ^_^ (بطني)

يالله يا سحالي ( يا حريم ) ردو ان كان فيكم خير :P:P:P:P

الموضوع اووكييييي

peace

[Sugababy]

اسمح لي أرد على بعض النقاط اللي ذكرتها
أولا المرأة آخذه حقوقها كاملة من دينها قبل لا يعطيها المجتمع والزوج
ثانيا هذا النوع من النساء قلت نسبته من زمان........ وبالعكس الزوج هو اللي ما ينشاف بالبيت يروح مع الربع ولا يرجع إلا الساعة 2 الفجر أو أكثر واذا دقت عليه تتطمن قال انتي لازم تعرفين وين كنت وين بأروح
ولا تبالغ ما فيه رجال يسمى (رجال مثل ما تقول) بيترك زوجته تهزأه وتخليه مثل الخدامة

شوف الراجل... السبع... الغضنفر... المفتري..
له ثوبين أو ثلاثة في السنة ..
يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ ..

والمرأة بسلامتها .. بقيمة أدوات مكياجها فقط...
تقدر تفتح محل خياطة رجالي محترم ..

ويا ريت تحط من مكياجها في البيت .. لأ. دا بَس للخروج ..

وقيمة اصباع روج والا علبة بودره تساوي .... قيمة جوال جوزها ..

وكمان ازيدك من الشعر قصر .. (مو بيت ) ... من حقوقها فستان لكل فرح..
و مكياج... و كوفيرة...وجزمة ...وشنطه. وكمان خُدوا هادي ..
سابع بنت عمي ... ملكة أخت جارتنا .. ولازم هديه ...

واللطخ يدفع .... مو مهم الفلوس جات من فين .... المهم يدفع ...
والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ...

يا عزيزي هذا من حقها إذا هو يسمي نفسه زوج لازم ينفق عليها ولا لا يتزوج اذا مو قد المسؤلية وهي ما هي رجال عشان ما تتزين ولا تشتري ولا تقول الرجال بريء لأنو هو كمان يشتري جوال وسيارة وشماغ بصمة ماأدري كم وأشياء كثيرة الله أعلم فيها واذا حب يتزوج تزوج ثانية وتطلع الفلوس ما أدري من وين يعني كلهم بالهوى سوا

مطالب يكون أربعة وعشرين ساعة رومنسي ومبتسم ..

مطالب وليته يكون .....شوف الرومانسية طول عمرها جاية من البنت

وطبعا ممنوع يقول لها: (إيش أخَّرِك؟) والا (يا ويله منها !! ) ..

يعني ايش بتسوي؟؟؟؟؟ بتضربه؟؟؟؟ خلك واقعي شوي

يستحيل يغتنم الفرصه ويروح هوَّ كمان لأصحابو إلين هي تخلص سهرتها ..
(وَه! كيف تروح؟! ومين يقعد مع البزوره؟) ..

والماكياج اللي حطتو للستات يتمسح نصو من الطريق ..
والباقي بعد ما توصل البيت .. يعني الرجَّال ما يلحق يشوف مِنُّو شي.

هذا كلام والواقع شي ثاني

أخي أنا ما أنكر انو قلة من البنات يعملون هذي الأشياء لكن أيضا في قلة من الرجال يسووا مثلهم
كلهم لهم عيوب ولا تزعل لأنو في الأخير مالهم إلا بعض...... ولا كييييييييييييييييييييييييييييييييييييييييييييف أعطنا ردك

[0ناروتو0]

هههههههههههههههههههـ




شكرآآآآآآآآآآآآآآآآآآآآآ

[.: Snow White :.]

هههههههههههههههههههههههههههههههههههههههههههههههههه ههههههههههههههههههههههههههههههههههه موضوعك تحفة واسلوبك كانه قصة روعة بصراحة....بس اللي قلتو مو صحيح ومو متفق مع الواقع...كان بدي رد عليك نقطة نقطة بس مستعجلة ^^ لكن حابة قلك اني مو مع كلمة المرا بتطالب بحقوقها لانه عندا حقوقها وحفظها الها ديننا والحمدلله...بس لما قلت انه بتجي مرا وبتخلي الرجال واقفين طابور بينطرو وتتعداهن هيدا ما بيصير لانه المرا بعد بتخجل وبتقدر مو هي صخرة ما بتحس...وكمانة النسوان بيفهمو امت يتدلعو وامت يكونو جدّيات وما بيبالغو متل ما انت طلعتن بقصتك الحلوة هي....وعلى كل حال مافي مرا بتعذب زوجها ابدا الا قلييييييييل اللي ما عندن دم طبعا...ومافي رجال بييسمح لمرا تهينو الا لو كان مخلوق مهان من اصلو بدون كرامة يعني...بصريح العبارة طرطور من يوم ما امه ولدته...وابن امه فتجي مرتو وتحتل موقع امه وتصير تديروو توجهو على كيفها هيدا مو رجال للاسف...والمرا بعد اللي ما تهتم ببيتها واولادها وتطبخ كل يوم وما لو داعي الخدامة برايي كمانة مو مرا...والحق عليه هو ماعرف يختار ^^....ومو مطالب لا برومانسية ولا شي هيدا بديهي انه يكون شوية مجامل بطبعه ليش دايما المرا تجامل زوجها والرجال متل الوحش بيدخل للبيت مشان ياكل وينام وخلاص.......بعدين مين قال انه النسوان كانو نايمين وفجاة طالبو بحقوقهن لالا هالحكي مو صحيح ...المنطق والتاريخ قال انه السبب في احتجاج وتطرف المرا وخروجها عن التقليد هو الرجال مافي غيرو هو اللي كان بدو يستعبدها وفيك ترجع للكتب القديمة وتتاكد من كلامي يعني هي لما شافت انه ما رضي يحس على دمو ويحترم حقوقها وقال خليني دوسها يعني مرا شو بتقدر تعمل بتضلها محتاجتني وتحت ايدي بس هي ما رضيت وقررت تدافع عن حالها فلما هي قررت حضرتو السي السيد زعل وقال بدا تعمل ثورة عليي....بس بهالزمان نلنا اللي بدنا واكتر وما عاد بدنا شي...ويسلمو عالقصة الحلوة ^ ^

[M.O.A]

كلهم لهم عيوب ولا تزعل لأنو في الأخير مالهم إلا بعض...... ولا كييييييييييييييييييييييييييييييييييييييييييييف أعطنا ردك

كيف حالك ... الظاهر اني قلت للتماسيح فقط .... بس مو مشكلة ... برضو مرحبمبك ( الجانب الطيب من التماسيح )
شوفي ... أنا معاك في هادا الشيء ... مالهم الا بعض ... بس انا مصدع من مشروع حقوق المرأة .. فهمتي ؟
فكري معايا كويس بعدين حتشوفي كلامي صح .... و شكرا على مرورك

[M.O.A]

يعني ايش بتسوي؟؟؟؟؟ بتضربه؟؟؟؟ خلك واقعي شوي

لا ... بس تزهم ارحامها و تسوي من الحبه قبه ... و هادا واقعي !!!!

[M.O.A]

الصراحة المرأة ماخذه كل حقوقها السياسيه و الاقتصاديه و النفسيه من دينها

فأنا أرى أن من السخافه و البلاهه أن تطالب بحقوق هي ليست أهلا لتحملها

لأن الدين أعطاها كل حقوقها

فأي حق تريد ؟؟؟؟؟!!!!!!!!!


مع تحيات:

حارسة ظلام 1987

نعم و الله !!... يا شيخة بس انت اللي فهمتي الهرجه من فئة السحالي ... و برضوا مرحبمبك ( برضوا الجانب الطيب )

[البسمه الشفافه]

انت باين انك حاقد مررررررررررررررررررررررررره علينا
انا راح اعلق على نقطه وحده بس

(رجال محترمين زي الورد واقفين أمام صراف في بنك ..
وتِجي أختنا في الله (اللي يقولو إنها مهضومة الحقوق)

تتقدم للصراف مباشرة ولا على بالها من الطراطير اللي واقفين من ساعات ..
وبعضهم مستأذنين من عملهم.
طيب ليه ما توقِّف تِمسك سِرا ورا عشرين بنغالي...
وثلاثين باكستاني... وخمسين سعودي...

تتوقع انها اذا وقفت ومسكت السرا ماراح احد يتعرضهاااااا؟؟؟؟ والله ماراح يسيبوها في حالها بالذات الراجل الي واقف وراهاااااااااااااااااااااااا!!!!!!!!!!
وتسلم على هاالموضوع الحلوووووووووووووووووووو

[M.O.A]

مرحبا شباب .... وينكم ؟
زي كإني شايف البنات اكتر منكم في المشاركه ... سبحان الخالق !!!
اترني مستقبل سحالي بدل من تماسيح .... و انا قايل للتماسيح فقط ...

[M.O.A]

ياهو .... يا شباب وينكم ... ليش كده خذلتوني ؟

[M.O.A]

............ صباح الخير ^__^ !!!

[عاشقة همتارو 7]

أولا:رجال محترمين زي الورد واقفين أمام صراف في بنك ..
وتِجي أختنا في الله (اللي يقولو إنها مهضومة الحقوق)

تتقدم للصراف مباشرة ولا على بالها من الطراطير اللي واقفين من ساعات ..
وبعضهم مستأذنين من عملهم.
طيب ليه ما توقِّف تِمسك سِرا ورا عشرين بنغالي...
وثلاثين باكستاني... وخمسين سعودي...

واثنين معقبين معاهم شوية فواتير مقاس إكس لارج ..
وإذا أحد كلمها وقال لها أتفضلي يا أختي ترد عليه وتقول:
لا، معليش. المرأة زَيّ الرجال ... خليني في الطابور ..
زَيِّي زيكم؟! ... ليش ما تقول كده؟! ...

طبعا وش رايك أنت ؟ ممكن يعني يتركوها في حالها ؟ أكيد لا
و مستحيييييل مايتحرشوا فيها أبدا يعني بين قوسين ( الرجال مالهم أمان )
عشان كذا تتعدا الطابور

شوف الراجل... السبع... الغضنفر... المفتري..
له ثوبين أو ثلاثة في السنة ..
يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ ..
يا المفتري !!!! الرجال مايمر شهر إلا وهو مفصل له عشر ثياب
بس الحرمة ياحياتي تفصل لها فستان واحد في السنة
وتكرف أبوه تلبسه خمس مرات لما شوي ويتشقق

الزوج مطالب يكون أربعة وعشرين ساعة رومنسي ومبتسم ..
ولا يبقى جلف وإبن ستين في سبعين ..

ويعني إيه عنده مشاكل في العمل؟! والا أقساط متأخره؟!
والا فواتير؟! والا مقاضي ما يعرف كيف يجيبها؟! مو مهم ..

واجب عليه إنه يرجع من العمل للبيت مروِّق ومبسوط وبَس ..
كإنه كان في شرم الشيخ مصيف مع نانسي عجرم ..

ياعيني وش رايك ؟ أكيد الرجال لما يرجع يفصخ ثوبه ويرميه عليها
ويصرخ فيها : وييييييييييين الغداااااا ؟
تقوله : توه مابعد جهز يقول : كييييييييييييف أنا أرجع تعبان من الشغل أبي أرتاح وتاليتها ماخلص الغدا ؟


يستحيل يغتنم الفرصه ويروح هوَّ كمان لأصحابو إلين هي تخلص سهرتها ..

أصلا كلامك هذا كله غلط في غلط
الرجال مايخليها تطلع بسلامتها إلا وهو قايله على وييين رايحة ؟ مين هاذي اللي بتروحيلها ؟وهكذا
أما هو بسلامته يروح للإستراحة ولا يرحع إلا نص الليل ويرجع يصحيها من سابع نومه ويقولها : قومي سويلي عشا أنا جوعان


يعني برايك الحرمة مو مظلومه و لا لأ
أنا أقول بعد فيه رجال مظلومين بس ياااندرهم

[M.O.A]

ههههههههه
مشكوره اختي ع الرد !! ^__^

و صح كلامك هادا ..... بس انا كنت ابغى اورّيكي جانب من جواب حالاتنا *__* !!!
ههههههههههه

شكرا مره تانيه ^^
تحياتي ،،،

[M.O.A]

ياهووو !!! يا عالم !!!! شاركوونا !!! تراني تعبت لمّن نشف موية شعري !!! فينكم *__*

[بنت بابا]

شوف اذا ما البنات يردو ويزينو لك موضوعك راح ينزل موضوعك

يمكن الشباب مشغوليين الحين في الدوام يجمعو لأهلهم فلوس المكياج والملابس ولا يمكن يودوهم زواج بنت العمه ولا يمكن .......

بس بصراحه الموضوع قتلني من الضحك يسلمووووووووو