مشاهدة النتائج 1 الى 6 من 6

المواضيع: الحيرة في الحب

  1. #1

    التضحيه من اجل الحب

    السلام عليكم
    شباب هذي اول قصة انا الي مؤلفنها من نسيج خيالي
    فاذا قريتونها قولوا شنو رايكم بصراحه اوكي
    ولاتخافون انا ما ازعل من الانتقاد يالله ما ابي اطول عليكم
    الشخصيات :
    1. انا و اسمي جاك واكيد انا البطل شعري طويل اشقر كيرلي عيني عسليه ابيض طويل خفيف دم ذكي
    (معلومات حقيقيه عني) .
    اعوذ بالله من قولتي انا .
    2. سارا وهي حبيبه جاك بل احرى حبيبتي حلوه ذكيه خفيفه دم حساسه شعرها اشقر طوله زين عينها زرقاء
    تحب الحيوانات وايد .
    3. رايتشل وهي رفيجه سارا المقربه تقول لها كل اسرارها تحبها حب بس الغيره ماخذه قلبها وعقلها وهذه الي ما تحبه سارا فيها .
    4. جورج وهو رفيجي المقرب لاعب كره سله محترف طويل ابيض ونقول الى بعض كل اسرارنا وهو يحب رايتشل وايد وموت فيها بس هي ما تطيقه بعيشة الله .
    5. جوي و تريشا والدا سارا يحبونها حب لدرجه ان اذا طلعت كل ربع ساعه يتصلون يكلمونها لانها هي بنتهم الوحيده كانت عندها اخت اسمها سالي بس توفيت بحادث سيارة من جذي وايد يخافون على سارا .



    خلصت الشخصيات وبروح اشتري وبرد اكمل القصة اليكم
    اخر تعديل كان بواسطة » فارس الحرب في يوم » 25-07-2006 عند الساعة » 20:07
    اذا رأيت انياب الليث بارزة
    فلا تظن ان الليث يبتسم



  2. #2
    القصه من البداية
    سارا وسالي توام
    عمرهم 4 سنوات ويعني انا كان عمري 5 سنوات
    المهم امهم تريشا راحت موعد عند الطبيب
    جوي اخذ العيال وراح الحديقه العامه يلعبهم الى ما ترد امهم من الموعد مع الطبيب
    كانوا يلعبون في الحديقة العامه
    عيال صغار ما يفهمون راحت سارا تلعب بالارجوحه
    وسالي راحت تلعب بالكره
    راحت الكره من غير قصد جنب الشارع وكان جوي غافل عن سالي
    راحت تلحق الكره
    وفجاه تجي سياره وتصدم سالي وهي صغيره وقصيره فجت الضربه في الراس
    وهرب السايق ومحد عرفه يسرعه اخذ سارا و خلاها عند خالتهاالي بيتها قريب من الحديقه
    يوم ودوها المستشفى قال الطبيب املها في الحياه ضعيف كلش واذا عاشت بتكون مشلوله شلل كلي
    لان الضربه في الراس مو سهله
    الخبر صار مثل الصاعقه على جوي
    شلون يقول الى تريشا وشلون بيتحمل يشوف بنته سارا بدون سالي
    المهم ردت تريشا من الموعد وراحت تتصل على جوال جوي وجوي مايبي يرد لانه كان في حاله هستيريه كلش حتى رقدوه يومين في المستشفى
    بكره اكمل الباجي لكم

  3. #3
    ثااانكس ع القصةة
    attachment


    عـٍـٍُضـٍـٍُو فـٍـٍُي شـٍـٍُلـٍـٍُة عـٍـٍُربـٍـٍُ زايـٍـٍُد

  4. #4
    راحت تريشا الحديقه وما لقت جوي ولا العيال
    راحت بيت اليزا اختها تسال عن جوي وبناتها لقت
    اليزا تبكي وسارا بروحها سالتها شنو السالفه وعلمتها السالفه راحت بسرعه الى المستشفى
    تدور جوي او سالي الين ما لقت الدكتور حق الاطفال
    سالته عن جوي وعن سالي علمها بحاله سالي الحرجه و ان هي بين الحياه و الموت ولحسن الحظ كانت تريشا تدرس طب فعرفت كل شي و سالت الدكتور عن جوي قال الها ان جوي مخدر من زود حالته النفسيه خافو عليه من الانتحار او شيء من هذا القبيل يعني
    بعد ساعتين قال الدكتور الى تريشا خبر نزل عليها بمثل الصاعقه الا وهو سالي فارقت الحياة
    تفهمت تريشا الوضع وراحت تبكي على خفيف حق لا يسمعها جوي ويعرف عن سالي
    المهم في اليوم الثاني قالوا الى الى جوي تقدر تروح البيت ترتاح الحين قام وراح الى تريشا وقال لها تعالي تطمن على سالي الحين طلعت اثار الحزن على وبكت عرف جوي السالفه وبكى واقسم ان ينتبه الى سارا الى اخر نفس في حياته
    ومن ذاك اليوم ما يخلي سارا تطلع الى معاه او مع امها او مع احد يثق فيه
    المهم
    كان جوي و تريشا بيت جريانه
    وكنت كله العب مع ساره
    وكنت احبها وهي تبادلني نفس الشعور
    وكل اهلي واهلها يدرون ان احنا بنتزوج اذا كبرنا
    حتى يوم كان عمري 11 وهي عمرها 10
    انا رقدوني في المستشفى اسبوع حق يشلون اللوزتين
    هي غابت من المدرسه الاسبوع كله ونامت ونامت معاي بصراحه
    انا ما كنت اشعر بالراحه والحب الى اذا هي معاي وهي ما تشعر بالامان والحب الى اذا انا معاها
    يعني كلش مقدرين الى بعض مثل مايقولون
    المهم
    وانا معاها نبي نصير اطباء جراحة
    دخلنا الثانوي وتعرفنا الى جورج ورايتشل
    جورج كان يحب رايتشل موت بس هي ما تحبه كلش
    هو كله يقول اليي اقنعها بالخروج وياي انا اروح اليها تقول
    اليي ان جورج مو من النوع الي تحبه في يوم من الايام تعرفت رايتشل بمارغريت بنت عم جورج وهي احلى منها واذكى وتموت في جورج لكن جورج ما يدري عن حبها اله
    عرفت شنو الي فاتها لكن من غيرتها عطت هكرز معلومات جورج ومعلومات عن مارغريت حق يشوهون سمعه الاثنين
    لكن تجري الرياح بما لا تشتهي السفن
    بدل ما يكرهون بعض وقعا في الحب وشوي شوي جورج نسى رايشل وغيرتها


    المهم


    كنت انا و جورج نتبادل الاسرار في يوم من الايام
    شفت لويس ابو جورج في السياره يمشي يمكن 20 بس
    اقول الى جورج بداعي المزاح ابوك وايد يخاف على البترول
    قال لا ابوي متعقد من سالفة صارت الي من قبل 13 سنه وما يرضى يسوق بسرعه من ذاك اليوم قلت اليه بل يعني نص عمرك في السياره قعد يضحك
    يوم صار عمري 21 سنه يعني عمر سارا 20 سنه كانت احلى وحده في الجامعه لكن انا اخذتني فرقه العلوم الى بلد غير حق ادرس معاهم وياليتني ما رحت وابتعدت عن حبيبتي
    بس كنت مثل جوي كل شوي اتصل اكلم سارا
    الين ما انقضت الاربع سنوات الي مثل السم
    رديت الى كل شي متغير جورج اتزوج بمارغريت بنت عمه
    والمنطقه الي كنت ساكن فيها صارت منطقه بائعي المخدرات ومجرمين وغيرهم من جذي خفت وايد على سارا وقلت اليها طلعي من هذي المنطقة وروحي الحين فندق الين ما تلقين فيلا في منطقة احسن طاوعتني وراحت فندق
    هي ويا رفيجه عمرها رايتشل
    وانا كنت افكر اروح بعد يومين واخطب ساره من جوي وتريشا
    لكن وهي في الفندق في واحد من الموظفين تحرش بسارا انا اتصل الى سارا وهي ماترد
    شلون جذي غريبه مو من عوايدها
    قلت لازم السالفه فيها شي رحت بسرعا وقلبي سرعته 19002ضربه في الثانيه
    والافكار السوده توديني وتجيبني
    الين ما وصلت وشفتها تبكي ذاك الوقت نشف دمي قلت اليها شنو السالفه وهي حساسه وايد ما رضت تقول بس رفيجتها رايتشل قالت الي واشرت على الموظف بعد ما خلتني اقسم بان ما المسه واتصل بالشرطة وهم يتصرفون معاه
    اتصلت وجو اليه واخذوه وقال الي المحقق ان هذه فيه حاله نفسيه وان الشي الي سواه اى سارا مخالف الى شروط اطلاق صراحه من السجن قبل 3اشهر
    هذه السجن تام عليه تام يعني لا مفر منه والى السجين مكالمه وحده هو ما اتصل بمحامي مثل ما كان مفروض اتصل بقاتل ماجور وعلمه بمواصفاتي وان عليه ان ياخذ اليي طعم الاوهو ساره مقابل مبلغ كبير من المال
    هذه نطرني اطلع من عند سارا و اختطفها
    واتصل اليي واذا خبر مثل الصاعقه
    بسرعه اتفقت معاه على مبلغ من المال
    على شرط اذا سمع بصوت شرطي واحد بيقتل سارا
    رحت بسرعه سحبت الفلوس من البنك
    ورحت الى المكان الي اتفقنا عليه وانا كنت افكر في حبيبتي سارا بس و ماعليي من نفسي مت عشت بس سارا ما يصيدها خدش عطيته الفلوس وقلت اليه يخلي سارا بعد عنه لحالها
    كنت مستعد اضحي بكل شي حق عيون سارا بس
    دفع سارا دفعه جنب الجدار دعمت به واغمى عليها
    ذاك الوقت فار دمي ووصل الى حده واخذت اقاتل القاتل الينما ضربني بطلقه انا واصلت وضربت راسه بالارض الين ما اغمى عليه وانا كنت اصارع الموت بعد شوي استعاده سارا وعيها بس انا بديت استسلم الى الموت حاولت تسوي الي اسعافات اوليه او توقف النزيف ماقدرت بعدين ظلمت الدنيا في عيني وما حسيت بشي الين ما قعدت في المستشفى
    وجنبي سرير سارا بعدوهي نايمه وجوي وتريشا في الغرفه الي جنبنا بعد شوي شفت جورج معاه لويس ابوه يبكون يم سارا انا قلت اكيد سارا فيها شي ولا شدخل لويس سالته شنو فيها طلع من الغرفه يبكي زاد همي سالت جورج شنو السالفه قال الي تذكر يوم تركب معاي السيره وتقول ابوك يخاف على البترول يسوق بطيء قلت الك متعقد من سالفه قديمه
    قلت اليه شلون تبيني انسى هذه السالفه قال السالفه ان هو الي صدم سالي اخت سارا من قبل 20سنه وهرب الحين خاف يفقد سارا بعد
    وحنا نتكلم الى سارا قعدت كانت فرحتي لا توصف قلت اليها الخبر الي قاله اليي جورج بكت لاني ذكرتها بسالي


    المهم


    بعد شوي جوي وتريشا دخلو الغرفه وحسيت انا الوقت حان حق اقول اليهم عن خطبتهم
    قلت اليهم ووافقوا
    ذاك اليوم كان احلى يوم في حياتي
    بعد ما خرجت من المستشفى شافني دكتور من افضل الدكاتره في البلد
    قلت اليه انت مثلي الاعلى
    قال عندك وحده افضل مني في الطب اول عمليه اليها تكون صعبه نفسيا وجسديا
    ونجحت في الامتحان وانا بوصي ان تاخذ وظيفه في احسن المستشفيات
    انا قلت اليه من تقصد قال سارا قلت اليه شلون قال هي الي قامت بعمله اخراج الرصاصه منك انصدمت وتداخلت علي الاحاسيس ما ادري اضحك استغرب ابكي اعصب انام اقعد اوقف المهم حاولت انسى وتناسيت السالفه


    بعد اسبوع صار زفافنا
    بصراحه انا كنت متوتر بحيث كان الجو بارد وانا كنت معرق حدي كله من خوفي ان ما اعجب سارا بس
    الحمدلله كنت عاجبنها وايد شكلي لانها نفسي الجو بارد وهي معرقه حدها
    وتزوجنا وقضيت سنوات حياتي الباقيه كلها في شهر العسل

    يالله خلصت القصه اتمني منكم تحطون ردود صريحه
    والسلام ختام

  5. #5
    حلوه اخوي هذه القصه لكن خلصت بسرعه كنت افتكر انه في تكمله لها لكن ما عليه صراحه القصه كانت حلوه وفيها تضحيه ووفاء وحب
    [
    اعلم ان الله يحبك و أحن عليك من اي انسان

    من جاور السعيد يسعد ومن جاور الحداد ينحرق بناره

    لا تبع يوماً صالحاً بيوم طالح

    أخوك من صدقك النصيحة


    gooood

  6. #6
    اشكرج اختي زهور عمان على ردج ومرورج
    وادري ان القصه صغيره لكن المعني كبير انشاء الله

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  


 


مكسات على ايفون  مكسات على اندرويد  Rss  Facebook  Twitter