السلام عليكم ورحمة الله وبركاته
بمناسبة العيد جعله الله سعيدا على الجميع أود ان اذكر الأعضاء المخضرمين بالماضي الجميل وانا اقصد بالمخضرمين الذين تجاوزت أعمارهم ال20
هل تذكرون الالعاب الجميلة التي كنا نلعبه في تلك الفترة الذهبية
اذكر انه كان هناك بيضه بداخلها وحش جلاتيني مطاطي صغير تختلف ألوانها وأشكالها من بيضه إلى أخرى عندما نضعه في الماء و الظلام يصبح حجمه بحجم كف اليد
والألعاب الالكترونية هي الاتاري و لعبة باكمان و صخر اذكر لعبة جومارو صخر
كما كانت هناك دمى لجرادايزر و بعضها معبئة بالشامبو والمجلدات المصورة لجراندايزر
كنا نستخدم الصلصال لصنع مجسمات الديناصورات و جراندايزر (مع اني فتاة )
المأكولات الشهية:
بطاطس زينه ونحول المليئة بالزيت
العلكة التي كانت ترافقها بطاقات تشبه بطاقات yugi ولكنها تحمل صور سانديبل وغراندايزر وكنا نتبادلها او نلعب بها بلوت أحيانا نجد بطاقتين في المغلف
كما كانت هناك علكه وحتى وقة قريب ترافقها بطاقات عليها صورة كوكب تلصق عليها صور اخرى لشخصيه من شخصيات جراندايزر
الايسكريم اللذيذ داخل علبه بلاستيكية على شكل كرة قدم بعد الانتهاء من الايسكريم نلعب بالكرة
كنا نقلد الشخصيات الكرتونيه ولكل منا شخصيته الحصريه وغالباً ما تسند إلي حنين من الهداف و ماريا و سميرة من عدنان ولينا و بيبيرو ولين
وكان حصاني ودراجتي النارية عبارة عن المساند و حماري هو السيكل
هذه ذكرياتي
هذه ذكريات لبعض الاشخاص جمعته من عدة منتديات الرجو ان تنال اعجابكم
والله في مسلسات واجد كنت اتابعها....مثل ميمونه و مسعود اللي الى اليوم وانا حاقد على نفسي اني كنت اتابعه...
وفي سالي وليدي ليدي بس كنت اتوز عشان مايشوفني ابوي اطالعه عشان مايشك في وضعي...
وفي عدنان ولينا...عاد عدنا احس انه مولود برفحا لانه طول المسلسل ماغير هافه البني..
وفي ننجا(كابامارو)<----ياحبيله
المشكله يا ابو عبدالله الاثار السلبيه من هالافلام....انا اذكر اني تعلقت باصبع رجلي على انتل ونيتنا وقلت للسواق حطه بالاول وادعس...ليه بس عشان اقلد عدنان يوم يتعلق بالطياره باصبعه
والادها والادها خوينا اللي ماني قايل اسمه...بس اول حرف باسمه هولاكو والباقي علليكم....هذا ياطويل العمر خلص مسلسل نينجا ذاك اليوم وراح قال للخدامه سويلي شوما(المكرونا حقت نينجا) يوم خلص اكل راح عند اخوه الكبير ويقول:انت شفيك تنفخ؟
لووووووووووووووووووووووووووووووووووووووووووووووووو ووول
اللهم اغفر لجميع موتى المسلمين الاحياء منهم والاموات برحمتك ياارحم الراحمين
عدنان ولينا ,, له ذكرى غريبه .. أمي فديتها وجارتنا مصرية الله يذكرها بالخير ,, أيام حلوة,,من ننام يشغلونه ,,فديتهم أطفال كبار ويتأثرون وبكاء ونياح ,,أيام ,,وكان ولد جيرانا ولدها من يجي بيتنا يقول شغلولي عدنان ولينا عاد حنا شنسوي نشغّله لبيبه لو تعرفونه لبيبه لبيبه لبيبه شاطرة اللي شعرها وردي وهو يدها ,, عاد هو يموت قهر ,,وأحنا بيتنا فيدونا ,,كلش عاد ,, ذالينهم على هالفيديو كنه ماحد عنده فيديو غيرنا ..
جرندايز << ماكنت أفهم شي
ياحبي لدوك فليد والطخمة هيكارو
اول كنت احب هيكارو وازعل لا شفتها تكلم دايسكي لكن يوم طلعت اخته الشلقة ماريا سحبت عليها وحبيتها
ااااااااااااااااي ذكريات وايام حلوة
بقول لكم سر :1006[1]: ، بس أمانة ماأحد يستهزي بطفولتي ، يوم أنا بزر :55061[1]: كانت أكبر الأمنيات بالنسبة لي إني أشوف فلم كرتون بالليل ، دايم نشوفه العصر أو الصبح ، وبعد طول إنتظار وصبر حانت الفرصة عند الجيران (عندهم فديو) وحطولي البس والفار (توم وجيري) والله لايوريكم الهبال الي جان من الوناسة :55062[1]: شوي وأتعلق بالمروحة ، معقولة فلم كرتون وبالليل :cxeek[1]: ماعمره صارت أبد
الأخت قفشة عسل تقولين عبسي شكله مطرطع ؟؟!!! بلاك ماشفتيه ، الإستاذ عبسي :P22[1]: وبلا فخر أول شخصية بالعالم ينغف بإصبع رجله :cxeek[1]: ، لا وماشفتيه يوم شاف لينا وطارت عيونه (أول مره يشوف بنت ) قعد يصرخ :أهذه فتاة ؟؟!! أهذه فتاة؟؟!! أهذه فتاة؟
اما عن المصارعين كنت متأثر بسنوكا الطائر . كنت انتضر المصارعه على نار كانت تطلع كل يوم اثنين وجمعه
وكنت بعد كل مصارعه اطلع متحمس لعيال الحاره ابغى اشوف لي اي هندي والا واحد مطمعه ابرد قلبي عليه . لكن الله وكيلك طحتلي بواحد بايعها
تعرفون بيبرو الفلم الكرتوني الي كان اذا صفر يجيه الحصان طاير
كنت متأثر بالفلم هذا مررررره
المهم قردنت ابوي لما جاب لي حصان قلت بسوي نفس بيبيرو ادربه
ادربه عشان اذا صفرت يجيني
والله وكيلك بعد انتهاء فترة التدريب صرت اذا صفرت له
يرفس
وفيه بعد هايدي وناسه عيشتها تطاير مع بيتر فوق الجبال ومادرت عن احد وكان يعجبني الجبن اللي يسويه الجد..دايم اذا شفته اجوع
ساندي بل:
هالمملوحه
اذكر انها كانت حلوه
شباب بشروا لقت امها ولا للحين تدورها؟؟!!
امااا الزهره ام اربع نفلات..
والله اني كنت متحمس معها هي وسيارتها الفله ذيك!!
مب سياره قصر افراح!!!!!
الله يرحم ايام الطفوله ايام العناقيص وساعة العصر يالله كنت احس واجب يومي اذا قرب العصر اروح اشحذ من امي ريال رياااااال واروح اركض انا وعناقيصي للبقاله القريبه واجيب لي بنص قارورة بيبسي وبالنص الثاني مثل ماكنا نسميه على ايامنا قنبري او بفك , فش فاش , هذاك البرتقالي المعفط وطعمه مالح اي شي
وكنت اركض واركض واجلس قبال التلفزيون الخشبي او تحته شوي
و الان جاء دوركم
المفضلات