نــــآدي " أنيــــن النآي " يرحب بزواره الكرام

**pain_nona** · 01-10-2018, 10:59

مستحييييللللللللل !!!
رويااااللللللل ...
يا الهي يكاد يغمى علي 💔

**كلي أمل في الله** · 07-10-2018, 14:39

قرأت فصل ظ¥ظ£
صدمه صدمه ..في حقيقة نفسيتي تعبت وانا اقرأ - ادخل جو مع الاحداث - : e411:: e411:
الاحداث ورا بعض وتجيك أفكار سوده عن الاحداث الجايه ..ما توقعت الاحداث تأخذ ذا مجرى اللي يخوف : e411:
لي عودة لرد بتفصيل عن الفصل الجمييييل: e411:

**سمفونية الرحيل** · 12-10-2018, 17:12

رويال عاده ��
لا اعلم كيف اصف شعوري
اهلا بعودتك â‌¤ï¸ڈâ‌¤ï¸ڈâ‌¤ï¸ڈ

**كلي أمل في الله** · 25-10-2018, 05:25

السلام عليكم
لي عودة لاحقا ..حاليا انا في حرب طاحنه مع دراسه

**Simon Adams** · 10-11-2018, 21:15

السلام عليكم ورحمة الله وبركاته

لِمَ لم يُخبرني أحد ؟
أهلًا بعودتك رورو .. ما زلت في صدمة وجود أجزاء للرواية لم تُقرأ بعد
سألتهم الجديد و أعود

عدت بسرعة.. أكتب رسالة عشق في حب العناوين و حب الشخصيات اللي افتقدتها بقوة و حب الأيام اللي جمعتنا في النادي و الصحبة الجميلة ()*

أغرقتني نافورة الذكريات رويال
اشتقت لك و للجميع =( لوسام و ناي وعيسى وهادي وفيصل و مشاري المفعوص وفارس النشبة

طلعته من جيبي ، القيت نظره على الشاشه .. كاسر يتصل بك ، عيسى !!
رديت: معك !
- وينك اللحين ؟
حدقت في نك: في مقهى مع نك ! ليش تسأل ؟
- بعد نص ساعة بلتقيك عند واجهة المنتزه أحتاجك في شيء ! أتفقنا ؟!
أنا بتفكير: صار شيء و أنا ما أدري ؟
قال بحزم: بعد نص ساعة و لا تتأخر !

تذكرت الجزء اللي مات فيه عيسى و حصلت ردود جنائزية في النادي
و رسمت اسم عيسى على يدي و أرسلته لك خاص كانت أيام

مسكني مع يدي: هذا مايعطيك الصلاحيه أنك تسيئ معاملته !! أقسم أمثالك يثيرون أشمئزازي ..

سحبني بقوه و لكمني بعنف و أسقطني أرضا ! فجأه أذا بأثنين رفعوني فوق و حذفوني خارج المقهى على الرصيف كأنني مجرد سلة مهملات ! .. و كان هذا مبرح جدا !
هذا الحقير الصغير الوضيع ذا التصرفات الشيطانيه قلب الموقف برمته لصالحه !
حاولت أنهض لكن ألم ضلوعي تشتد مع كل حركه .. قررت أستلقي قليلا ! على الرغم أني ملقى أرضا على بطني الناس كانوا يمرون بجانبي و لا أحد فكر يساعدني !!
طلع نكولاي من المقهى و معه كيس ورقي ، جلس على أطراف أصابع قدمه بجانبي: وش تسوي على الأرض ؟
مسحت على الأرض: حبيت أجرب شعور من لا مأوى لهم و مشردين كيف ينامون على الرصيف البارد القاسي عديم الرحمه !!
ابتسم: شوف الجانب المشرق ! الزبون دفع عنك الفاتوره - رفع الكيس الورقي - و أشترى لي بعضا من الدونات!
همست بحقد: أنت ..مجرد حقير !
ابتسم بشفقه: أووه .. تكسر الخاطر ! . . أنت في عالم قاسي يآ عزيزي !! - ابتسم بخبث - نصيحة أخويه لك ! لا تقبل أي تحدي مني أعرضه عليك فجأه !!
ابتسمت بسخريه: هه !! ما أذكر قبلت هذا التحدي انت شرعت فيه دون علمي !

ههههههههههههههه تبًا ناي تستحق أن يفرشك كايل على الأرض ويجعل منك مرتبة رصيف على هكذا موقف xD
أتخيل كاي يدخل يده في شعرك الجميل و يسحبك وراه للبيت

رفع حاجبه بتعجب: و من قال أني نادم على سرقته ؟ أنا بعد أحتاج للمال حتى أعتق رقبتي من العذاب !

أصابني التشتت .. أعتقدت أنه كان نادم: ماحد قال لك قبل أنك شخص بارع في تلاعب المشاعر ؟
ضحك: شهاده أعتز بها بحق !

>> ندمت على تعليقي السابق :/

قاطعني بسرعه: أرجوك.. كل اللي أحتاجه منك أنك تتعايش في هذا الوضع و كل ما ألتقيت بي حاول تنسيني أمرهم! هذا كل اللي أحتاجه..

نفس ما كنت أفكر فيه وأنا أقرأ الجزء الأول .. نيكولاي يحاول يستمتع بالوقت وعقل كاي لا يستوعب فكرة الاستمتاع بالحياة أبدًا مع وجود مصيبة المافيا

كود:

قال بأنزعاج: أوكي هنا المفروض تتأثر من فعلي هذا و تجبرني آخذ المبلغ بعد عدة محاولات لرفضي له ! التفت له مستغرب ثم نطقت بأدراك: اهااااا .. و ما سار الوضع على حسب تخطيطك ! قال بعبوس: لاا ! ابتسمت مختنقا حتى أنفرطت ضحكا ..

نيكولاي يا مسكين

. . تمنيت من أعماقي بشدده أنه يفقد ذاكرته البائسه و يبداء عمره من جديد حتى .. لو بعيد عني ! حتى ما أعيد له ذكريات حزينه ! و ما أكون أحد أسباب تعاسته من جديد ..

همس بهدوء: أنت نايم اللحين ! وعيك هذا مجرد حلم !!
- هاه ؟
شدّد على كلماته: خلدت لغفوه بتستمر ساعات ! اللحين يحق لك ترتاح من الأرهاق هذا !!

أنا بتردد: أنت . . اللي قضيت على أفراد عصابة بلاك مارك في المستودع ؟!

بسم الله
تبًا تخيلت وضعية نيكولاي مع كلامه
بدأت أخاف من نيكو.. الإنسان مخلوق معقد ممكن يصدر منه كل شيء و غير عصمة للخطأ
هل فعلًا ناي أقدم على شيء كهذا ؟! لا أريد أن أفكر بالأمر حتى

صرخت في وجهه: أنا أحاول هنا بكل جهدي انقذك و انت مره بعد مره تحاول تحبطني !!
دفعني بقوة: لأني أنا أحاول انقذك هنا !

الحزن إن الأول غرقان مع الموت والثاني يحاول ينقذه والأول خايف الثاني يقع معاه أو يختفي من الوجود قبله

قريباً الجزء القادم 54 بعنوان ( أنا حَرب نفسي و هُم السَلام . )

في الانتظار روور

حقًا أنا عدت سنوات في الليلة السابقة أراكِ على خير
[/CENTER]

**| هجر |** · 26-06-2019, 23:03

سلام رويال كيف حالك ؟
اتمنى ان تكوني بخير

لازلنا ننتظر البارت التالي بفارغ الصبر e20c

اتمنى ان تخبرينا عن موعد نزوله em_1f629

**رويـــــ,ـ,ـ,ال** · 17-07-2019, 12:32

السلام عليكم و رحمة الله
إلى متابعين الروايه المخلصين أنا حقا لا أستحق مثل أخلاصكم و متابعتكم أعتذر جدا على الأنقطاعات المأساويه بحق الروايه و بحقكم بأذن الله تعالى موعودين جميعكم في عطلة نهاية الأسبوع هذه ببارت يجعلكم تقفزون من أماكنكم بحماس و يجعل قلوبكم تنقبض داخل ذاك القفص الجميل و أعدكم راح يأخذكم إلى عالم آخر و تتعايشون في مشاعر مغايره و غير متوقعه لأذهانكم

أحتاج منكم خدمه بسيطه تكرما منكم أحتاج لأقتباس مشهد كآيل و هو في مواقف السيارات في القصر بدأ من دخوله حتى خروجه و مشهد تعذيب شاركوس لكايل بدايه من أختطافه حتى تخليصه
حاولت كذا مره أرجع أبحث عن هالمشهدين و يضيع وقتي و أنا أندمج في قراءة الأحداث
فبما أنكم راجعتوها أرجوكم راح تختصرون علي وقت في البحث شاكرة لكم
ودي و أمتناني لكم أحبكمم جددا

**| هجر |** · 18-07-2019, 02:46

مشوقه حقا للبارت القادم ^^

طلعت أركض بسرعه وصكيت الباب ركضت وتوجهت لليفت ، سمعت مشاري يناديني ، تجاهلته و نزلت ووقفت لي تاكسي وعطيته العنوان ، ألتفت لي يناظر مستغرب: أنت منهم ؟!
أنا بتجاهل: لا !

شفت مشاري يطلع من العماره ، حرك التاكسي وأنا أناظر في مشاري وهو واقف يتلفت يبحث عني ، آسف مشاري مستحيل أورطك معي !
توجهنا للعنوان ونزلني بعيد شوي عن القصر ، ألتفت السائق لي: آسف ما أقدر أتقدم أكثر من كذا !

عطيته الحساب ونزلت أكمل طريقي ألى بوابة القصر ، كل شي رجع لطبيعته بعد الهجوم ولا كأن شي صار !! بس عدد الحرس زاد !
وقفت قدام البوابه والحرس واقفين يناظرون فيني ، أسمعهم يتهامسون ..
سمعت صوت جانبي: أنت !

ألتفت لمصدر الصوت كان حارس جالس في غرفه صغيره ، تقدمت له وطلعت له بطاقتي: أنا جاي آخذ سيارتي نسيتها هنا !

أخذ البطاقه وأطال التدقيق فيها ، ألتفت وأخذ جهاز يكلم ، مازلت أسمع همس ألتفت أناظر فيهم مستغرب: في شي ؟

تجاهلوني وأستمروا في الهمس ..
- خذ بطاقتك ومسموح لك الدخول !
ألتفت وأخذت البطاقه: شكرا !

أنفتحت البوابه ودخلت ، فتشوني وسمحوا لي أكمل ، دخلت لفناء القصر ، كان فيه حرس واقفين في أماكنهم مثل التماثيل ، وقفت عند واحد منهم: ممكن تدلني على مواقف سيارات الضيوف ؟
- آسف غير مسموح لي أتحرك من مكاني أطلب من الخدم اللي عند بوابة القصر !
أبتسمت: شكرا !

توجهت للخدم ، أعطوني مفتاح سيارتي ورافقني واحد ألى جانب القصر حيث هناك مواقف تحت الأرض !
نيكولاي ما أصدق أنا قريب من عندك !
نزلنا تحت وكانت المواقف شاسعه ! كان فيه تقريبا أربع سيارات شفت سيارتي من بينهم ..
- أخذ سيارتك وأطلع بسرعه !

تركني ومشى ، توجهت لسيارتي ، غريب السيارات هنا عآديه ماتدل على الفخامه أبد ! ألتفت يميني شفت طريق يؤدي للطابق العلوي من مواقف السيارات ! مشيت متوجه لفوق فيني فضول أشوف سياراتهم !
هييه تعالوا شوفوا السيارات الفخمه هنا ! ما أخطأ حدسي ! تقريباً عدد السيارات هنا مابين العشره وعدد من الليموزينات الفاخره موزعه على سطرين ، الأنوار هنا ساطعه ، جذب أنتباهي سيارة فورد كلاسك من طراز ظ©ظ¥ ذات طابع قديم !
توجهت لها بدون وعي ! جذابه !!
وقفت أناظر فيها ..
- الموضوع أنتهينا منه من زمن !

شهقت بصدمه ! تلقائيا جلست على رجولي ..

ظ¢- بس الزعيم مازال يحتاج يراجع بعض السندات !

الحمدلله ماسمعوني ، كانت أصوات ناس جايين يمشون في موقف السيارات !

ظ،- كم مره راجعها ؟! وكم مرة فتحت هذا الموضوع معه ؟
خلاص الموضوع ماهو في يدي !

ظ¢- ديفيد ! أنتبه عن من تتكلم ! لا أعطاك الأمر طيعه !

ديفيد ! الأسياد وصلوا !

ظ£- نايثان على حق !

ماشاء الله ديفيد ونايثان أجتمعوا ! لايكون الصوت الثالث باتريك !!

ديفيد بنبره هآديه: باتريك ! أظن أعرف من اللي يقول الحق ومن يقول الخطأ !

ليش لما أسخر من شي يتحقق ؟
وش هذا المأزق اللي أنا فيه !

سمعت خطواتهم بدت تقترب للسياره الكلاسيك ! زحفت مثل الطفل الصغير على يديني ورجولي بروح ورا السياره فجأه أصطدم راسي بعامود ، غمضت عيوني من الألم وفتحتها أناظر ! العامود صاروا أثنين ولابسين جنز وحذاء جلدي أسود ! هه !
تجمدت في مكاني ! حتى حسيت أن دمي تجمد عن السريان في عروقي ! وحتى تنفسي وقف ..!
يارب يارب ! مرر هذا الموقف على خير ، رفعت راسي ببطء بشوف من اللي صدمته ! ببطء وكأن الثواني صارت ساعات ! ببطء حتى تلاشت ملامح الشخص اللي قدامي من زود الخوف ! غمضت عيوني أحاول أتماسك ثم فتحتها ..

شعره أشقر ! أيعقل نيكولاي ؟!
بدت تتضح الرؤيه .. لا ! ديفيد !!
أرتسمت أبتسامه عفويه على شفاته وجلس قدامي وأنا مازلت على وضعي ماتحركت !
مسك يدي اليسرى ورفعها لمستواه ، فك الساعه الكرستاليه ودخلها في جيب جاكيتي ..
همس لي بصوت خافت: أنتبه ! الكريستال يعكس أضواء الطيف كلها !
باتريك من بعيد: دااايفيد ! وش تسوي عندك ؟!
قام واقف وناظر فيني: لمحت قط عند سيارتي

غمز لي بمعنى " أرتاح " ومشى ..
نايثان بلهجة شوارع وبأستحقار: قطاوة شوارع هنا ؟! لي حساب مع الخدم ! أمشوا تأخرنا !
- هذا أنا جيت !
باتريك بنفس لهجة نايثان: أراهن أن القط جايبه الزفت نآي من الشارع !

سمعتهم يركبون سياره ومشوا ، زفرت نفس عميق وكأن أحد كان خانقني ، أخذ نفسي يتسارع ، جلست وأستندت على السياره ، مسكت صدري أحاول أخفف من تسارع أنفاسي قبل لا يدركني الألم ، كان الوضع بيكون أسوأ لولا رحمة الله بي ، الحمدلله مرت على خير !
ديفيد ! هه أعرف أنه يتجسس علي ومع ذلك أنا مازلت أرتاح له ! مايهمني أذا خبيث أو لا في هذا الموقف أثبت لي كيف هو نبيل وطيب ! حتى لو أنقذني لهدف يضمره في نفسه ! ما سأل ليش أنا هنا أو بلّغ علي ! تكتم على الموضوع وكذب على أخوانه ! سبحان الله فرق فرق عن أخوانه !!!!! ماهو بس تصرفاته حتى في لهجته عنهم !
الشي المضحك والمثير للسخريه ! أخوانه كأنهم من الشوارع مع أنهم أغنياء وفي نفس الوقت مغرورين عكس ديفيد اللي يبين من خلاله كيف هو غني لكن بتواضع ..!
أبغى أقوم بس ما أقدر ! رجولي خانتني ! أستندت على السياره وقمت ، وقفت شوي أتوازن ، هاذي سيارة ديفيد ! كلاسيك مناسبه لشخصيته !!
مشيت ببطء وتعب الموقف أستنفذ طاقتي ، أبغى أطلع بسرعه قبل لايمسكني أحد ثاني ! وصلت لسيارتي ركبت فيها وحركت ، فتحوا لي البوابه وطلعت من القصر ..
نيكولاي ! حالياً أبتعدت عنك ، لكن ماهو بيدي ..!
تدري ! الجسد من بعدك موجود لكن أحس الروح رحلت !! حزّني ياخوي شيد لجروحي جسور ..

صفحه 17

حفظت كل شي في الروايه من كثره قرائتها e106

**| هجر |** · 18-07-2019, 02:55

فجأه تقدم شارل وضغط على زر وقف الليفت ، وقفنا نناظر فيه مستغربين ، دخل يده في قميصه الخلفي وطلع شي أسود وصوبه تجاهنا !! أنصدمت آآ.. أيه هذا أن ماخانتني عيني مسدس ولا موصل بكاتم صوت ! وش السالفه ؟!
أبتسم بخبث: أخشى أنكم لن تبرحوا مكانكم !

عيسى بالأنجلش بنبرة أستنكار وصدمه: كأن اللي معه مسدس ؟!
أنا مستغرب: شارل ؟! وش قاعد تسوي ؟!
شارل بخبث: فقط أطيعوني ولن يحدث لكم أي مكروه !
أنا بأستغراب أكثر: في وش ؟

مسك المسدس بيده اليمنى ودخل يده اليسرى في جيبه الخلفي وطلع التيزر !!
أشار بالمسدس علي بحزم: أخذ ربطة عنق صديقك وقيد بها يداه من الخلف !

يقصد أربط عيسى !
وقفت أناظر مستغرب: شارل ! وش فيك ؟! وش قاعد تسوي ؟
شارل بحزم: نفذ والا ستشهد مقتله أولا !
عيسى بضحكه خفيفه: أكشخ !فيلم أكشن قدامي على الهواء مباشره !

ألتفت لعيسى ونزلت ربطته ، خفت ينفذ كلامه وأن نفذت خطه سريعه فيه روح بتطير في لحظة طيش !
لفيت عيسى ولفيت يدينه ورا ظهره ومسكتها مع بعض وقعدت ألفها بالربطه ، أبغى اجاريه وأشوف وش النهايه معه !..
عيسى بهمس: وسام وش تحس فيه ؟!
قاطعه شارل بصراخ: كلمه أخرى وستستقر الرصاصه في رؤوسكم !

والله ألى اللحين مافهمت وش قاعد يصير ! ربطت يدينه وألتفت لشارل: خلصت !
قال شارل: جيد !
ناظر شارل في عيسى: أجث على ركبتيك الآن !
ألتفت عيسى لشارل: أقول أشوف السالفه ..

ضربت عيسى بمرفقي على بطنه ما أبغى يستفز شارل !
جلس عيسى على رجوله وبقيت أنا واقف: وش بعد نفذنا اللي طلبته !
قال بحزم: أنت قف مواجه للجدار دون حركه !

ألتفت بنفذ أمره فجأه حسيت بلسعات حاره مؤلمه تمر عبر جسمي وبعدها ظلام !
فتحت عيوني ومازالت الدنيا ظلام !! وين أنا فيه اللحين ؟! أحس بقطعة قماش داخله في فمي وملفوفه حول راسي ما أقدر أتكلم ! أسمع همسات ناس وصوت سياره ! أنا في سياره ؟! حاولت أتحرك بس ماقدرت أحرك يديني ! كانت ورا ظهري ومكبله بسلاسل !! رفعت راسي وحاولت أعدل في جلستي ..
سمعت واحد يقول: عطه حقنه منومه !

حاولت أحدد مصدر الصوت ، سمعت واحد يتحرك تجاهي ويمسكني ويثبتني على الأرض ، رفعت رجولي برفسه بس أجتمعوا علي ومسكوني ، قلبوني على بطني حسيت بأحد يكشف عن ذراعي وبعدها بوخزه حاده ، وش اللي قاعد يصير ؟ وين أنا فيه ؟! ما أقدر أقاومهم ! أصلا من هم ؟ حسيت بأرتخاء عضلاتي ، نعاس ثقيل و نمت في لحظات ..
الجو بارد ! أطرافي بارده كأن وقف الدم فيها ، هدوء عم المكان حولي أسمع صوت أنفاسي وقطرات ماء تصدر أصوات في الأنابيب ، أستعدت وعيي وفتحت عيوني ، هاذي المره أشوف ! رفعت راسي كنت واقف !! كيف تصير نايم وواقف ؟! وش صار ؟ كم الساعه اللحين ؟
حاولت أستوعب موقعي ! أنا في مكان واسع كبير كأنه مستودع مهجور ! بوابه كبيره حديديه قدامي ، نوافذ زجاجيه فوق في نهاية الجدران ، الضوء خافت شوي ، أشوف أجزاء ماكينات وأجنحة طيارات وبعض الأغراض والأجهزه العتيقه !
قدامي طاوله حديديه مربعه صغيره عليها كوب ويسكي وأعقاب سيجاره ، كان فيه جاكيت منزل على كرسي وكرسي ثاني فاضي شكله كان فيه أحد ينتظرني أصحى ! ألتفت على يساري أنا بين عارضتين أسمنتيه ضخمه ! وسلاسل طالعه منها ومقيده بيديني !! هه هذا الموقف ذكرني بذاك الشاب اللي مات ، ناظرت في نفسي جاكيتي ماهو علي وقميصي متقطعه الأزره ومفتوح !! لا شك أنا مختطف ! لكن من اللي خطفني ؟
شديت يدي أحاول أفك نفسي ماقدرت ! القيود مؤلمه بحد ذاتها فكيف بالتقرحات اللي سببتها ! حتى رجولي مقيده ! سمعت صدى صوت خطوات متوجهه لي ، رفعت راسي بشوف من اللي خطفني ، بالأول أشوف شي أسود يمشي متوجه لي ألى ماقرب من منطقة النور وياللهول ! الكلب شارك بلحمه !
شفت أبتسامته الخبيثه تعلوه !!
لا عجب في الموضوع تذكرت تحذير هآدي عنه حذرني وقال لي أنه ناوي لي من قلب ! حتى حذرني بالأول من شارل بس مع الأحداث اللي صارت نسيت تحذيراته !
وقف قريب مني: البطل وسام ! أخيراً صحيت !
يعرف أسمي ! ألى هالدرجه أثرت عليهم وصاروا يسألون عن أسمي !
أبتسم أبتسامة نصر: طحت بين يديني !

أبتسمت حتى أفقده لذة نصره: شارك الزفت ! شارل كان عميلك ؟
أختفت أبتسامته: ببعض الفلوس تقدر تخضع اللي حولك وأولهم نآي !

يبغى يقهرني !
أنا بجديه: ليش ماتواجهني رجال لرجال ؟!
ضحك بسخريه: قصدك رجال لولد ؟
أبتسمت بخبث: طيب علشانك رجال بعقل ولد ضد ولد بعقل رجال !
صفعني بكف: لا تنسى من المقيد هنا !
ضحكت وألتفت له: بسهوله أقدر أستفزك وألعب فيك !

عصب ولكمني ، أحح والله مؤلمه تفلت دم وألتفت له ، كان واقف يعدل خاتمه اللي أنحرف بسبب اللكمه ..
الهجوم اللي صار ! لا يكون من شارك حتى يشتت الأنتباه ! بس كيف خطفني شارل والحراسه كانت في أوج التأهب !! يعني فيه خونه في الحرس ، فيه أفراد متعاونه في أختطافي ..
قلت: الهجوم اللي صار كنت مخطط له علشان تخلق جو توتر وتصير الناس مشغوله عن أختطافي ؟! كل هالتضحيات والأرواح اللي راحت علشاني ؟!
قال: ما أظن أن الموضوع مهم اللحين ! كنت بمسك عاجلا أو آجلا المهم اللحين أنت بين يديني !! الحركه اللي سويتها ماتغتفر من أول ماشفتك وأنا عارف أنك بتوقف في طريقي !
دمرت أكبر خططي !
أنا ببرود: شكرا على الأطراء !طيب مسكتني وبعدين ؟!
أبتسم بخبث: أبد بس بستمتع فيك ومتى مامليت منك أخذت روحك !

أحتاج لمعجزه علشان أطلع من هنا !
سحب كرسي حديدي كان قريب منه ولفه تجاهه وجلس عليه ، طلع سيجاره وشغلها: قول لي وسام أي أمنيات أخيره أنا جالس هنا علشانك !
أنا بأستفهام: الساعه كم ؟!
ناظر في ساعته: ليش مستعجل معنا وقت طويل !
الساعه أربع فجرا بالتمام

أحح أربع الفجر !!! مرت خمس ساعات ونص على أختفائي !
أنا بفضول: كيف أختطفتني وأنا في مقر عصابه ؟!

أبتسم أخذ كوب الويسكي وقعد يشرب ويدخن من دخانه: لو حطيت في بالي شي أنفذه مهما كان درجة صعوبته !

أذكر قال لي نيك عن شارك أنه كان مع عصابة ديدسول وبعدين أنتقل لبلاك مارك ! بس هذا مايعتبر خيانه ؟!!
أنا بفضول أكثر: السؤال هنا ليش ما أختطفتني من قبل أو بعد الحفله ؟!
ضحك بسخريه: شكلك مستانس بالأختطاف ؟
أنا بأبتسامه عريضه: يحق لي ! عصابتين تتنافس علي بين يوم وليله ! شي مذهل !
ضحك: تدري وسام ! بديت أستلطفك !! بس هذا مايعني أني راح أرحمك ! فمثلا عندك نآي أستلطفه كثير بس لازم ينفذ لي بعض المهمات الصعبه بدون رحمه !
أنا بأبتسامه سخريه: لا الا أنت لا تستلطفني ! أنت آخر الناس اللي أفكر أني أستلطفهم وضم نايثان معك !

قام وفي يمينه كوب الويسكي ويساره سيجاره: سيجاره أو ويسكي ؟!
هزيت راسي بلا: شكرا على حسن الضيافه !

وقف قدامي يناظر فيني يدخن ، تذكرت عيسى ! وينه اللحين ووش صار عليه ؟!
أنا بأستفهام: وين الشاب اللي كان معي ؟
شارك بتفكير: شاب ؟! على ذكر هذا كادت تفشل الخطه بسبب شاب أذكر شارل قال لي أن فيه واحد أعترض طريقه وأضطر يطلق عليه النار ومات أظن هو !

حسيت بعاصفه بارده هبت في وجهي ، برد قوي يتخللني ! بتبلد مشاعر ! بتيهان نفسي ! عيسى مات !!!!!!
شارك بخبث: يهمك هو ؟ لا تحرن لأنك بتلحقه !

سكت أحاول أفهم اللي صار !
ماقدرت أتكلم ضاع صوتي !
شهقت مات ! ماقدرت أستوعب لحد اللحين ! وش معنى مات ؟ لحظه مات ! عيسى مات !! مات يعني خلاص ماراح أشوفه مره ثانيه ! مات يعني نبض قلبه وقف معلن رحيله وسكن صوته وجسمه ، مات يعني رحل ولا بعد هالرحيل رجوع ! مات يعني أهله ماراح يشوفونه ماراح يرجع للسعوديه الا وهو جثه ! مات يعني ..
عيسى ! نزلت دموعي بصمت ..
شارك بضحكه: تأثرت من الخبر ها ؟!

ياناس عيسى مات !!!
بس يكفي الصدمات اللي صارت لي !
كل ماقلت هانت تعترضني مصايب جديده وكل ماقلت حلت تنعقد من جديد ، ياحياتي البائسه يكفي هدايا الجروح ! جروح ورا جروح ! طلبتك يادنيا أهديني جروح جسد ولا جروح روح ، أتعبتني جروح روحي ، أحد يسعفني من جرح الصدمات ! أحد يمسكني ويضربني بكف ويقول وسام أصحى أنت في كابوس !
السبب ماهو من شارل ولا شارك ولا نيكولاي ! أنا السبب أنا اللي قتلته ! أنا اللي سمحت له يروح معنا ! أستحق اللي قاعد يصير لي !
ما أظن فيه أحد يقدر يواسيني ..!

عيسى مات ! ماهي بعيده يلحقه نيك !! وجدتي في المستشفى ! هه وش أخذنا من الدنيا ؟! خلاص ماعندي شي أخسره وأنا وش لي في هالحياه دام كلها عذاب ؟! ليش ما أختصر دربي وعذابي قبل لا أفقد أحد ثاني ؟
أعذروني فاض همي ، ماعدت أتحمل ..
أنا قررت ! أنا أعلن من الدنيا العريضه رحيلي ..
أبغى أموت عالي ودنيتي ماوطتني ..
قرب شارك أكثر مني وحط يده على وجهي وأبتسم: حلوه ملامح الحزن عليك !

رفعت عيوني أناظر فيه بحقد ، موتي أنا بطلبه من عدوي ، لازم أستفزه أبغى أذله حتى يعجل لي حتفي بدون عذاب ،سحب شارك نفس طويل من الدخان قرب وجهه مني وكأنه يبغى يجبرني أدخن معه !! نفخ دخانه علي فرصه أذله حاولت أكتم نفسي وتفلت في وجهه ، قعدت أكح الدخان كان كثيف ، وقف شارك يستوعب الذل اللي صار له ! طلع منديل بكل هدوء ومسح وجهه ، ألتفت على ورا ونزل كوبه على الطاوله وجاكيته على الكرسي الفاضي ، ألتفت لي وشمر عن أكمامه ..
ضحكت: لا أوصيك أضربني بقوه !
رفع حاجبه: ماطلبت شي !

لكمني بقوه على يسار وجهي حتى حسيت أن رقبتي بتنكسر !
إلتفت له وأبتسمت: بس ! هذا كل اللي عندك ؟ يقال اللحين أنك نائب عصابه ومسيطر ؟!

لكمني على يمين وجهي وألتفت له وصرخت: ضعيييف ! ماهو معقول هذا أقوى شي ؟!

ألتفت شارك كأنه يبحث عن شي ، مشى كأنه لقى ضالته ، وقف قدام حديد مكوم على بعض وسحب عصا حديديه ! حديده طويله ثقيله أخذ شوي وهو يحاول يمسكها بوضعيه مريحه ، قرر يسحبها معه بعد ما فشل يرفعها ، أخذ يسحبها وصوت أحتكاك الحديده بالأرضيه كأنها صوت سكينه تحد بين يدين حداد ، هه حلو قدرت أستفزه بكل سهوله ضربه من هاذي الحديده كفيله بأخراج روحي البائسه !
وصل ووقف قدامي: مستعد للألم ؟!
أبتسمت بخبث: قلت لك هات كل اللي عندك !

بذل جهد لرفع الحديده بيدينه الثنتين وأسندها على كتفه ، لوح بالحديده وهوت على صدري حتى حسيت بطير من قوة الضربه أرتديت لورا لولا السلاسل منعتني ، وقف تنفسي بسبب نبضة ألم بدأت من مكان الضربه وأنتشرت في جسمي وبعدها ..
وداعا ياروح ، كانت معكم روحي تحكي لكم حكاية روح .. !
حكاية روح ..
أرواح طفلين تشردوا تاهوا في عالم بشر ، جاء يوم ذاقوا فيه مر الفراق ومن ينساه ؟ كان ممزوج بنكهة ألم ! أفترقت فيه الروحين عن بعضهم ، كل روح عاشت في عالم بعيد عن بعض ، كبرت وعاشت الروح الأولى على أمل مناظله رغم أنف الألم ، أمل اللقاء المنتظر ، كانت أمنيه عاشتها بنفحات على ذكرى الروح الثانيه وتحققت الأمنيه ألتقت بالروح الثانيه كانت تايهه من ظ،ظ، سنه ، من شدة فرح لقائها تعلقت فيها كأنها جسدها ، الروح الثانيه ماتغيرت مازالت روح طفل لكن كانت ذابله فقدت بسمة طفولتها ، سلبوا حق فرحتها وكُتب عليها حزنها يدوم وصارت يائسه كرهت عالم البشر ، حاولت الروح الأولى تعطيها نشوة فرح ورشفه أمل من أكسير الحياه ! لعل وعسى تدوم في عالم بشر وقالت لها بمحاوله يائسه لأقناعها بهجر الألم: ياروح أنا شاريك روح وجسد !
الا أن الروح الثانيه أبت وتجاهلت الروح الأولى: دام فيه أرواح ثانيه تعذبني وطفولتي صارت تايهه وش لي في أنك تشتريني ؟!
ردت الروح الأولى بأمل: أصير لك جسد أحتويك ! أحميك منهم وأبقيك في عالم البشر وأصير لك ملجاء ومقر من كل شر !

لكن يبدو محاولات رشفة أمل بائت بالفشل ! تسممت الروح الأولى بحزنها ويئسها وتضررت أرواح ثانيه بسمها حتى صارت الروح الأولى تتمنى تفارق هذا العالم ، الذنب ماهو ذنب الروح الثانيه ! الذنب ذنب الروح الأولى لأنها تعلقت بالروح الثانيه وحسبتها جسد !

أخترق مسامعي صوت نقي صافي خاشع صداه يصدح في الكون حولي ، يذكرني أن لي رب كبير !
برد يتغللني .. أتسآئل هذا الصوت تسمعه كل روح بعد ما تفارق الجسد ؟! هدوء وسكون ماعدا ذاك الصوت مازال صامد يشق طريقه بثبات وأصرار " أشهد أن لا أله الا الله ، أشهد أن لا أله الا الله ، أشهد أن محمد رسول الله "
بعض من الضوء أخترق جفني ووصل لعيني ، حاولت أفتح عيوني ماني مستعد أشوف عالم جديد وأنا روح ماهو أنسان ، هذا أنا فارقت الدنيا وتركت اللي فيها !
فتحت عيوني بهدوء ومديت نظري في الكون أنا مازلت حي ! وش تبغين ياروح ماهو ذنبك أنك تعلقتي في روح ثانيه ؟!! الظاهر قلبي مثل قلب نيك كل ماحاول ينتحر يأبى يوقف ويموت ..
كان الأذان منبه لجوالي لصلاة الفجر ، صلاة الفجر ! رفعت راسي لفوق ربي ماكتبت لي الموت ! ربي أرحمني برحمتك ولا تجعلني أرى ما لايسر روحي ربي أذا كانت هاذي الدنيا تحمل خير لي فأتركني أنعم بها ! أذا كانت تحمل شرا جنبني عنه وأخذ أمانتك مني فأنا راضي بمصيري مهما كتبت فيه نهاية حياتي ..
كان جوالي في جاكيتي اللي على الكرسي ، ياترى كم فيه مكالمه لم يرد عليها ؟! مازلت مقيد في مكاني وأنا اللي حسبت أني مت ! بس ألى الأن أنا مازلت في قيد الموت ! المكان خالي مافيه أحد ،أحس ببرد وبألم فظيع مع كل نفس أخذه ! حتى ماعدت أتحمل وأضطر جسمي ياخذ أجراء مسكن ألم في فقد الوعي ..
فجأه حسيت بماء بارد على جسمي ، أحح وأنا ناقص برد ؟!صحيت شفت واحد كان واقف قدامي ومعه دلو بعد ما تأكد أني صحيت مشى ، حاولت أتماسك قدام ألم صدري الحاد ومع الماء البارد ! أبغى شي يدفيني ، أشرقت الشمس ! ما أدري كم مضى علي هنا ؟ يومين ؟ كم صلاه فاتتني ؟ صحيح أني حي لكن لا تحسبون أني كنت بخير ! أنا في عز ألمي مطعون ومجروح كيف أعيش من بعد فارق عيسى دنياه ! فكرة صاحبك مات بسببك كيف تعايشها ؟!
الله العالم وش مصيري في هالمصيبه ، شفت شارك ومعه واحد طويل أسمر يتهامسون والأسمر كان يناظر فيني ، بعض من الحرس منتشرين في المكان ، طلع الأسمر برا وتقدم لي شارك: صحيت يابطل ! كيف النوم معك ؟!
أنا بهمس: ليش مانفذت وعدك وأخذت روحي ؟!
أبتسم بخبث: قلت لك أبغى أعذبك ! بس تغيرت الخطط أمرني زعيمي أستفيد منك مادياً بدل ماتموت خساره !

وش يقصد الكلب ؟
تراجع ورفع جاكيتي وطلع منه جوالي ، وقف يناظر فيه: أنت وش جنسيتك ؟!

مارديت عليه ، جوالي عربي علشان كذا يسأل لأنه مافهمه ، تقدم وهو ماسك جاكيتي وجوالي ، رفع جوالي في وجهي: شوف يبدو أنها مكالمات لم يرد عليها !

ناظرت بحزن ظ،ظ¢ظ£ مكالمه ! فجأه بداء يأشر جوالي معلنا أن فيه مكالمه " مشاري يتصل بك " شكلهم لحد اللحين مانام لهم جفن ! آسف على القلق اللي سببته لكم أنا ما أستحق أصحاب مثلكم !
ناظر شارك في الجوال: مكالمه !

أبتسم بخبث ، رد على المكالمه وحط سبيكر لأنه واثق أني ماراح أقولهم عن مكاني ..
سمعت مشاري وهو يتكلم بتوتر: وسام ! شباب وسام رد ! وسام وينك فيه ؟!
تغير الصوت: هات الجوال ! وسام أقلقتنا ياشيخ طلبتك قول أنك بخير مافيك شي !

سكت شوي ثم قال كأنه يكلم اللي عنده: وسام مايرد !!

هذا صوت سلطان شكلهم مجتمعين في الشقه وماراحوا للجامعه ! غصيت بدموعي ..
قلت بتعب وعصرة ألم: أنا بخير لا تخافون علي !

ما أعرف مكاني حتى أقول لهم عنه وحتى لو عرفت مستحيل أورطهم في اللي أنا فيه !
سلطان بقلق: وسام ! الحمدلله ليش صوتك كذا ؟!

قفل شارك المكالمه ورجع الجوال في جيب جاكيتي: وش جنسيتك ؟!
أنا أحاول أصمد قدام الألم: عربي !

وقف يناظر فيني مستغرب كأنه ماتقبل كلامي ، طلع المحفظه من جيبي وفتحها وطلع هويتي ، بطاقة هويتي طلعتها من السفاره الأمريكيه في السعوديه واللحين بيناظر في جنسيتي لو شاف أسمي بيعرف أن نآي أخوي ! بس تدرون ماعاد يهمني شي ! وأذا عرف أن نيك أخوي ؟! بيبلغ زعيم الديد سول ! عآدي أموت أنا ونيك !
وقف يناظر في البطاقه ، رفع راسه: مكتوب هنا أنك أمريكي !

رجع يناظر في البطاقه ثم فتح عيونه بصدمه ، رفع راسه يناظر فيني ثم رجع يناظر في البطاقه كأنه ماهو مصدق !
رفع راسه يناظر فيني وقال بنبرة دهشه: كايل جاريد هندرسون !!

رجع يناظر في البطاقه يتأكد من أسمي ثم رفع راسه: مستحييييل ! يبدو أن ديدسول ماعرفوا هويتك صح ؟

سكت أناظر فيه بصمت ..!
ضحك بسخريه: هذا واضح لو أكتشفوا هويتك كان ماكنت اللحين معي ! من يصدق ؟! وش هالصدفه المميزه ؟! أبناء جاريد أجتمعوا ! أقسم شي ما خطر على بالي أبد !! حلو دام الديد سول ماعرفوا هويتك أقدر أتصرف على راحتي !

أجتمعنا ولا تفرقنا ؟!

صفحه 14

**| هجر |** · 18-07-2019, 03:00

‎دخل الرجال الأسمر اللي كان واقف مع شارك قبل شوي ، وقف بجنب شارك يتمعن النظر فيني ..
‎قال الأسمر: الكدمات على صدره ووجهه وش مصدرها ؟
‎قال شارك: ضربات كنت ناوي أقتله ! بس هو في أتم صحته تبغى تتأكد أنه يناسب معاييركم الصحيه خذ وقتك !

‎نعم ؟! معايير صحيه ؟!! وين الناس فيه ؟
‎الأسمر من لكنته كأنه مكسيكي ! بس من هو علشان يحاسب شارك ؟!
‎أقترب مني الأسمر ووقف قدامي ، طلع جهاز رمادي صغير ، قرب من يدي وقرب الجهاز وشق أصبعي الأبهام بالجهاز !! أحح وش قاعد يصير ؟! مسح شريحه زجاجيه بدمي ثم دخله في الجهار هز راسه برضى: حلو !

‎هااا ؟! كأنه جهاز كشف السكر ؟!!
‎وقف قدامي وطلع قلم فيه مصباح فتح عيوني وسلط الضوء عليها وقعد يتفحصها ..
‎أنا بأستغراب: نعم مضيع شي ؟!

‎نزل المصباح لفمي وقال: أتأكد من أنك سليم أفتح فمك !

‎سليم ؟!
‎ناظرت في شارك مستغرب ..
‎قال شارك: نفذ أوامره لمصلحتك !

‎مسك الأسمر وجهي يجبرني أفتح فمي ، ألتفت ليده وعضيت أحد أصابعه بكل قوتي متجاهل ألم صدري ، طاح منه القلم وصرخ بألم وحاول يسحب يده مني ، قعدت ألف راسي يمين يسار أحاول أكسرها ، أقتربوا الحرس مني ومسكوني ..
‎صرخ الأسمر: لا تضرونه !

‎سحبوا يده مني بعد ما تأكدت أني غرست أنيابي فيها لحد ماحسيت بعظمه ! كانت تصب دم ، تفلت دمه اللي طلع من عضتي له ، طلع منديل ولفه حول أصبعه ..
‎ألتفت لشارك: هذا دليل كافي أنه سليم ! أعطيك سبع مئة ألف دولار !
‎شارك بغير رضى: مليون دولار وما أقبل تحتها !!
‎قال الأسمر: سبع مئة الف وخمسين !
‎شارك بخبث: لا تتذاكى علي أدري أنكم تطلعون أكثر من مليون ورا بيع الأجساد مليون ولا أدور واحد غيرك !

‎يبيعوني !!
‎الأسمر بتفكير: أوكي موافق مبدئيا راح أرد عليك اليوم ونتفق على الأرباح !
‎شارك بأبتسامه: معك ساعاتين أن مارديت أدور واحد غيرك !
‎أبتسم الأسمر: لا تخاف شارينه !

‎طلع الأسمر وبقى شارك وعلى وجهه أبتسامة رضى وهيمنه: وسام أقصد كايل ! شفت كيف كسبت منك مادياً ؟! قيمتك وأنت حي أغلى !!

‎يبيعوني ! أنا صرت بضاعه يبيعوني !
‎شارك بخبث: بعتك لناس يتاجرون بالأعضاء ! على الأقل فيه ناس مريضه تستفيد من أعضائك !

‎تذكرت نيكولاي لما قال لي أن بيع الأجساد له دخل مربح في السوق السوداء ! وكان هو يفكر يبيع واحد من أعضائه بس بالأخير تراجع وقرر يشتغل نشال !
‎أنا ببلادة شعور: الساعه كم ؟
‎ناظر شارك مستغرب: الساعه ؟!! أنا أكلمك في موضوع وبالك في موضوع الساعه !
‎عصبت: أظن هذا تفكيري وأنا حر !
‎شارك بهدوء: خلاص لا تعصب وترفع ضغطك أهم شي صحتك !
‎ناظر في ساعته: الساعه عشر وخمس وأربعين دقيقه !

‎عذابي مطول !
‎أنا بلا تفكير: أسمع ياحقير خذها مني كلمه يومك قريب !

‎وقف شارك يستوعب ثم ضحك: كايل ! أحس أنك فقدت عقلك بسبب الصدمات اللي صارت لك اليوم !
‎أنا بحزم: يومك قريب !
‎شارك بسخريه: أنت مستوعب كلامك اللي تقوله ؟ تهددني وأنت في هالوضع ؟!
‎أنا بأبتسامه تايهه: أيه ! وأبغى أقولك أنت ماتسوى موطى حذاي لأنك واحد تافه تعيش حياتك بلا هدف ! أنت نكره !
‎قرب مني: أنا نكره هاه ؟!

‎رفسني بقوه على صدري على مكان الضربه رجعت لي نبضة الألم الحاده وكأنه ضربني بالحديده مره ثانيه ! حسيت رئتي بتنهار ! بعدها ماصرت أتنفس بسبب الألم وأغمى علي رغما عني ..

رفسني بقوه على صدري على مكان الضربه رجعت لي نبضة الألم الحاده وكأنه ضربني بالحديده مره ثانيه ! حسيت رئتي بتنهار ! بعدها ماصرت أتنفس بسبب الألم وأغمى علي رغما عني ..
بدأت تروادني أحلام يقظه مدموجه بكوابيس وهلوسات ! أصوات مزعجه ..
سمعت أطلاق نار كثيف وزجاج يتكسر ، أصواتهم تنقطع فجأه ! أصوات ناس تنادي للخلاص !!
أسمع ترانيم الموت ! لحنها أصوات البشر ..!
بعدها حل الهدوء كأن اللي سمعته مجرد عاصفه هبت وأختفت في لحظتها ، أخترق هذا الهدوء المرعب خطوات تمشي على الزجاج ، أشم ريحة دم تفوح في أنحاء المكان ، سكنت صوت الخطوات ، حسيت بيد بارده على وجهي تضربني على الخفيف: كايل ! كايل أصحى

صوت طفولي له طبقه شبه خشنه تبين أنه ولد ! فتحت عيوني بتعب كانت عيوني مشوشة الرؤيه كأني أشوف ضباب ، رفعت راسي وناظرت أذا بواحد يشبه نيكولاي ، غمضت عيوني أبعد الضباب عني ، فتحتها صفت الرؤيه لحظه وش هذا !!! دمار ! مجزره ! جثث في كل مكان ! الدماء متناثره على الجدران والأرضيات !! ناظرت في اللي يشبه نيكولاي ! هذا نيكولاي كان واقف يناظر فيني ، ماسك مسدس بيمينه ومنزله تحت ، كان لابس جينز وقميصه الأسود رافع أكمامه ، ملطخ بالدم على وجهه وجسمه ..!
ماهو دمه لأن أذا هذا دمه كان مات من فتره !
أبتسم: أنا جيت !
أنا بتردد: نيكولاي هذا أنت ؟!
أبتسم بخبث: ماحد يلمسك ويبقى حي !

لا مستحيل ماهو نيك ! ما أصدق أنه هو اللي مسبب المجزره هاذي ! لا ذاك طفولي يكره العنف ! أما هذا متوحش متعطش للدم !
سمعت صوت زحف على الزجاج ، ألتفت أناظر شفت أحد الجثث تتحرك هدفها توصل لذاك المسدس قريب منها ، ألتفت المتوحش لها ومشى متوجه لذيك الجثه ، ركل المسدس ووقف قدامها ..
- لا أترجاك أنا مالي ذنب في اللي صار !
صوب المسدس نحوها: كل الناس مالها ذنب في اللي قاعد يصير لهم !

لا ما أبغى أشوف ! نامي ياعيني نامي وأسمعي تنهيدة أحلامي ، المشكله لاصار صوت الواقع أعلى من صوت التنهيده بتضل العين مفتوحه مالها رجاء تنام ..
وصار اللي كنت أحاول أهرب منه ..!
أطلق رصاصه بلا رحمه من بعدها أختفى شي كان أسمه "راس" ! أستمر في الأطلاق وكأن الطلقه الأولى ماكانت كفيله بقتل الجثه ! خمس رصاصات فرغها كأنه يفرغ غضبه في كل طلقه ..
وأنا بين الواعي وشبه واعي بعد اللي شفته ! أنا متأكد أن اللي قدامي شخص ثاني متأكد !
ألتفت لي ومشى متوجه لي ، وقف قدامي وشافني أناظر فيه وفي مسدسه بدهشه ، وقف يناظر في مسدسه ثم دخله ورا ظهره تحت قميصه ، وقف يحك راسه بضيق وألتفت وراه: واللحين كيف ألقى مفتاح قيودك بين هاذي الجثث كلها ؟!

ألتفت لي ووقف يناظر فيني ، مد يده وحطها على الكدمه على صدري: ماراح أسمح لك تذوق اللي ذقته في حياتي ! ماراح أسمح لك تصير وحش مثلي !

مرر أصابعه على طول الكدمه وفجأه ضغط عليها لترجع لي نبضة الألم لتنهي وعيي وترجعني لظلامي ..

- وسام ! وسام ..!

صوت أمتد مخترق الظلام ، هناك أحد ينادي بأسمي ! أتمسك بالصوت ولا أتركه يعبر وأبقى في ظلامي بعيد عن صدمات الواقع ؟!
لا أنا راح أضل شجاع لآخر لحظه لآخر نفس ألفظه ! أنا أقدر أواجهها ! عمر الجُبن ماكان من سماتي ..

‎تمسكت بذاك الصوت اللي بدوره دلني على النور بصعوبه ، صحيت وناظرت الوضع مازال على شاكلته وأنا مازلت مقيد ، هاذي المره أحس بتعب روحي وجسدي شديد وكأن الظلام عاود يناديني أوّنس له وحدته ، أشك أني بصمد في النور للحظات ، شفت واحد يشبه هآدي في شكله ، حاولت أدقق في ملامحه ما أقدر أجزم أنه هو لأن عيوني بدت تخون أدراك عقلي ، كان معه واحد ثاني بس ما قدرت أميز ملامحه ، تقدم اللي ماقدرت أميز ملامحه وفك قيودي بعدها قدر ظلامي يسحبني ، أنقطع حلمي وصار الكون حولي ظلام اللي خاف أفارقه ألى حضن النور ..
‎الهدوء مازال مستمر بس أحس براحه ! والجو صار دافي وما أحس بأي ألم ، أبغى أصحى بس أخاف أصحى وأشوف واقع ثاني ! لا هذا ظلامي مايبغاني أصحى يبث فيني أفكار مسمومه علشان أضل معه ، لابُد أصحى ما أدري كم مضى علي وأنا فاقد وعيي ! فتحت عيوني بهدوء ، حسيت بدفى يسري في جسمي وكأن النور يحضنني يرحب بعودتي ، أوعدني يانوري لا تتركني في ظلامي ..!

14

**كلي أمل في الله** · 18-07-2019, 05:57

الرسالة الأصلية كتبت بواسطة رويـــــ,ـ,ـ,ال

السلام عليكم و رحمة الله
إلى متابعين الروايه المخلصين أنا حقا لا أستحق مثل أخلاصكم و متابعتكم أعتذر جدا على الأنقطاعات المأساويه بحق الروايه و بحقكم بأذن الله تعالى موعودين جميعكم في عطلة نهاية الأسبوع هذه ببارت يجعلكم تقفزون من أماكنكم بحماس و يجعل قلوبكم تنقبض داخل ذاك القفص الجميل و أعدكم راح يأخذكم إلى عالم آخر و تتعايشون في مشاعر مغايره و غير متوقعه لأذهانكم

أحتاج منكم خدمه بسيطه تكرما منكم أحتاج لأقتباس مشهد كآيل و هو في مواقف السيارات في القصر بدأ من دخوله حتى خروجه و مشهد تعذيب شاركوس لكايل بدايه من أختطافه حتى تخليصه
حاولت كذا مره أرجع أبحث عن هالمشهدين و يضيع وقتي و أنا أندمج في قراءة الأحداث
فبما أنكم راجعتوها أرجوكم راح تختصرون علي وقت في البحث شاكرة لكم
ودي و أمتناني لكم أحبكمم جددا

وعليكم السلام ورحمة الله وبركاته

رويال هنا e418

انرتي المنتدى بعودتك.
كم انا منتظره الفصل القادم

**كلي أمل في الله** · 21-07-2019, 12:55

قرأت الفصل الجديد...!!
صدمه !!!
التهديد اللي وصل لشقه كايل. هل من شارل فعلا او من نفس المافيا اللي فيها نيك؟
حكايه الصندوق عند الشقه انتابني شعور سئ ..خصوصا عندما قال نيكو بأن نظام تهديد في مافيا ..هو بأن الصندوق قد يحتوى على عضو إنسان... نعم!!! هل تم إمساك بواحد من أصدقاء كايل من قبل العدو؟وهل صاحب التهديد هو انيثان؟ لان محتوى رساله يوضح بأن صاحب تهديد يعرف وسام واصحابه اي انه كان ضمن أشخاص في حفل!
وما سبب قرار هادي وكأنه سيرجع ويترك الشله؟ هل العدو امسك بهادي؟ اتصال كايل بديفيد و ردة فعل ديفيد..يثير الشك .. لحظه سكوته عندما أخبره وسام بموضوع الصندوق.

منجده كايل راح يكشف حقيقته قدام ديفيد؟ و لا فعلا راح يتراجع في آخر لحظه ؟ اقصد اذا قابل ديفيد وعرف سالفه التهديد و الصندوق قد يتراجع كايل بخطوه كشف هويته قدام ديفيد.

ردة فعل نيكو عندما قرر كايل كشف هويته قدام ديفيد ..مره مستغربه من تصرفاته..نيكو اللي دايم يقول ديفيد طيب ومختلف عن اخوانه وتقدر تثق فيه ولما عرف خطه أخوه تغير ...

موضوع حمايه ديفيد لكايل. هل كان ديفيد يتوقع تهديد احد من إخوانه لوسام؟ هل كان سبب آخر أو عذر آخر من مراقبته لشارل؟

متحمسه لفصل الجاي

متى سينزل الفصل القادم ؟ هل سيكون كل اسبوع فصل ؟

**SwordFalcon** · 25-07-2019, 07:54

نضع بصمتنا نخبرك أنَّا نشجعك رويال ^^
- شخص لم ينهي القراءة بعد -

**بنزو آل** · 29-08-2019, 14:25

متى ينزل الفصل الجديد؟
تحمست

**| هجر |** · 01-09-2019, 05:55

الرسالة الأصلية كتبت بواسطة بنزو آل

متى ينزل الفصل الجديد؟
تحمست

انا ايضاً

**كلي أمل في الله** · 17-09-2019, 18:31

رويال هنǿ

**Le blue ciel** · 22-10-2019, 16:39

السلام عليكم و رحمة الله ،
كيفّ حالك رويـال ؟ إن شاء الله تكوني بخير .
أعـضاء النادي ؟ أخباركم ؟
ههه مرتّ فترة طويلة جدا ما دخلت للمنتدى و ما علقت فيه حتى
يمكن خمس سنين ؟ و كل مرة خلال هاذي الفترة أرجع أقرأ روايةّ
حتى و لو كانت غير مكتملة كنت أشوفها من أفضل الروايات و أحسنها
كانتّ أفضل من أنها تبقى على حالها هـكذا بدون تكملة و كل مرة أقرأها
أرجع أشـوفّ النادي و أشيكّ على ملفك قلت من المستحيل أنك تكمليها لأنه
مرت فترة طويلة بزااف ،
لكن الحمد الله ، بعد مدة طويلة قدرنا نشوف و لو جزء من تكملة و أنا جد سعيدة
بالبزاف على جـال هـذا الشي ، أني أرجع أقرأ تعليقات كـايل و عيسى ، فـارسّ ، نيكولاي الحبيب
كلها حاجة و لا أروع ،
لكن لي لاحظته أنه علاقة بين كايل و نيكولاي تغيرت خصوصا في الفترة الاخيرة صاروا
يتشاجرون تقريبا في كل جزء و لعدة مرات ، نقدر نتفهم عصبية كايل بصح شي خطرات
مايكونش لها مبرر ، عصبيتو على خوه الي يحاول قدر المستطاع ينسى حاجة شوية ؟؟
بالرغم من أني أحب شخصية كايل إلا أنه صار متسرع و عصبي جدا يمكن لأنه الأوقات اليائسة
تستدعي أنك تعمل أمور أيأس منها ، على كل حال ..
أرجوا أن لا تكون رواية على مشارف النهاية فالكثير من الأمور لم تحل بعد ، غموض هادي ؟ قضية
والد نيكولاي و كايل ؟ و الغموض يالي صار يلف شخصية نيكولاي في الأونة الآخيرة ؟ .
في النهاية نشكرك بالبزاف بسكّ قررتي ترجعي لرواية ،
لـهذا المنتدى و لأعضاء النادي ،
صحيتي و يعطيك الصحةّ
ربي يجازيك .
نتمنى نشوفوك على القريب إن شاء الله