.. نقاش للبنات ..
بواسطة
في 02-12-2013 عند 00:25 (1425 الزيارات)
السلام عليكم ورحمة الله
قبل التوضيح وقبل البدء في الكلام
~(..أيا كان ما أقوله فأنا لا اقصد احداً .. فقط اطرح مايجول في خاطري..)~
ابي بس اناقش كم نقطه معاكم وابي اشوف اذا بس انا اللي شايفه الشي ذا ولا بعد غيري شايفينه
.. ~التقــلييد~..
هذا وحده خلا امة نبينا محمد كلها ضعيفه
كأننا صرنا نلعب مسابقه مين يصير افضل من الثاني ومين يصير زي فلان
مانفكر بنفسنا مانفكر بخاتمتنا كل همنا مظهرنا في ذي الحياة
اللي همه يجمع فلوس واللي همها تكون احسن من فلانه واللي همه يكون مشهور
وكل هذول تلقى عددهم بالملايين
طيب واللي همهم آخرتهم كم عددهم
انا مأقول انو كلنا كافرين بس للأسف إحنا قريبين نصير مثلهم
ابي اتكلم عن البنات
البنت اللي تبي تظهر جمالها من غطاها ولا اللي فاتحه عبايتها مو مخليه منها الا زر بعض الاحيان كلها بعد
ابي افهم وين الشخه بالموضوع
تحطين الكحل وترسمين حواجبك كأنك ترسمين شارع طيب يختي وبعدين
مستفيده شي
يعني بيجيك بعد هذا ولد حلال يتقدم لك مثلاً
وفرضنا جالك تتوقعين بتبقين بعينه وهو عارف انك اظهرتي زينتك وتبرجك وفتنك للكل؟
تبين تقلدين ناس مو من دينا اوك قلديهم بس ليش حاطه ببطاقة الهويه مسلمه على اي اساس؟
ورفع الصوت عاد ذا ياكثره
البنت ترفع صوتها بالشارع بأماكن عامه
ووصلت مواصيلهم يرفعون صوتهم ويتهاوشون مع ابآئهم يعني اني انا اللي محد قدي اللي اقدر ارد على بوي وامي
كللله ذا عشان تقلد بنت ضايعه من دينها وتصير بعينها كشخه
واللبس القصير
عاد انا مابجي اتفلسف واقول لا تلبسين قصير حتى قدام الحريم لاني حتى انا اسويها مع انو حتى لو حريم الإسلام يوصي بالستر
بس اقصى حد للركبه او فوق الركبه بسانتي مترات مو كثير
بسس عاد لنص الفخذين وش مبقيه ياشيخه
وشهوله متعبه نفسك
اصلن لو قلنا مثلا تبين تقلدين الموضه
وينن بتاخذين الراحه اصلن يوم بتجين التقعدين كيف
وأول المشاكل الموضه ذي بتخلي الملك الايمن يكتب لك حسننات ؟
وش بتستفيدين لو زادت حركة قلم الملك الايسر
طيب لو كنت انا عندك وقريت عليك الايه
قال تعالى: { والتفت الساق بالساق . الى ربك يومئذٍ المساق }
ماراح تحسين بشي
بالايه ذي ماتقدرين تتخيلين العذاب اللي بتواجهينه من تصرفاتك ذي؟
يعني هذا وعيد من الله سبحانه وتعالى
مانتي حاسه فيه مانتي خايفه منه
انتي ادخلي عالنت وشوفي ايات وعيد وتفسيرها وتخيلي نفسك انك انتي اللي تتعذبين
مع انك مابتقدرين تتخيلين شكل العذاب لو عجزتي
بس جربي وقولي لي وش حسيتي وقتها
.. ~النصيحه والحش~ ..
عاد هذذي فقعت مرارتي
يعني معليه تجيك وحده تنصحك تدلك تقولك هذا الصح وهذا الغلط حتى لو نصحتك بشي هي تسويه معليه نتقبل
بس اللي مافهمته اللي تقعد بالبنت حش حش حش وآخر شي تجي تستحقر البنت وتقولها النصيحهع بشكل ينرفز
معليش انتي كان قصدك تنصحي ولا تخلينها تكره نصيحتك ذي وتستمر بغلطها
فوق هذا كله ناشره عيوب البنت ومغتابتها وحاشه فيها عند خلق الله كلهم
شتبين جد جد شتبين
ترا ماعاد فهمت لك
تبين تزيدين الفساد بالبنت ولا تصلحين غلطها
يعني أقول لو ماعمرك درستي كتاب الادب لاتجين تنصحين لين تقرينه او خليك ساكته
وابعدي قبل تخربين حياة البنت زياده
لا بعد اذا البنت ماقبلت نصيحتها لانها مقهوره ماتسكت ولا تراجع كلامها
الا ترجع تكمل الحش فيها عند باقي خلق الله
يعني شوفوني انا الطيبه جيت انصحها بس مارضت
لا حبيبتي انتي خليتيها تكرهك وفوق هذا نضفتي سيئاتها اللي كنتي تنصحينها فيها
وبسس هذا اللي كان بخاطري اقوله
انا بس بغيت اناقش هالنقاط مع البنات وايش سبب كثرتها
وما اقصد بكلامي احد
واسفه لو كانت طريقتي متهجمه او لم يتقبلها احد
~ { ..فإن أخطأت فمني ومن الشيطان وإن أصبت فمن الله سبحانه.. } ~
ودمتم بخير أحبتي .. ^^