ترى ياجماعه انا فشلت العرب [الارشيف]

عرض كامل الموضوع : ترى ياجماعه انا فشلت العرب

إليون

25-01-2005, 07:57

سلااااااااااااااااااااااااااااااااام جماعه الخير
عندي سالفه ابغي اخبركم ياها لان امس كنت اكلم ربيعتي وضحكنا عليها قلت اونسكم شرات ما تونست

سالفه ما فيها ...... كنا في صيف وانا بنت مجده دووم ادرس فدخلت معهد للكمبيوتر وكنا اجازه
وصراحه انا ما افهم في الكمبيوتر شئ فدووم اسولف في الكلاس ولا اعطي المدرسه اهميه

في يوم من الايام كنت اتكلم في المسنجر مع البنت الي قدامي <<<< حركات علشان ماتكشفنا الابله
بس الابله كانت ما تشيل عينها عني وتعطيني نظرات شوي بتكفخني ... فأنا سكرت الكمبيوتر ويلس اسمع الدرس <<< طالبه مجده من صدج

بس ما حسيت الا وانا نايمه ..فالابله ظرب بقوه الطاوله جان انقز من مكاني منخرعه ويوما كرهتها وااايد
جان تقولي " شيلي شيلتج حطيها على راسج " وكانت شيلتي على الارض بس المشكله انا توني صاحيه من نوم يعني يبالي ساعه علشان استوعب شو تقول ... قامت بنت وعطتني شيلتي ..بس الابله كانت معصبه لاخر حد
فانا صديت على وراي اقولها " بلاها معصبه هذي " بس هذا الي قلته ومازدت عليه شئ

قامت الابله تصيح وعيونها حمره وطلعت من كلاس ........... وانا المسكينه من صدمه شو سويت
المهم ياني استدعاء للاداره ... ورحت وانا مستانسه دووم احب الاداره فمسكتني الاخصائيه
قالت لي " انتي ما تستحين فشلتي المعهد .... فشلتي بوظبي ..... فشلتي الامارات .....فشلتي العرب كلهم "
وانا سمعت المحاضره وطلعت اقول في نفسي فشلت العرب بس علشان تكلمت وكل بنات الكلاس يتكلمون
ليش يعني انا بذات

رديت بيت خالتي فسأتني شو سويت اليوم .. قلتلها ... رحت فشلت العرب وييت

اتمنى سالفتي تعيبكم
تحياتي
إليون

enemy

25-01-2005, 09:57

looool

الحين بس سويت هل شي رحتي فشلتي العرب..؟؟

معناها انا فشلت الجنس البشري باكمله لووول ^_^

شكرا لك

ALEメA

25-01-2005, 10:37

::جيد:: تصدقين انو هم اللي فشلونا بحس المبلاغه اللي عندهم :D :D لووول مشكوره

haneen alro7

26-01-2005, 09:43

كيف فشلتي العرب

على كذا انا طول عمري مفسله العرب خخخخخخخخخخخخ

حـمـMjـودي

26-01-2005, 15:32

افا
فشلتينا ذحين اش يقولوا الهنود عننا؟ فين نودي وجيهنا؟

Endless Pain

27-01-2005, 00:48

ههههههههههه
ما يسوى عليج هالخمس دقايق اللي نمتيهم وقالوا لج فشلتي العرب
مشكورة على القصة

حـــمـــودي 999

27-01-2005, 22:29

العرب فشله بحد ذاتها يخافون من عمهك بوش صحيح أنو أمريكا ما سيطرت علينا عسكريآ بس سيطرت علينا بعقولهم
محا أروح الموضوع بعيد العرب تفشيله بحد ذاتهم

إليون

30-01-2005, 06:49

enemy

مشكوره اختي على الرد
والله زين فشلتي البشريه كلها طلعتي احسن مني

x13x aLeXa x13x

والله معاج حق هم الي فشلوا العرب بس انا المسكينه حطوها علي
مشكوره اختي

&الحنين&

والله انا وانتي طلعنا خوات في تفشيل العرب
مشكوره اختي واايد

مخـاوي الليـل

اخوي سموحه منك بس عاد العرب دووم يتفشلون والهنود تعودوا خلاص ويهنا طاح
مشكور اخوي على الرد

Endless Pain

والله اختي ما ادريبهم نمت 5 دقايق فشلت العرب عاد شو بقولون ادا نمت ساعه ؟
مشكوره اختي على الرد

حـــمـــودي 999

والله اخوي مافيني ادخل في سياسه اخاف على نفسي لاصير ارهابيه بس العرب متفشلين من زمان بس ماحصلوا غيري يحطون عليها السبب

تحياتي
إليون