مشاهدة النتائج 1 الى 8 من 8
  1. #1

    ترى ياجماعه انا فشلت العرب

    سلااااااااااااااااااااااااااااااااام جماعه الخير
    عندي سالفه ابغي اخبركم ياها لان امس كنت اكلم ربيعتي وضحكنا عليها قلت اونسكم شرات ما تونست

    سالفه ما فيها ...... كنا في صيف وانا بنت مجده دووم ادرس فدخلت معهد للكمبيوتر وكنا اجازه
    وصراحه انا ما افهم في الكمبيوتر شئ فدووم اسولف في الكلاس ولا اعطي المدرسه اهميه

    في يوم من الايام كنت اتكلم في المسنجر مع البنت الي قدامي <<<< حركات علشان ماتكشفنا الابله
    بس الابله كانت ما تشيل عينها عني وتعطيني نظرات شوي بتكفخني ... فأنا سكرت الكمبيوتر ويلس اسمع الدرس <<< طالبه مجده من صدج

    بس ما حسيت الا وانا نايمه ..فالابله ظرب بقوه الطاوله جان انقز من مكاني منخرعه ويوما كرهتها وااايد
    جان تقولي " شيلي شيلتج حطيها على راسج " وكانت شيلتي على الارض بس المشكله انا توني صاحيه من نوم يعني يبالي ساعه علشان استوعب شو تقول ... قامت بنت وعطتني شيلتي ..بس الابله كانت معصبه لاخر حد
    فانا صديت على وراي اقولها " بلاها معصبه هذي " بس هذا الي قلته ومازدت عليه شئ

    قامت الابله تصيح وعيونها حمره وطلعت من كلاس ........... وانا المسكينه من صدمه شو سويت
    المهم ياني استدعاء للاداره ... ورحت وانا مستانسه دووم احب الاداره فمسكتني الاخصائيه
    قالت لي " انتي ما تستحين فشلتي المعهد .... فشلتي بوظبي ..... فشلتي الامارات .....فشلتي العرب كلهم "
    وانا سمعت المحاضره وطلعت اقول في نفسي فشلت العرب بس علشان تكلمت وكل بنات الكلاس يتكلمون
    ليش يعني انا بذات

    رديت بيت خالتي فسأتني شو سويت اليوم .. قلتلها ... رحت فشلت العرب وييت

    اتمنى سالفتي تعيبكم
    تحياتي
    إليون


  2. ...

  3. #2
    looool

    الحين بس سويت هل شي رحتي فشلتي العرب..؟؟

    معناها انا فشلت الجنس البشري باكمله لووول ^_^

    شكرا لك

    attachment

  4. #3
    gooood تصدقين انو هم اللي فشلونا بحس المبلاغه اللي عندهم biggrin biggrin لووول مشكوره

  5. #4
    كيف فشلتي العرب

    على كذا انا طول عمري مفسله العرب خخخخخخخخخخخخ
    sigpic5452_1

    :: كلمات من القلب ::
    "اللهم إن كانت الحياه خير لي فأحيني وإن كان الممات خير لي فأمتني"

  6. #5
    افا
    فشلتينا ذحين اش يقولوا الهنود عننا؟ فين نودي وجيهنا؟
    سبحان الله وبحمده سبحان الله العظيم

  7. #6
    ههههههههههه
    ما يسوى عليج هالخمس دقايق اللي نمتيهم وقالوا لج فشلتي العرب
    مشكورة على القصة

  8. #7
    العرب فشله بحد ذاتها يخافون من عمهك بوش صحيح أنو أمريكا ما سيطرت علينا عسكريآ بس سيطرت علينا بعقولهم
    محا أروح الموضوع بعيد العرب تفشيله بحد ذاتهم

  9. #8
    enemy

    مشكوره اختي على الرد
    والله زين فشلتي البشريه كلها طلعتي احسن مني

    x13x aLeXa x13x

    والله معاج حق هم الي فشلوا العرب بس انا المسكينه حطوها علي
    مشكوره اختي

    &الحنين&

    والله انا وانتي طلعنا خوات في تفشيل العرب
    مشكوره اختي واايد

    مخـاوي الليـل

    اخوي سموحه منك بس عاد العرب دووم يتفشلون والهنود تعودوا خلاص ويهنا طاح
    مشكور اخوي على الرد

    Endless Pain

    والله اختي ما ادريبهم نمت 5 دقايق فشلت العرب عاد شو بقولون ادا نمت ساعه ؟
    مشكوره اختي على الرد

    حـــمـــودي 999

    والله اخوي مافيني ادخل في سياسه اخاف على نفسي لاصير ارهابيه بس العرب متفشلين من زمان بس ماحصلوا غيري يحطون عليها السبب


    تحياتي
    إليون

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter