شروحات لعبه ديجيمون ماستر (الانضمام الى فريق-تحويل الديجيمون ) المجموعه الاولى

[themagicalv2]

بسم الله الرحمن الرحيم
بعد موضوعى الاول عن افتتاح لعبه ديجيمون ماستر وبعض الشروحات بها على هذا الرابط http://www.mexat.com/vb/threads/9542...A7%D9%85%D9%84


راسلنى بعض الاعضاء عن مشاكل فى اللعبه وطريقه حلها
فانا حبيت اعملها شرح بالصور وده ان شاء الله
راح يكون اول الدروس وبعد كده باذن الله راح تتوالى الدروس للعبه
اول شئ
كيفيه الانضمام الى فريق او انشاءه
لا يمكنك الانضمام الى فريق حتى يرسل لك قائد الفريق دعوه من عنده
ولكن يمكنك انشاء فريق بنفسك بدون اى اداه او تكلفه ماديه
الشر ح
اول شئ نضغط على الشخص الى تبى تضمه لفريقك بدون اى شئ قبلها
كما فى الصوره

بعدها تضغط على صوره الاعب الى ظهرت فوق راح تظهرلك قائمه زى الصوره

بعدها راح تختار request party
بعدها راح يحصل شئ من 3 اشياء
اما تطلع الصوره ديه وراح تلاقيه على الشمال عندك يعنى بقى معاك فى الفريق

او انه رفض دعوتك

او انه فى فريق تانى بس انا ملقتش حد علشان اصوره واحطهولكم
بس وبكده نكون نهينا شرح ازاى تدخل او تسوى فريق

ثانى شرح اليوم هيكون ازاى تكبر الديجيمون بتاعك
اول شئ لازم نعرفه ان الديجيمون بتاعك بيترقى لوحده 4 مرات
من لفل 11
من لفل 24
من لفل مش فاكر بس هيا حاجه وثلاثين
اخر لفل 45
طيب انت هتسالنى انا جبته لفل 11 ازاى احوله ؟؟؟
انا بقى هرود عليك واقولك ده سهل جدا
امشى تبع الصور
اول شئ هيكون ظاهر عندك التحويل فى المكان الى انا واقف عليه بالموس وراح تظهرلك امكانياته ونقاطه وكل شئ

كل الى عليك انك تدوس على الايكونه بتاع الديجيمون
بعدها تظهر لك كده
ومعناها انه بتحول

كل وحش وله سكلاته الخاصه بيه زى ديه

يعنى قصدى ان وحش لفل اقل من 11 له سكلات غير لفل 11 لما بيتحول

وبكده اكون نهيت شرح اليوم وان شاء الله راح اتبع الشروحات كل شئ فى لعبه ديجيمون ماستر
ملحوظه: الموضوع من عملى الخاص واسمح بنقله مع ذكر الحقوق
اعتذر عن الروابط الى على الصور بس ده لانى عامله فى منتداى قبل هنا وللاسف معنديش وقت اخيرها
اذا فى استفسار مراسلتى وان شاء الله احلهلكم
تحياتى للجميع
evonic

[Z Є Я Ǿ]

السلام عليكم اخي
كيفك ان شاء الله تمام
<~ واحد من بعض الاعضاء ^^"
أول رد ياسلام
^^
تسلم اخي الله يعطيك ألف عافيه
تصدق توي عرفت اسويه بعد شرحكـ
الله يوفقكـ أخي
مشكـــور
ماقصرت على المساعده الرائعــه
موفق في باقي شروحاتكــ

[themagicalv2]

تسلم يا غالى
واذا وقفت معاك اى شئ خبرنى وانا ان شاء الله راح اساعدك
تحياتى

[themagicalv2]

up

[Z Є Я Ǿ]

السلام عليكم

كيفك أخوي ؟
نسيت أسألـكـ اعذرني ^^"
قدره التطوير فقط للمقاتلين الأساسيين صح ؟
اللي زي اجومون وغاباومون ولالامون ^^"
اما مقاتلي فهو غابومون <~ اللي هو كاسر بالعربي ^^"
قدرت أطوره لـ رمـاح <~ بالعربي .
بس ماني قادر اطوره لرماح المدرع
يقولي تحتاج لـ أده اسمها Evolution
وماقدرت أشتريها يقلي ناقص شيء ومدري كيف
في طريقه احصل على Evolution ؟
ومعليش على الازعاج

[Z Є Я Ǿ]

سؤال ثاني معليش ^^"
مثلا لمن واحد يضمني لفريقه وانا ابغى اطلع من فريقه
كيف اطلع ؟
ومعليش مره ثانيه على الازعاج

[themagicalv2]

سؤال ثاني معليش ^^"
مثلا لمن واحد يضمني لفريقه وانا ابغى اطلع من فريقه
كيف اطلع ؟
ومعليش مره ثانيه على الازعاج

هلا اخى ما فى ازعاج ولا شئ
بالنسبه للاستفسار الاول انا ما اعرف والله ما جربت بس راح اجرب دلوقتى واشوف
ثانيا علشان تخرج من الفريق اضغط على صورتك الى فوق الى فيها الدم والاس بى
راح تظهرلك اختيار واحد leave party أو حاجه زى كده على العموم هوا اختيار واحد دوس عليه وراح تخرج تحياتى وانا تحت امرك فى اى استفسار

[themagicalv2]

up

[Z Є Я Ǿ]

معليش أخوي ماانتبهـت لردكـ
تسلم والله
عرفت أسويهـا
اما بالنسبه لسؤال الاول فلقيت طريقه
اذا كنت مسجل من اول كان سهل
بس الان تقدر تشتريه من اللاعبيـن
يسونها بأسواق

ادري اني طفشتك بالاسئله
بس كيف اسوي لي سوق ابيع فيه الادوات ؟

[themagicalv2]

هلا يا غالى بالنسبه لفتح سوق راح تشترى ايتم على ما اظن ب 50 m وبعدها راح تقدر تفتح سوق وتبيع زى الاعبين وان شاء الله راح اسويلها شرح قريب

[Z Є Я Ǿ]

أهليـن فيـك .
أوك مو مشكله بانتظار شرحك
موفق أخوي

[themagicalv2]

تسلم يا غالى
وان شاء الله راح يكون الشرح فى الموضوع الشامل

[hussenspace]

السلام عليكم ورحمة الله

الصراحة المجهود اكثر من رائع .. وساعدتنى كتير فى اللعبة

بس للاسف اخى انا وجدت بعض الايتم ومش عارف استخدمه ازاى لو ينفع ارفعلك صور له وافهم منك ايش اسوى بيه

بانتظار ردك .. وشكرا مرة اخرى على مجهودك

[themagicalv2]

ارفع الصوره يا غالى
وانا تحت امرك وانا سعيد جداو الله ان موضوعى ساعد ناس كتير
تحياتى

[hussenspace]

ارفع الصوره يا غالى
وانا تحت امرك وانا سعيد جداو الله ان موضوعى ساعد ناس كتير
تحياتى

جارى رفع الصور ومعلش هتعبك معايا

[hussenspace]

(( 1 ))
Nsp Hp
http://imageshack.us/photo/my-images/526/42105460.png/

(( 2 ))
Akhiro kurata`s research Data
http://imageshack.us/photo/my-images/406/67239320.png/

(( 3 ))
Hp atrributr rank
http://imageshack.us/photo/my-images/641/87604807.png/

(( 4 ))
Jt ( Hp Chip set + 17 )
http://imageshack.us/photo/my-images/507/10193346.png/

(( 5 ))
Dats emblem
http://imageshack.us/photo/my-images/849/89968528.png/

(( 6 ))
Ampification Booster + 50%
http://imageshack.us/photo/my-images/256/94009228.png/

(( 7 ))
Magical Ruby
http://imageshack.us/photo/my-images/593/77785054.png/

(( 8 ))
Dr ap chipset
http://imageshack.us/photo/my-images/713/93233983.png/

0



ياريت لو تفيدنى وتقولى استخدامهم .. ولو فيه حاجة فيهم غالية ابيعها مثلا

وبالنسبة لفقس البيض .. انا حطيت البيضة المشعة فى جهاز تفقيس البيض وفشلت منى او تقريبا عملت Remove للبيضة .. لو تفهمنى ازاى افقس البيضة وايه الادوات اللى بستخدمها

وكلمة شكر لا تكفيك أخى

[themagicalv2]

هلا يا غالى
اول صوره
Nsp Hp
عباره عن شريحه بتوضع فى جهاز الديجيمون الخاص بيك الى انت بتجيبه من مهمه سهله او ب500 ذهب يعنى رخيص جدا فى بعض من الاجهزه ينفع تحط فيها شرحتين وده العادى اما فى الاغلى بيزودلك اماكن الشرايح بس ده نادر جدا والشريحه الى معاك ديه بتزود 10 دم للديجيمون الى معاك بس مش تملاها لا تزود مكان الدم 10
ثانى صوره
Akhiro kurata`s research Data
انا عن نفسى جاتلى اكتر من مره بس خلصتها فى مهمه
يعنى فى مهمه من الى عليك بتطلبها منك بس مش متاكد بتعمل ايه
ثالث صوره
Hp atrributr rank
ديه حاجه زى الايتم الاول بس الاول بتروح تحولها عند راجل مش فاكر اسمه بس ممكن ابقى اعملها شرح ان شاء الله
رابع صوره
زى الايتم الاول تمام بس بتزود 17 بدل 10 بس
خامس صوره
Dats emblem
بتسمحلك تحص نادى اسمه نادى الديجيتال وبيسحب منك 1 كل مره بس ديه بتبقى مميزه شويه بس انصحك متخشوش لانه مش مهم اوى وكمان فى مهمه هتجيلك ياخد منك 5 منها وليها جوايز كبيره
سادس صوره
Ampification Booster + 50%
بتفعل الايتم ده بالضغط عليه فقط وبعدين تاخد نص ساعه او ساعه مش فاكر ضعف الاكس بى يعنى انت لو بتاخد من وحش 2xp حتاخد منه 4xp ايتم حلو جدا ومفيد
سابع صوره
Magical Ruby
ديه بتدى اسك بى للوحش بتاعك وانت واقف من غير ما تقاتل يعنى تلفيل على طول انصحك تفعلها دلوقتى
اخر صوره
Dr ap chipset
ديه مميزه جداو على ما اظن غاليه جدا لانها بتزود هجوم الوحش بتاعك والهجوم ده مش سهل فى اللعبه ديه انه يزيد علشان كده ممكن تكون اغلى حاجه فى الايتم الى معاك
كده اكون خلصت كله بس فى شئ واحد عايز انبهك ليه
لو فى ايتم مكتوب عليه الكلمه ديه
Character Bound
يبقى ده مجانى او جيلك من مهمه ومينفعش تبيعه بس تستخدمه
بالنسبه للبيض اول لما تحط البيضه هتلاقى كلمه زى add date او حاه كده
لازم يكون معاك الشرايح بتاعتهاالمتوافقه مع البيضه وكل بيضه وليها طلبات فى الى بيطلب 5 شرايح وفى 4 وفى 3 وفى واحده بس وكله على اهميته
ولو فى اى استفسار تانى انا تحت امرك

[hussenspace]

شكرا اخى على الشرح الرائع
أولا
بس بالنسبة للـ Nsp احطه ازاى على جهاز الديجيمون بتاعى ؟ وجهاز الديجيمون ده اصلا معايا ولا بشتريه ..

ثانيا
الـ Dr ap chipset استخدمه ازاى

ثالثا
الاشتراك فى نادى الديجمون ده بيكون منين ؟

ومعلش انا عارف انك عايز تضربنى

[themagicalv2]

هلا يا غالى ما فى ضرب ولا شئ هههه
بالنسبه لجهاز الديجيمون انت بتجيبه من مهمه فى البدايه او ممكن تشتريه من راجل بمبلغ قليل جدا يعنى ما فى مشكله وبمجرد انك تفعله بتطغط على الشريحه راح تضاف الى الجهازز
تانى شئ chipsit والله يا غالى على ما اظن انه فى الجهاز برضه لانها شريحه بس انا حتى الان لم احصل على مثلها علشان هيك ما اقدر افيدك بس هيا باين عليها ايتم مميز جدا جدا
ثالثا النادى بيكون فى الارض الى فيها رماح تفتح الخريطه راح تلاقى مكان مكتوب عليه حاجه شبه digimon club او حاجه كده تروح عنده وراح ياخد منك واحد من الايتم بتاعه النادى
بس وانا تحت امرك فى اى سؤال
تحياتى

[hussenspace]

هلا يا غالى ما فى ضرب ولا شئ هههه
بالنسبه لجهاز الديجيمون انت بتجيبه من مهمه فى البدايه او ممكن تشتريه من راجل بمبلغ قليل جدا يعنى ما فى مشكله وبمجرد انك تفعله بتطغط على الشريحه راح تضاف الى الجهازز
تانى شئ chipsit والله يا غالى على ما اظن انه فى الجهاز برضه لانها شريحه بس انا حتى الان لم احصل على مثلها علشان هيك ما اقدر افيدك بس هيا باين عليها ايتم مميز جدا جدا
ثالثا النادى بيكون فى الارض الى فيها رماح تفتح الخريطه راح تلاقى مكان مكتوب عليه حاجه شبه digimon club او حاجه كده تروح عنده وراح ياخد منك واحد من الايتم بتاعه النادى
بس وانا تحت امرك فى اى سؤال
تحياتى

الف شكر .. على شرحك ومساعدتك

وياريت نبقى نتقابل فى الجيم انا اسم الـ Char. بتاعى HesocA