أفتتاحيهـ }●●●●
الحـــزن
أن تتحقق بعد حلم ,,,, وألتقيك بعد أمنيه ,,,, وأن تأتي بعد إنتظار,,,, وأن أجدك بعد بحث ,,,, وأن أستيقظ على زلزال رحيلك
الحـــزن
أن تفارق ولا تفارق,,,, فتصمت ويبقى صوتك في أذني ,,,, وتغيب وتبقى صورتك في عيني ,,,, وترحل وتبقى أنفاسك في قلبي ,,,, وتختفي ويبقى طيفك خلفي يمزقني ..
ساأطرح لكم الآن روايه .. ربما تحسبونها خيال لكنها هي أقرب للوقع من الخيال .. روايه مميزه في أحداثها وتضحياتها روايه لاأدري كيف أصفها !! تابعوا معي الروايه وفي النهايه ستنكشف البدايه وستتضح معالم الروايه .. هي روايه تتكلم عن أخوين أمريكين أفترقا وتورط أحدهما في عالم المافيا والآخر عاش في السعوديه وأترك الباقي لكم لتقرؤنها مابين السطور
¤ ـهمي ياخوي من ـهمك ¤
♥ لاتحسب نفسك وحيد أنا معك في هالدنيا ♥
א PART ONE א
×... حياة الطفولهـ ...×
فرحتي بلقاه نستني الدنيا ومافيها ..
هاذي هي قصة حياتي أطرحها بين يديكم قصة حدثت لي في الواقع ماهي بالخيال ذكرت كل أدق وأصغر التفاصيل من معزته في قلبي
وقصتي تبداء من هنا ....
قمت وركضت ومسكته وحضنته بحضني وبقوه علشان مايقدرون ياخذونه من بين يديني ..
قالت: هذا من صالحه صدقني أتركه يعيش بين أهل أحسن من أنه يعيش يتيم !
قلت(وأنا معصب):أنا أهله أنا دنيته هو أخوي وأنا أفهمه أكثر منكم وماراح أخليه يعيش مثل اليتيم راح أحسسه بأني أهله وماراح أخليه يذوق طعم الوحده أبعدوا عنا أتركونا لحالنا !
أنا شاب أسمي وسام وأسمي الأصلي (كايل)عمري ٢٤ سنه أمريكي لكن عايش بالسعوديه عشت أغلب حياتي فيها لأن أبوي متزوج من أمراءه سعوديه (وعائلتها غنيه) بعد ماتزوج أبوي (وديانته المسيحيه)أنتقل للعيش في أمريكا مع أمي ورزقا بأبنان أنا وأخوي الثاني الأصغر وأسمه(نيكولاي) , بعد خمس سنوات من عمر نيكولاي أعلن أبوي أسلامه وفي ليله من الليالي طلعوا أمي وأبوي في سهره وكان عمري حينها ٩ سنوات ونيكو طبعا ٥ سنين وكانت الحاضنه ترعانا بعد ماتعشينا أخذتني الحاضنه لغرفه نومي ونيكو " نيكو أختصار لآسمه نيكولاي "لغرفه نومه ونمنا وفجأه أنفتح باب غرفتي وصحيت من نومي أذا هو نيكو ومعه دبدوبه المحبوب <<من يوم هو صغير معه هاالدب مايفارقه أبد أكرهه لأنه يطفشني فيه (>_<)ركب سريري ونام بجنبي بكل بساطه(من الباب للطاقه)للمعلوميه :طبعا ماكنت أعرف أتكلم عربي حينها يعني كل المحادثات اللي بتصير بالأنقلش ...سألت نيكو(هو من عادته لو حس بخوف دايركت لأمي ينام عندها) : أمي وأبوي ألى اللحين ماجوا ؟
نيكو(وهو نعسان): لا !
أستغربت ماهي من عاداتهم يتأخرون !!
قلت:طيب ليش جيت هنا ؟
نيكو: السماء تبكي ومعصبه وتصرخ وتطلع شراره غضب أظنها معصبه علي ! أنا خايف<< فهمتوا عليه؟؟
ضحكت وقعدت أهديه وأبين له أن اللي يصير شي عادي وطبيعي مايعني أن أذا أمطرت السماء يعني أنها تبكي =الخ وبعد الشرح نام الأخ وطنش شرحي وبعد برهه غشاني النوم وغطيت بالنوم ...
فجأه صعقت أقوى صاعقه مرت بحياتي وفزعت من نومي وقام نيكو يبكي بقوه وقفز بحضني وتشبث بي ضميته وأنا خايف أكثر منه وماقدرت أتكلم من خوفي وقمت أفكر باأمي وأبوي وخفت أكثر سالت دموعي من الخوف بعد مده رفع نيكو راسه وناظر في ..وقال:أنت خايف مثلي!!
قام وعطاني دبدوبه الحبيب وقال: أتركه معك وتخيله كأنه أمي!!
أنفجرت ضحك بصدق ونسيت خوفي بسبب أخوي الصغير اللي المفروض أنا أهديه ! مسكته وحبيته على خده ونومته ونمت ..قال نيكو: متى ماما وبابا بيجون؟
مسكت يده وقلت: هم في الطريق جايين نام ولما تصحى تلقاهم !قال:خلاص وفي الصبح رجع لي دبدوبي ..
أبتسمت له وقلت: خلاص تلقاه الصبح بحضنك اللحين نام ..
بعد ماأصبح الصبح سمعت طرق باب وقمت من نومي وناظرت بجنبي مالقيت نيكو وفكرت يمكن راح ينام عند أمي نزلت من السرير وطلعت من غرفتي وسمعت صوت نيكو يبكي رحت أركض له ولقيته نايم على سرير أمي ويبكي وعرفت أن أمي وأبوي ألى اللحين مارجعوا! تملكني الخوف ,,
قال نيكو(وهو يبكي): وين ماماوبابا ؟ أنت قلت لي لما أصحى ألقاهم !!
سكت ماأدري وش أقوله فتحت الحاضنه الباب وسمعتها تقول: لااااااا كيف ؟! والأولاد؟! مساكين من لهم غيرهم !!
عرفت وش اللي يجري أمي وأبوي صار لهم شئ رحت وركبت سرير أمي وأبوي مع نيكو ومسكته وقلت: حبيبي أمي وش قالت لك لما هم مايكونون باالبيت؟
قال: لازم أسمع كلامك!قلت:شطور اللحين روح غسل وأنا أبدل لك ملابسك ! <<(تدرون ليش قلت كذا لأن خلاص ماراح نقعد باالبيت كنت حاس أننا ماراح نرجع للبيت)بعد ماجهزته وخلصت جت الحاضنه وقالت: تعرف أحد يقربلك ؟
ناظرت لها وهزيت راسي بلا..
قالت:عمك عمتك ؟
وعطيتها نفس الجواب ..
قالت: خلاص اللحين بجهز شناطكم علشانكم بتروحون لرحله !! قلت: وين أمي وأبوي؟
سكتت ونزلت راسها وتغير صوتها ..
قالت: قريب راح يجون
قال نيكو: ليش تأخروا؟
قالت:حصل لهم شغل وبيتأخرون شوي !
قال نيكو: كايل بدق عليهم وبوصيهم يشترون لي حلاوه !
مسكت يده وقلت: أنا أجيب لك حلاوه بس اللحين بنروح نجهز شناطنا ,,
بعدما جهزت شنطتي وأغراضي ونفس الشئ لنيكولاي جوا ناس غريبين وأخذونا لمكان مليان أطفال ..
قال نيكو: كايل وش هذا المكان ؟
×××
هذه هي عينه من روايه طويله .. أذا أعجبتكم وأردتم الباقي منها أخبروني![]()
أنتظـر ردودكـــم هنــا في النــــادي







اضافة رد مع اقتباس



أوكي بنشوف أذا بيزيدون أو لا !!
أسعدني تشجيعك قلبو 



روووووووووووووووعه مع انها في البدايه 




!! تقدرين تعبرين برايك !!! المهم مشكوووووووره على المرور

المفضلات