حسنا سأخبركم بموقف حدث معي منذ فترة
مرة ضافتني وحده من مكسات وقعدت اتكلم معاها جم يوم
هي أصغر مني بسنتين
وكنت اعتقد ان اهي من السعودية
وبعدين اكتشفت انها من البحرين
على العموم, واحنا نتكلم بالغلط قلت كلمة
هولية (وهي لغة يستخدمها وايد ناس في البحرين)
الا تسألني البنت انتي هولية؟ قلت لها اي, قالت لي حتى انا (ماستغربت لأن البحرين متروسة هوله )
بس سألتها انتي بنت من يعني شنو لقبكم
قالت لي ليش
قلت لها بس ابي اعرف
وقالت لي
وبعدين انا قلت لها لقبنا الا تسوي لي هههههههههههههههه
قلت لها شفيج؟
قالت انتي مريووم حفيدة عمة ابوي
الا مره وحده اقول اوه ماي قود هاي انتي!!!!!
طلعت وحده تصير وكانت تزورني وقت ماكنا صغار بس نسينا بعض
خذت رقم تليفون بيتنا واتصلت لي ومن يومها واحنا كله نتكلم على التليفون ونسترجع ايام اول
بعدين عزمتها على بيتنا ويات واستااانسنا
جفتوا مكسات شيسوي
والصدفة الحلوة ان الغدة في العيد (يعني اليوم) كان في بيتهم
وانا كنت قاعده معاها طول الوقت حته عمتها استغربت مني اهي خبرها انا استحي شلون جذي قاعده معاها من اول ماييت ونضحك ونتشيطن
يات سألتني انتوا مع بعض في المدرسة؟
قلت لها لا احنا نتكلم مع بعض في الانترنت
قالت اووه ماشالله خخخ
شرايكم في القصة؟
وعلى فكرة يوجد هوله في السعودية ايضا وباقي دول الخليج (مو بس في البحرين)
المفضلات