وحشتيني
يا حضن يزورني في منامي
يدفيني
ويحميني
وحشتيني
يا ساكنه النن في عيني
ومهما كبرت
بناديكي
تعالي يا أمي غطيني
خديني لحضنك الدافي
أنا بردان دفيني
ومهما طالت الأيام
ومهما كانت الأشواق
أنا المشتاق تضميني
يا كل حياتي وسنيني
كبرت يا أمي
عرفتيني ؟؟
نسيتيني ؟؟
غيابك طال
غيابك كان علي عيني
سنين بستنا تعوديلي
وكان الكل يطمني
يفهمني
بأنك راجعه من تاني
وعمرك ما فارقتيني
ومر العمر والأيام
ومر كمان
معاهم حزن مكفيني
وطفلك لسه مستني
علي شباك وبلكون
وباب البيت يسألني
يقول يا أمي وحشتيني
دموع العين لو تكفي
وكانت تحكي عن ليلي
وعن خدي ونار الدمع
يحرقها ويكويني
تعالي بجد أنا زعلان
يا أما معاكي تخديني
تعبني الشوق والأشواق
تعبني الصبر
وكل ما أقول أنا مشتاق
عيوني كمان تبكيني
ومهما مرت الأيام
وزاد البعد
بقولها ليكي يا أمي
بجد بجد وحشتيني
سؤال دايما علي بالي
رحلتي ليه وسبتيني
وحيد في بحر من أمواج
تغرقني وتحييني
يا شايله الحزن من قلبي
وحشتيني
أنا جايلك
أغنيلك
علي عود في السما أخضر
مع شمس في نهار تطلع
مع فجر بيزقزق
وعصفور علي شباكي بيغني
يا بسمة الأيام
يا ست الحسن والأحلام
وحشتيني
وبسأل ربي كل منام
تكوني في جنة الرحمن
هناك باقيه بتدعيلي
بكل ما بينا من أشواق
في يوم راجعه
تضميني
وأسمعها من تاني
حبيبي تعالي في حضني
وأقولك ماما وحشتيني
samir






اضافة رد مع اقتباس
3>







المفضلات