في مدارس البنات ....

**مجنون alx&luna** · 07-07-2002, 08:15

في مدارس البنات ....
حكت لي واحدة من البنات (وهي مصدر موثوق) بعضا من الشئ البصيط الذي يعانونه في مدارسهن مثل:
منع الطالباب من أي زينة حتى لو كانت بسيطة مع أنه من المعروف أنه من طبيعة الفتاه حب الظهور بأحسن مظهر أمام(((((((زميلاتها)))))))

وتحكي لي نفس البنت وهي تقول أن عريفات النظام يقومون بالتفتيش اليومي في الطابور الصباحي!ويصادرون التوك الملونةوالأكوات الملونة والعطوروحتى مرطب الشفاه! ولا يسمح النظام الا بارتداء اللونين الأسود والأبيض وأحيانا (البيج)
ويمنع الصبغ والتجعيد!!

أرجو من الجميع ابدْْْْاء آرائهم في الموضوع.

...............
منقول

**SERENA** · 07-07-2002, 19:29

والله صادق في كل كلمة كتبتها وانا كمان بأعاني من نفس المشكلة في المدرسة تبعتنا frown

كل شوي يهددوا فينا كأننا مجرمين أو في إصلاحية ::غضب شديد
أنا صرت أكره المدرسة بسببهم angry

**المجهولة** · 08-07-2002, 03:17

اااااااااه يالمجنون انته حتقول ermm

يا اخي كرهوا الوحده في الروحه للمدرسه mad

دحين انا في المتوسط ما كانوا يمنعونا بالعكس واحس كاني في بيتي او بين اهلي asian

لكن تعال للثانوي كرهوني في عيشتي ::غضب شديد

طبعا لاني مني متعودة على هذا الشي لازم نلبس ابيض او اسود او كحلي

ممنوع منعا باتا تلبسي بكله فيها كلام او حروف الشراب اسود او ابيض
الجزمة ما تقل ارتفاعها عن اصباعين ولا تمشي حفيانه

اللي تجي ببكله سماوية تتشال وتتركي في الزباله قدامها mad

العبايه ياعيني عليها عبايه على الراس طيب ما قلنا شي
بس في شي في اليد زي الحبل يتحط على الاصباع اتقطع تعالي اخرجي خيطي الحبل عبايتك مخالفه

::غضب شديد ::غضب شديد ::غضب شديد ::غضب شديد

كرهو الواحد في عيشته حتى بقدم هديه لمعلمه تقوم ترجعها المديرة ليه تقلها ابد لاتقبلي هدايا رشوة واعجاب

ايش هوة ده يعني ما في في الدنيا دي كلها غير اعجاب وعشق وكلام فاضي بين المعلمات والطالبة

مافي حب اخوي حب طالبه لمعلمه بمنزلة والدتها ايش هوة ده اتمحى من الذاكرة ولا ايش mad

انا اتقبلت اعتذار المعلمه لمن رجعتلي الهدية قالتلي المعلمات ما يرحموا يعني الغلط مو من الطالبات المعلمات همه اللي يوسوسو لبعض

بس طبعا هذا مو في كل المدارس مدارس ومدارس

ايوة في وحده شعرها طويل صابغته من تحت احمر المديرة قالتلها ممنوع قصي شعرك او اصبغيه بني mad

حلوة دي ولا ( الطاقه = النافذه ) وقفت جنبها بس وقفت ما سويت شي

تعالي هنا الوكيله ممنوع توقفي جنب الطاقه في المدرسه والبيت <== ايش دخل البيت دحين :محتار2:

والله المدارس تحير بلد يا تلاقي مدرسه متفلته لابعد الحدود او متزمته ونظامية مرررة تعقد ::غضب شديد

الله يعيننا كلنا على مدارسنا اتعلمت في هذي المدرسه شي

هكونا متاتا و طنش تعش تنتعش وعش تعيسا تنتكس

طنشي التهزئ خلي ما عندك قلب لا ترحمي الادارة عشان تستمري في مدرسه زي كده ولا تزعل ابدا ابدا منهم بالطقاق عليهم mad

والله يعين معلماتي حبيباتي عليهم frown

تحياتي

**Vin Diesel** · 08-07-2002, 04:38

خخخخخ المجهوله اصلا مانحب المدرسه

كح .. انا ولد بس بقول رايي؟؟

صراحه اشوفه ظلم بانهم يحرمون البنت من هالاشياء ( احس ان البنات يموتون بدونها ) ...

من ناحية الملابس حرام يحبسونكم ويجبرونكم على لونين ولا ماختاروا الا لونين كئيييبه اسود وابيض؟؟

بس كثير من المدارس تسوي حركات اخس من كذا ... وعندنا في مدارس الاولاد ايش نقول وايش نخلي؟؟

**ليدي أوسكار** · 08-07-2002, 05:26

والله كلام المجهوله صح
عمى في كدا كدارس
مدارس مكه مره متشددين واذا وحده قصت شعرها تمسكها ابله الدين
هذا حرام تشبه بالأولاد وهذي القصه اسمها(الكلبه)

ومره مديره المتوسط مسكت صاحبتي وكتبتها تعهد حزروا عشان ايش؟؟؟

السبب frown

ذهبت إلى الحمام) mad

ايش دا حتى الحمام الله يكرمكم يدخلوا فيه mad

كلوا كوم والعبايه على الراس دي كرهوني الحجاب
اصلا من يوم مااركب السياره اشلحها:غضبان:
وفي بنات يلبسوا عبايتين وحده على الكتف وفوقها وحده على الراس
ويشلحوها في الشارع tongue

===========احلى شي مره ابله كيمياء عندنا مره متدينه تقول
حرام الحزام confused

عشان يفصل البطن:محتار:
ووووووووووووووو

اما مدارس جده البنات الطرحه على الكتف والشعر طالع
ومعاكسات وخرابيط
ورحلات وتماشي ولون مريولهم يفتح النفس موزينا (كحلي)
والمتوسط(بني) والإبتدائي(أخضر غامق)

والواحد لايتشدد مره ولا يفلت مره

بس لاتذكروني frown

مشكور على الموضوع wink

)

ЯŘ · 08-07-2002, 05:44

ايش اقول ماخليتولي شي
بس تصدقين ياليدي ماتوقعت انه عندكم يلبسوعبايه راس
ظنيت انكم ماتعرفوهااااا wink

احنا نعاني من نفس الشي
واحسن شي انهم يخلونا نلبس العبايه الراس لانه معاهم حق
لانه لمن يخلص الدوام الشارع يكون مزحوووم مرررة والسياااارات في كل مكان

وطبعا في وقت غير المدرسه نلبس الموديل الجديد tongue

وكل الي قلتوه صح حرام عليهم اصلا المراة تحب الزينه وهم يمنعونا منها
ولاذيك الابله الي تطلع الطالبه عشان المريول ضيق ويبهذولوها قدام العالم والناس ومايشوفون نفسهم البلااايز بتتقطع عليهم من كثر ضيقهااا
بس ايش نقول غير ان الجمل مايشوف سنامه rolleyes

الله يهديهم بس كل شي عندهم حرام confused

من غير دليل
حتى الحمام على قولتك يالمجنونه

ومشكووووره عالموضوع

محبه سينشي

**المجهولة** · 08-07-2002, 06:56

ايوة وبقلكم كمان ان هذي الاشياء في مدارس مكه

لسه جده ما جربتها cool

اول ما اجربها وانظمتها بخبركم على طول واكتب الفرق اللي حشوفه انشاء الله بس ماتكون اخص tongue

اقول اج اسكت انا ما احب المدرسه

يا حلات المدرسه ايام المتوسط امووووووت فيها احب المديرة لانهم ما كانو متشددين

لكن الثانويع يعععععععععععععععععععع عليهم الواحد يطبق النظام لكن مو بالطريقه هذي

ده حتى الكافر لو تبغه تدخله في الاسلام بالتدريج مو بسرعه تقله صلي صوم ادفع تلاقيه يقول ساعتها عساني ما اسلمت <=== كمثال لا اكثر rolleyes

والله شكلي بنفصل من المدرسه من الكلام اللي قلته بس انا بقول الحقيقة tongue

وعلى فكرة بالرغم من التشدد هذا والنظام والتفتيشات في الصباح تلاقي المدرسه من اخص المدارس

البنات يا مكثر الممنوعات اللي يجيبوها والعصيان ومرة صديقتي عرضت على البنات تشتكي للرئاسه على الانظمه وطرق تطبيقها رفضوا لانهم خايفين من اهلهم لا يهجوا عليهم ويقلولهم بلا دراسه بلا هم عساكم ما درستوا وانا وحده منهم

ايوة حتى الكريمات ايوة حتى الكريمات والعطورات والمرايات ممنوعه cry

طيب لا يخلونا نتزين بس يسمحلونا بالمشط والمراية والعطر على الاقل بس بنجيبه غصب عنهم بالدس tongue

والشده ابدا ما تنفع في هذا الجيل لاننا جيل نميل للعناد والتمرد وانا بقلكم الصراحه

عناد ما في اخص منه حتى اننا كم مرة اتعاقبنا عشان نخرج برة الفصل من وقفه تحت الشمس مع لبس العبايه وجمعونا في فصل ضييق كل 2 في كرسي الا اننا بدال ما نتعدل صرنا اخص من اول حتى البنات اللي ما ليهم كلمه كانوا بيشيلوا الجزم ويضربوا الادارة ربنا سلم بس frown

على العموم من الكلام هذا كله انا ضد الانظمه هذي كلها او اذا يبغوا يطبقوها لازم يكون في لين شويه في تطبيقها وفرضها علينا ويسمحولنا بالزينه واعطاء حريه اكبر في المدرسه mad

**ZA7EF** · 08-07-2002, 08:14

هاااااااااااي يمه انتي وياها ش ذا الكلام متأكدات انكم سعوديات
الحين صح اني زاحف وما ينأخذ بكلامي بسسسسس
متأكدات انكم سعوديات بنات عوايل ، الحين مو عاجبتكم العبايه عالراس وش تبون اجل تجون كاشفات ولا بعبايات تكشف اكثر مما تغطي
لا والذكيه الثانيه تقول لي يحرمون كل شي بدون دليل انا ما ادري في كل اللي قريته ما شفت اي غلط من المدراس ، بالنسبه للهدايا فاحسن انهم يمنعونها تماما عشان اللي ذكرتيه سامع انه منتشر جدا في مدارس البنات ومستحيل يسوون تحقيق لكل وحده عشان يعرفون نواياها من الهديه !!
بالنسبه للبس فافضل انه يكون موحد وتمنع اي طالبه انها تجيب شي غير عن الباقين ولا تعرفين البنات بيفتحون المدرسه عرض ازياء
تقول الاخت ان الكافره يعرضون عليها الاسلام بالتدريج ليه وانت كافره ولا ما تلبسين حجاب برا المدرسه
والله مدارس البنات ما سووا الا الحق الله يوفقهم

**المجهولة** · 08-07-2002, 08:21

انا ما قلت شي على الحجاب انا اتكلم على الانظمه الثانية وطريقه تطبيقها وانا ذكرت هذا كمثال لا اكثر ولا اقل المصيبه كتبت جنبه mad

الواحد يتكلم بالهداوة مو بالقوة احنا محنا نونو احنا ثانوي

المتوسط عاملونا على اننا كبار موزي في الثانوية

زاحف انته ما تعاني اللي نعانيه عشان كده ما تفهم علينا frown

**فداء** · 08-07-2002, 09:19

فعلاً فعلاً كلامك صح يالمجهوله

بس تصدقين ..خوفتيني انا رايحه ثانوي frown

الله يستر

في المتوسط ماكنت اعاني من كل هذي المشاكل مثلاً الشراب نحنا عادي نلبس ملون وكمان التوكات عادي الوان

بس شوفوا راح اعلمكم بطرقيتي
اذا امسكوني وانا مخلافه
تدرون اني cry

وينكسر خاطرهم علي ويتركوني tongue

**eternal-saudi** · 08-07-2002, 09:38

بصراحة .. أنا أشوف أحياناً إنه بعض البنات بعد الدراسة يخرجوا يستعرضوا .. وأنا أشوف يعني ما يحتاج تكذيب .. و هناك أيضاً أضرار بالمكياج .. ممكن تصير مشاكل cool

... يكفي الألوان .. biggrin

**ZA7EF** · 08-07-2002, 11:40

والله انا ما شفتكم تشتكون الا من الحجاب وليه ما يخلونكم تلبسون على كيفكم وبالنسبه للمرايات فافضل انه مافي ، لو انهم سمحوا بها كان الله اعلم كم بتسنترون عندها ، وبالنسبه للثاني اللي يقول مدارس العيال ؟؟؟؟!! لا وش فيها مدارس حتى هم بعد مانعينكم تلبسون شراب ملون ؟؟؟؟
على فكره انا اتكلم بالهداوه

**المجهولة** · 10-07-2002, 11:31

الرسالة الأصلية كتبت بواسطة ZA7EF :
والله انا ما شفتكم تشتكون الا من الحجاب وليه ما يخلونكم تلبسون على كيفكم وبالنسبه للمرايات فافضل انه مافي ، لو انهم سمحوا بها كان الله اعلم كم بتسنترون عندها ، وبالنسبه للثاني اللي يقول مدارس العيال ؟؟؟؟!! لا وش فيها مدارس حتى هم بعد مانعينكم تلبسون شراب ملون ؟؟؟؟
على فكره انا اتكلم بالهداوه

يا بابا يا زاحف انا لمن قلت اتكلموا بالهداوة موعليك

على الادارة اللي في مدرستي ما تتكلم بالهداوة عندهم كل شي زعيق وتهزئ لدرجه جانا تبلد في الاحساس mad

قد ما يهزؤا قد ما يعملوا كانهم بيتعاملو مع اصنام حتى الماده انقص فيها درجات كنت ابكي لكن الان ولا دمعه بالقوة ابغه انزلها ما تنزل حتى mad

كل هذا من معاملتهم السيئة اللي زي وجههم واللي احنا ما كنا متعودين عليها

لاننا في المتوسط بس المعلمه تقلنا زعلانه منكم كانه ايش صار مصيبه ونتاسف ونسوي حفله ونجيب الامتياز اما هنا في الثانوي عساهم يزعلوا يفرحوا ما همنا mad

**fantasy man** · 10-07-2002, 13:45

لكل مجتهد نصيب rolleyes

المواضيع: في مدارس البنات ....

أدوات الموضوع

في مدارس البنات ....

سلامي للجميع .....

بيانات عن الموضوع

الأعضاء الذين يشاهدون هذا الموضوع

المفضلات

المفضلات

قوانين المشاركة