شخصية الفتيات

**night_girl** · 20-09-2005, 11:35

السلام عليكم و رحمه الله و بركاته

طبعا كل بنت لها شخصيه عاشت فيها

طبعا بالنسبة لي انا كنت البنت الوحيده بين اخواني صح ان عندي اخوات لكنهم اكبر عني 20 سنه و هذا يعني انهم ما بيفهمون علي ولا بفهم عليهم
المهم انا من صغري وكل تصرفاتي صبيانيه و من وصلت صف ثالث الاعداديه عرفت انه ما ينفع الوحده تكون انطوائيه لازم تفرض شخصيتها و انا زودتها بزياده و قمت اطبق كل حركات الصبيان الدفشه علشان محد يغلط علي و الحين انا ثاني ثنوي و اكتشفت انه بتصرفاتي هذي اني انا ابعد اربيعاتي عني
والحين اتغيرت لكن ظلت عندي مشكله وهي ان صوتي مع كل هذي التصرفات و الصريخ استوى مغلظ شوي و انا احس بالأحراج واذا عند اي وحده فيكم علاج طعتيني اياه او نصيحه redface

**night_girl** · 20-09-2005, 11:40

و ارجو الرد بأسرع وقت

**missme** · 20-09-2005, 13:50

هــلا

انا ممكن اقدر اساعدج .. بس محتاجة وقت .. برد مرة ثانية ..

ونصيحة على السـريع ..

كلامج يدل على انج تقعدين مع اخوانج اكثر من البنات .. وهذا اللي مخليج تتصرفين نفسهم .. لأن وبصراحة انا وااااايد احب العب واتهاوش واسولف مع اخواني الصبيان .. عشان جذي انا في منتخب الكورة في مدرستنا .. والماركات اللي احبهم اديداس ونك .. وكل ملابسي رياضية .. مع بعض الأنوثة
ترى ممكن انج تحاولين تبتعدين عن كل شي يختص بالأولاد .. ممكن هذا يساعد ..

ولي عودة بالمزيد
تحياتي

**night_girl** · 20-09-2005, 18:19

مشكوره اختي

**night_girl** · 20-09-2005, 18:39

وانا حصلت على العلاج واذا كنتوا تريدون الوصفه اطلبوا و انا احطه لكم

**shinichi16** · 20-09-2005, 18:48

مرحبا..
انتي نفسي
عمرج وصفج انا أدبي وانتي؟؟؟
انا بعد واايد انطوائية
مأعرف شوالحل ,,يوم حد يرمسني شوي استحي
واايد ,,واايد استحي ..
اي حد يسبني اسكت عنه,,باااااااردة..
ماأعرف ارد بعد وأزعل .. .
أختي ,, نصيحتي لج:
انج تحاولين تقعدين ويا اخواتج أكثر,, واتحاولين تصرفين برقة شوي..
ولاتلعوزين البنات واااايد<<زيادة عن الحدود

أختج ^_^
محبة سينشي

**night_girl** · 20-09-2005, 18:55

مشكوره اختي على النصيحه

**shinichi16** · 20-09-2005, 19:06

العفو حبيبتي^_^

**kuina** · 20-09-2005, 21:32

^___^ .. أنا أواجة بعض المشاكل مثلكم .. -_______-" لاكني أنا ودي أصيير ولادية .. مابي أصيير مثل البنات ماحب مايعجبني ..
طبعي حاد مثل الاولاد وصوتي عالي شووي مرات ومرات عاديي .. عصبية بشكل فضيع .. @@" يعني مادري كيف ..
وإنطوائية بعد لاكن مب مررة .. لاكني افضل أقعد على هذا الطبع ... مادر عاجبني .. ^^

^^" وسوري خيتوو ماعندي لك اي نصيحة لاكن .. حاولي تدورين مواقع فيها أطباء نفسيين واطرحي عليهم مشكلتك وان شاء الله تلقين لها حل .. ^^

**الأميرة شوق** · 20-09-2005, 22:23

مرحبا حبيباتي
هذي المشكله تطرقت لها الدكيوره فوزيه في برنامج سيرة حب على الراي كل أسبوع الأربعاء الساعه تسعه ونص
المهام هذا البرنامج كل أسبوع تطرح موضوع
طيب
تقول ان البنتاذا جلست مع الأولاد كثير تصيرمثلهم صوت حركات حتى جسمها البنيه قصدي
تكون مثل الرجل في الضخامه
واذا الولد جلس مع البنات أو مثلا البيت كله ولد وحد وأربع بنات يصير الولد دلوع وبناتي
ف الدكتوره تنصح الأهل يبعدون الولد عن البنات
والبنت لازم تتقربين أكثر من أمك وحاولي قدر المستطاع ماتجلسين مع أخوانك الشباب
جلسي مع بنات عمك خالك بس أبتعدي الحين قبل بكره

أدري أني ماكتبت غير الي كتبوا أخواتي البنات بس حبيت أوضح
ان هذا الكلام مش من عندي مسموع من دكتوره

وسلامات

**كارن** · 21-09-2005, 10:52

انت لوحابه تتغيرين وعندج هالاهتمام بأذن اللللللللله بتتغيرين
وبتصرين grilيعني اسلوبج بنوتي لأن كل حد يتغير محد يظل مثل ماهو عليه المهم ابدأي بالاهتمام باللوك الخارجي وغير الللوك مالج اذاكنت بجد بتتغيرين وبعدين بيظهر عليج التغير بس مب تغير خارجي وانما داخلي بعد وهذا نصيحة اتمنى انها تفيدج

**night_girl** · 21-09-2005, 18:29

مشكورات عزيزاتي

**missme** · 21-09-2005, 18:48

هـــلا Again
انا اللي فهمته انج تبيين خلـطة عشان تنعــم صوتــج .. !! صـح ؟؟

واللــه ليش ماتجربين تاكلـين عـسل كل يوم . . . العسل ينعم الصوت ويخليه هادي .. وبيريحج ..

وحاولي ماتصارخين وااااااايد .. حاولي تريحين الحبال الصوتـية ..

ولازم تستمرين فترة .. عشان يرجع صوتج نفس ماكان ..

واللـــه بـصراحة هذا اللي عنــدي ..

وان لقيت شـي ينفع .. ماببخل علـيج ..

تحـــــياتي .:.
M!ssMe

**night_girl** · 22-09-2005, 08:44

مشكوره اختي missme و بعمل على نصائحكم

**X*TERRIBLE*X** · 22-09-2005, 12:22

ههههههههاا
مو عيب الوحدة تكون صبيانية شوية مو كثير
لأن الزايد أخو الناقص
وعلى حسب شخصيتك يعني اذا كانت شخصيتك عاجبتك مو لازم تقلدي البنات الدلوعات يعني كل واحد وشخصيته
وانا عن نفسي وسط
يعني صبيانية العب وامزح وفي المدرسة ليا شلة قد شلة طالبان خخخخ
بس برضو البنت ماتقدر تستغني عن انوثتها حتى في تقليدها للاولاد تلاقي انوثة.... سبحان الله !!

وبالنسبة لصوتك هذا شي طبيعي
يعني انا كنت مثلك حتى اللي يتصل علي يحسبني ولد بس ولد مدلع شوي خخخخخخ
بس صدقيني حيتغير وانت حاولي انك ماترفعي صوتك وتتكلمي برقة
وبالنسبة للإنطوائية
اعتقد انه شي في شخصيتك اكتسبتيه يامن صغرك في البيت يعني ماكنت تجتمعي مع الناس كثير
او انه شي خلاص في دمك يعني من مكونات شخصيتك <<< بدأت الفيلسوفة هههههه

هذا رأيي
ومع تحياتي