مــابــيــن ~ "أم ركـــب ســوداء" و" آبـو ســروال و فـنـيــلة " }

[chita-cat]

**
السلآم عليكم ورحمه الله وبركآآته




بدآية احب اوجه احترآمي للجميع لو خآلفوني الرآي ..
واختلاف وجهآت النظر لايفسد للود قضية
لفت نظري مؤخرآ انتشآر برودكآست bc عن موضوع ( السعودية ام ركبة ) وصآرت النكت اووفر*
لدرجة 
باليوم 13 bc عن هالموضوع وطآحو فيهآ طيحة .. وبصرآحة هالشي مو جديد على مجتمعنا السعودي!!


محشش بالطيارة ورااكبه جنبه وحده لابسه تنورة قصيره فوق الركبه،ويبغى يتميلح ويتعرف عليها ،،،قام سألها:مرحبا- انتي سعوديه؟ ابتسمت وقالت:صح عليك ،لكن وش دراك؟قال:ركبك سود*
بالله وش يضحك بهالنكتة؟*
وجبتلكم بعض الاشياء اللي من جد تحززن
ولاحظو ان اللي كآتبين هالاشيآء او حاطينها اساسا هم سعوديين انفسهم !!*
يعني بالله ركبة حليمة تسوى وجه سعودية؟؟
هذآ كلآم ينقآل عن مذيعة الاسفنج و تعمم على بنات السعودية كلهم ؟؟
بعض الناس مصيبتهم ما يعرفون قيمة الكلام اللي ينطقونة
يعني مدري وش اقول .. "السعوديات اقل جمالا من جميع دول العالم واجسامهم من الوزن الثقيل" ؟؟
على اي اساس جبت هالكلام ؟
مشكلتنا احنا العرب عامة وخاصة بالسعودية كل واحد يفتي من راسه*
مافي منطق ولا دليل ولا اثبات او دراسة مثلا او اي شي يخليني ممكن اصدق كلامه!
وتطورت الركبة السعودية وفتحتلها اكاونت بالفيس بوك!
ولايفوتكم وش كاتب لها الاخ بعد
بعني بذمتكم يا عالم*


هل تردى الحآل بالمرأة او البنت السعودية انها صارت "تقآس" بلون ركبتها !!؟
هل هذا بنظركم المعيآر اللي يخليها افضل او اسوأ من غيرها ؟
يعني انا استغرب من هالهجوم القوي وخآصة على بنات السعودية مدري ليه يعني ...


والمشكلة انه 90% غلط !!*
ويكون اللي كآتبه او منزلة او مخترعه اسآسا واحد ثوبه ما غسله له شهرين و شعره مغبرر وماعنده الا 3 ريال في جيبه!
انا بالمناسبات وبالاماكن العامة اشوف السعوديات بكل امانة وصراحة عاديات ! ماراح اقول كلهم صارووخ جمال ولا كلهم ركبة سودا !!
في بنات والله انهم قرطآس من البياض .. مو كلهم .. وبعدين هالسعودية اللي انت وياه تتكلم عليهاآ
ما سآلت نفسك .. هي وش نظرتها لك انت يا السعودي ياللي كاتب هالكلام ؟؟*
شوفو بعض البنات للاسف ردو على هالموضوع بالـbc اللي انتشر مؤخرا :


الشاب السعودي .. مغزلجي*


و شفايفه سودا


--*
الشاب السعودي .. نفسيته خايسه*
و شفايفه سودا*
--*
الشاب السعودي .. عقله صغير*
و شفايفه سودا*
--*
الشاب السعودي .. مايملى عيونه إلا تراب*
و شفايفه سودا*
--*
الشاب السعودي .. خروف*
و شفايفه سودا*
--*
الشاب السعودي .. سلتوح*
و شفايفه سودا*
--*
الشاب السعودي .. يخق على الشغاله " كفوه "*
و شفايفه سودا



يعني بالله وش استفدتو كل واحد يسب بالثآني ؟؟*
هل هذي اخلاقكم .. انا ما اقول ما تضحكون ما تقولون بس انتووو فاهمين الموضوع غلط يا جماعة
في نآس ترسل هالموضوع كـ مزحة او نكته وتقول عادي خلينا نضحك .. بس بعضهم يكون راسلها و مصدقق انها واقع وينسى انها انعكاس عن مجتمعه!
ترآ يا عالم في هجوم على البنت السعودية بكل مكان .. ومن ناس سعوديين -صحافيين وغيره ..
يشوهون صورة البنت السعودية انها كذا وكذا وكذا ..مرآآ يتكلمون عن العبايات ومرة انها تخاف من اهلها و لا النكت اللي تجي سعودية راحت تقابل خويها وسعودية ركبتها مدري ايش
اكتبو سعودية باليوتيوب وشوفوا
لاحظوا ان الموضوع لتشويه صورتها بدآ يوصل للاعلام العربي مو بس الخليجي او السعودي !!*
ما يجيبون الا الاشياء الـ (سلبية) ! والمشكلة اللي يكتب او يقول او يعرض هالاشياء هو سعودي
او قنوات اصحابها سعوديين!
وبعضهم يجيبه من واقع وهم نسبة 5% والاغلب كله صواريخ وتاليف !
ويقولون لك تحسين صورة المراة السعودية بالخارج و غيره .. شوفو الاجانب وش كاتبين عنها هذا وهم اجانب!
شفتو فضيحة جنسية ؟؟ شفتوو حالة فقر ؟؟ شفتوو سب فيها ؟؟
اكيد لآآ*
لان البلآ مو تحسين صورتها بالخارج المفروض نشتغل على تحسين صورتها ببلدها باالاول !
كل مكان الاعلام - الانترنت - حاليا البي بي كلها نكت و كاريكتيرات و سخافات سب فيهآآ وتشكيك في قدراتها وتفكيرها ..


ليش النظرة السلبية لهآ ؟؟*
يآخي ما قلنالكم ادعموها ولا تساعدونها الحمدالله ما نحتاج احد .. بس ارتقوا بتفكيركم عنها شوي
هذي السعودية هي امك وهي اختك وهي بنتك !
وانتي وياها ياللي تنشرون هالكلام برودكاست و مدري وشو يعني اني (انا ركبتي مو سودا ومالي دخل فيهم )
كيف ترضين يقولون هالكلام عنك او عن اي واحدة سعودية؟؟
ويا عالم ترا في اختراع اسمه ليزر حتى اللي عندها مشكلة الركبة بتسوي تبييض وتفتك*
يعني من جد ماتو الناس اللي يعانون من هالمشكلة اصلا الحين عمليات التجميل والتصليح والسمكرة بكل مكان ! احس لما اقرا هالكلام عن البنت السعودية كانني راجعه بالزمن 30 سنة ورا!
انا اللي ينرفزني "مستوى التفكير" اللي وصلنا له مع احترامي للكل!
اخر شي تركنا العالم وقعدنا على "شفايفه سودآ " لا "ركبتك سودا" و "تلبس شلحة" وانا "البس سروال وفانيله" !
اتمنى يكون في رقي شوي في نظرتنا لمجتمعنا ولنفسنا علشان الناس تحسن نظرتها عننا
ترآ في ناس يبون وقاصدين يشوهون صورة البنت السعودية لغرض في نفس يعقوب!
ويطول كلامي بهالموضوع لان بعض العقول للاسف متحجرة وماراح تتطور..
مدري وش اقول بس .. اترك لكم حرية الرآي
واختلاف الراي لايفسد للود قضية..


,‘





وخلصنآ من أم ركب جينآ لـ إبو سروآل وفنيلهَ ..!
إبو سروآل وفنيله بالمطعمَ ..!
إبو سروآل وفنيله ف البنك ..!
إبو سروآل وفنيله على البحر وصآر رومنسيَ ..!


إنآ م إدريَ وين المضحكَ بهآذي الاشيآء اعتبرهآ كلهآ تفاههَ*
وأغلب الـ bc آلآن عن ابو سروآل وفنيلهَ !!!
وزيَ ماقالوا أعطونا فرصصه لدول الخليجَ البآقيه انهآ تستهزآء بنآ*
ونصير مضضحكه عندهمَ ، شكرآ مجتمعنآ وآصلوآ بتفآهآتكمَ*
آتمنى يرتقى مجتمعنآ من هآذي الاشيآء ومآنسآهمَ بنشرهآ
وف النهآية يآزين إبو سروآل وفنيلهَ بجميعَ حآلآتهَ*


="$
آرآئئكمِ فيْ كلامَ مجتمعناُ ؟ 

[Arabian_Knight]

السلام عليكم و رحمة الله و بركاته

أولا اشكرك على الموضوع المفيد جدا لأنه ظاهرة منتشررة جدا جدا

أنا أظن أنه السبب من كل هذا هو "الطفش" و لو الشباب يركزوا بدراستهم كان أفضل لهم و للكل بدل هذه السخافات التي لا تغني و لا تسمن من جوع

نأتي لمصطلح "أم ركب سوداء" . أنا برأيي أنه لا مشكلة لو كان للبنت ركب سوداء ! هل تكون منبوذة ؟؟ لماذا هذه العنصرية ! تركتوا الأخلاق و الأصالة و ذهبتم للركب
أهنيكم على التطور الملحوظ

و نأتي لمصطلح "أبو سروال و فانيلة " . هذا احتمال يكون رد من البنات للأولاد لكن أيضا لا يعالج الخطأ بالخطأ فلا بد أن نرتقي بتفكيرنا قليلا

بالنهاية فالسبب الرئيسي هو ال black berry
بدأنا بنكت المحشش و "خف علينا" و أنتهينا الى ما نحن عليه الآن

لكن اذا أتيتم عندنا بعمان .. الشاب يطلق عليه "أبو وزار و فانيلة" و لما يسمعها اي شخص لا يلقي لها بالا
أما البنت فلا يطلق عليها ألقاب ... الظاهر ما حصلوا لها لقب للآن

بالنهاية فأنصح الشباب يحصلوا شيء يستفيدوا منه و بنفس الوقت يفيدوا المجتمع منه بدلا من هذه السخافات

تقبلي تحياتي ^^

[شوق يملأ قلبي]

السلام عليكم ورحمة الله وبركاته


موضوعك جميل أختي الغالية ،، والأجمل هو دفاعك عن المرأة والفتاة السعودية وأن الكثيرين ممن لا يخافون الله يتناولونها بالسخرية

والإستهزاء ..أنا معك من تردي التفكيرلمعظم هؤلاء الشباب وأصبحوا كالعمي لايفكرون بأن هذه الفتاة تكون في مقام أخواته أوأمه

أوخالته ....و.....وألخ

محشش بالطيارة ورااكبه جنبه وحده لابسه تنورة قصيره فوق الركبه،ويبغى يتميلح ويتعرف عليها ،،،قام سألها:مرحبا- انتي سعوديه؟

ابتسمت وقالت:صح عليك ،لكن وش دراك؟قال:ركبك سود*

كلامك جدا منطقي ورائع وكما قلت (واختلاف وجهآت النظر لايفسد للود قضية)

ولكن غاليتي ألم تفكري من تدني سمعة البنت السعودية التي أصبحت في الحضين وهل قبل زماننا هذا كانت مشهورة بعفتها وتلقب بأنها الدرة المصونة

أنت بنفسك قلتي (لابسة تنورة فوق الركبة )

والسؤال الذي يطرح نفسه هو أن الفتاة المحتشمة المحافظة على الحجاب الشرعي الذي أمربها الله سبحانه وتعالى وساترة جميع أجزاء بدنها بما يسمى العباءة

هل ستلاقي هذا الإستهزاء والإستهتار بها ...؟؟؟

أين هذه من قول الله سبحانه وتعالى (( ياأيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن

فلا يؤذين وكان الله غفورا رحيما(( 59 ))

تأملي غاليتي في قولة تعالى (فلا يؤذين )

لا يخرجن مكشوفات ولكن ليدنين عليهن من جلابيبهن ; لئلا يعرض لهن فاسق من أذى وقول .

فالمــرأة عزيزتي أكرمها الإسلام أيما إكرام ووردت في القرآن الكريم سورة كاملة باسمها ..وتأتي هي وبكل بساطة تزيل عن نفسها هذاالإحترام

لأنه يجب على الحرة الأبيةان تكون محترمة بملابسها وطريقة لبسها عندخروجها حتى لا يعترض لها من يعترض من الذين في نفوسهم مرض

فنحن مجتمع شرقي ياأختي الغالية و اظهار تفاصيل الجسم من خلال الملابس الضيقة ليس له داع او مبرر سوى الرغبة فى اظهار المفاتن و رؤية الأعجاب

فى عيون الأخرين وهذا لا يليق بأخلاق و تعاليم ديننا او أى دين كي لا تفقد احترامها واحترام الناس أي المجتمع ..

الا يوجد تناقد هنا براي ان المراة هي التي تختار كيف تعيش حياتها وليس المجتمع من يحدد طريقة عيشها ولا المجتمع يجعلها محترمة

او غير ذلك فالمراة بعملها وتصرفها تفرض احترامها او العكس ...

وأشكرك غاليتي على الموضوع الرائع والجميل وأرجع وأقول أنا إنسانة مسلمة ومعتزة بشخصيتي الإسلامية

ولا يستطيع كائنا ما كان أن يتناولني بلسانه إذا كنت مراعية رضى الله سبحانه وتعالى

(أتخشون الناس والله أحق أن تخشوه) حتى لو أهانني وأنا بكامل حجابي الشرعي لاألفت الأنظارإلي ولايرى مني شيء

بالعكس أتخلص من بعض ذنوبي

[.Rei]

للأسف نسبة ليست بقليله من الشباب السعودي ذوي تفكير سطحي و ضحل !!
و هؤلاء هم من بدأو سالفة ابو سروال و فنيله و ام ركب سوداء !!

[Silent Lord]

وعليكم السلام ورحمة الله وبركاته ,,

يازين السروال والفنيله بس ,,

سبب ذلك عموماً هو الفراغ والملل لا غير ,, وحلُ هذا الأمر هو الإتيان بمضاده من مصدره
أقصد أن مثل هذه الأمور تنتشر في البلاك بيري غالباً .. إذاً حلها الأمثل بنظري هو إرسال مثل هذه الدعوات التوجيهيه عن طريق البلاك بيري كذلك
أيضاً لاننسى اليوتيوب والفيس وغيرها , لكن التأثير من ناحية البلاك سيكونُ أقوى بلا شك

وإن شاء الله تكون فتره وتعدي والله يهدي الجميع ^_- !

[Libra Genbu]

لي عوده

[zd.]

وعليكم السلام
اسمع عن ابو سروآل وفنيله وام ركبه لا ادري وش معناها

شكرا لموضوعيك
اقول الله يهدي الجميع
امين امين

[عزف الموتى]

هم طفشانين وجو يبتكرون
ويخرفون من راسهم ماهتم بكلامهم
ومشكوره على الموضوع

[shgrdy]

صراحه صدمتيني بالموضوع
.. معقولة فكرتي فيه من هاذ الناحيه ترى النكته تنقال عن بنات الخليج وبو سروال عن شباب الخليج ..

غريبه خذيتي الفكره عن البنت السعوديه اوكي هاذي نكته مو توصل انها تخلي البنت العربيه في الحضيض وانا الي قبل ينقال عنها العفه وكل خير ترى هاذا الكلام موجود وانا اتحدى إن 99.9% الي يقرون (((نكت )) ترى ما يصدقونها ويعرفون انها مزحه .. بس انتي خذيتي الموضوع بجديه وكبرتيه اكبر من حجمه ... يكفي اذا ارسلو البرودكسات يكتبون ((نكته )) او ((محشش )) او ((سكران )) .. يعني هذولي في احد يصدقهم .. !!!

كل موضوع جديد بالبلاك بيري .. ام ركبه .. ابو سروال .. عزيزي .. محشش .. دايما القى ناس يقولون تفاهه وما يضحكون وحالتهم حاله وزعلان !!!
ليش يعني انت شاري البلاك بيري تبي تستانس وتدري انها نكت وناس زهقانه تبي تستانس .. مراح تلقى دكتور ولا استاذ بجماعه يناقشك بالبلاك بيري ويسولف معاك ...

اغلبية مستخدميه فئة الشباب 15 وانت طالع الي 25 تقريباً تقبل تلقى المتخلف والذكي والعاقل و و و و ... انا رائي خل يقولون الي يبون بس ما يسبون .. ولا يتطاولون على الدين بالبلاك بيري..
يعني قالو ام ركبةسوده .. شنو غير بالبنت الخليجه ولا العربية ..؟! نزل مستواها .. خلاها غير عفيفه .. .؟! لاطبعا مستحيل ... !!

وانا اعترف ببنات السعوديه وليس السعوديه خاصه بل الوطن العربي بالعفه وتقواهم من الله قد نرى فئات منهم كأيام الجاهلية لكن عسى الله يهديهم ..

هاذي وجهة نظري وارجو تقبلها ..

[ledy93]

حتى سالفة "أبو سروال وفنيلة" وصلت
لقناة العربية!!!!!

[Libra Genbu]

لي عوده

تأخرت على الرد السموحه بالنسبه للموضوع فهي ظاهره متفشيه

واتفق مع الفار محمد في كل كلمه قالها .

[falcony]

تقاس بلون ركبتها


هههههههههههههههههههههههههههه


أعجبتني هذه الجمله


,,,,,,,,,,,,,,,,,,,,,,,,,,,,,,,


أختي هدي اعصابك

و الموضوع زي ما قالت الأخت فوق هو كان عن البنات بنات الخليج بشكل

عام

,,,,,,,,

و لا يهمك بالنسبه للبنات السعوديات

ياما و ياما تغنوا في جمالهم و انطربوا به

و كدراسه اجريت في جامعه بريطانيه

أن البنت السعوديه

تأتي كثالث اجمل أنثى في العالم بعد المرأه المجريه و البولنديه

لذالك يا جبل لا يهزك ريح

لا يهزك ريح

و كمعلومه لتستفيدي منها

الجمال ينبع من الثقه و الثقه تنبع من الجمال

فلا تهتمي و كوني بالثقه تمشين واثقة الخطى

تحياتي ,,,,,,,,,,,,,,,

[UNIX]

أبو سروال و فنيلة موجودة و عرفناها

أم ركبة سودا موجودة و عرفناها

أما أبو شفايف سودا هذه من فين جات ؟ ما نعرفها و لا هي موجودة (إلا عند المدخنين)

والموضوع كله فلة × تنكيت × فضاوة يعني لا تدخلوا بجدية فيه

قال ابن المقفع: من جد وقت الهزل .. فليذهب الى الجحيم << كيس

وشكرًا