استبيان .. ما اسباب التدخين لدى المراهقين

**# Ken #** · 21-09-2005, 00:59

العفو نوار ^^

و بالتوفيق يا رب .

**الـمـجـروح** · 21-09-2005, 01:14

الرسالة الأصلية كتبت بواسطة # Ken #

3- محاولة التغلب على بعض الضغوط النفسية

دائما يكون التدخين من الاسباب التي تقتل الشعور بالضيق ...خاصه بالعمل المتواصل لمن لديهم وظائف متعبه وشاقه ...
او لمن لديهم مشاكل اسريه ..او ماديه ......
فتجد التدخين هو الحل الاسرع والاسهل لتخلص من الكبت والضيق النفسي الذي يعانونه ... حتى ولو كان مهديء مؤقت ( على حساب صحة الانسان )

فعلى الانسان ان يحل مشاكله بنفسه ... قبل ان يصل الى مرحلة الوقوع في دوامات مشاكل الحياه ... و يجعل من الدخان اداة تمتص غضبه باستمرار حتى تصل به الى الهلاك ....

و انا من المدخنين و ينطبق علي كلام الاخ الفاضل
حاولت اتركه ما قدرت لاني محتاج له في اوقات معينه

**FLASH MIX** · 21-09-2005, 11:57

البدايه راس معسل .. وبعدين بكت ( مشوار تروح للثمامه عشان تضرب راس ) وبعد بكت الدخان
حشيش + شراب rolleyes

لعيون الجو والفله .. والنهايه ( سجن وسواد وجه ونقطه سوداء بالحياة )

بداية التدخين مع اخوياك وفله تقول ( خني أجرب موب من قل الرجوله بس ابي اجرب rolleyes

)

وبعدها خلاص إذا مر هاك اليوم ولا قبعت زقاره ضاقت بك الوسيعه tongue

تستمر تدخن وأنت بقانعتك مع نفسك تقول ( متى ما بغيت ابطل ابطل عادي )

لكن فجأه تشوف الدخان هو ملجأك الوحيد اذا انضغطت نفسيآ وإذا زاد الضغط وبلاك ربي بإصدقاء سوء صرت تفكر بمشروب روحي , أو تحشش disappointed

كله عشان تتخلص من الزهق والضغط النفسي

منيب مسوي عليكم ملائكي وأني كامل .. لكن ماباب إذا بليتو فستترو ماودي اطب بالتفاصيل

لكن بقولكم ..

شخص له شلة اصدقاء من الصغر وهو معهم ولا تفرقو طاحو سوا بالمعسل الله يكفينا الشر
هذا الشخص له خطوطه الحمراء من المسحيل يتجاوزها

فجأه وبعد ما رجع من سفره يشوف اصدقاه طاحو بالخمر والحشيش والبلاوي المتنحه eek

قرر بيوم وليله وهو معهم انه يربط مصيره بالبلاوي

وقال ( أسمعو .. من إيام دوري المدرسه الأبتدائيه اللي كنا فيه وأيام المتوسط والثانوي والفله وكل الأكشن و و و و الخ .. وأنتم موب اصدقاء انتم اكثر من أخوان لي .. لكن لكل شي حدود ونظامكم تغير ولا يعجبني الحين عشان كذا بحطكم عند أمر واقع لا محاله وأنتم مخيرين موب مسيرين ... أنا بكفه .. والبلاوي اللي تسوونها بكفه ....
وكلكم فاهميني زيييين وش اقصد ولا ابغى الحين كلام انا ابغى اشوف بعيوني ... هذا اللي بقلبي وطلع لكم ولولا المعزه ماقلت ذا الكلام rolleyes

)

أخوياه صبرو اسبوع اسبوعين عن هذي البلاوي بس ماقدرو يكملون من دونها

ومن وراه كانت ذيك السهره اللي ما تخلو من البلاوي ...

دخل صاحبنا وشاف الوضع كذا وقعد شوي معهم ومع ظحكهم الغريب ermm

وطلع من المجلس اللي هم فيه ولاعاد رجع له ..

وبذلك قطع علاقته مع أخوياه ,, بتصرفيهم يوميآ وعدم الرد على اتصالاتهم الين فهموها من انفسهم
وصارت علاقته الحميمه معهم مجرد ( سلام .. وعليكم السلام )

-----------------

بهذا الوقت خصوصآ يمين بالله اشوف أشياء توجع القلب dead