وحشتيني يا أحلى حاجة في سنيني
يا قلبي روحي عقلي يا نور عيني
يا سارية في دمي وملامحك في تكويني
يا كل حبايبي يا أغلى حبايبي
بطيبة وحب ملكتيني
وحشتيني
قلبي مشتاقلك يا حبيبتي قد إيه
قد السما بُعد النجوم يا غاليه عليه
تعالالي ياله في حضني قلبي واسمعيه
بيقول بحبك مشتاق لحضنك
ونظرة منك تكفيني
وحشتيني
وحشتي حتى دولابك إنتي وسريرك
مشتاق للمسة منك بابنا من ايدك
وكرسي تسريحتك بيندهللك وبيقوللك
وحشتيني وحشتيني
يا روح حلوة مليون غنوه
هغنيها لما تجيني
وحشتيني
وحشتيني


بقلم الشاعر
محمد البهلوان
يحظر النقل او النسخ دون الاشارة للشاعر صاحب الكلمات
والمصدر