ارحلوااااااااااا
عندي سؤال
ليه بتسقيني المرار
ليه تشوه في صورتي وثورتي
وتسرق الحلم مني وتسرق دنيتي
وتتهمني بالضلال
واني خرجت من ملتي
انا قصتي
قمت بثورة ضد الطغاه
ضد كل ظالم سرق مني الحياه
اللي رباني علي القهر والضرب بعصاه
ولما كنت أصرخ يمنعني اقول آه
عايز تاخد ثورتي تنسبها ليك
بأي حق هوه انتا كنت معايا شريك
ولا نزلت في يناير وضربوك بالرصاص
مين اللي اتصاب ومين اللي كان قناص
ولا هيه فرصه عايز تخدها وخلاص
مصر عمرها ما كانت تكيه
مصر هتفضل علي كل ظالم عصيه
مصر ملك ولادها اللي ماتوا
وانتا كنت عايش في الوسيه
جنب سيدك وعصابة الحراميه
مصر مش منه ليك ادهالك هديه
مصر اللي ارتوت من دم الشهيد
فجرها بكره لازم يطلع بشكل جديد
ارضها لسه بتنادي علينا وتقول هل من مزيد
يخضب ترابها بدمهم وفي جنة الخلد وليد
نيلها شريان من دم مينا
من عيون احمد حراره
ومن دم الشهيد
ارحل بقولها قبل ما يجي الطوفان
ارحل قبل ما تندم وتسكن معاهم في الليمان
ارحل قبل ما يفوت الآوان
25 ينابر جاي ومش بعيد
ايام قليله وتنتهي م الوجود يا بليد
طول ما كل مصري ايده مشبوكه في ايد
وانتوا ايدكم ممدوده لكلابش الحديد
احذروا شعب طول عمره عايش في اضطهاد
شردوه سنين طوال في عرض البلاد
سرقوا منه كل احلامه قبل الميعاد
شعب مات من قبل الميلاد
النهارده الكل خارج من بعد الرقاد
يشعل النار لثورة كانت تحت الرماد
ارحلوا كرام قبل ما يفوت الميعاد
samir




اضافة رد مع اقتباس




المفضلات