ابكي عليكي يا مصر
ولا ابكي ع السنين
منين اجيب الدمع
وعيوني دبلانين
جوايا فدان حزن
والفرح يجي منين
قتل وضرب وحرق
سحل بنات وبنين
جيشنا بيحمي مصر
ولا بيحمي مين
كلاب هناك في السجن
بفلوسنا شاغلين
بيحرقوا في البلد
بيأجروا فاسدين
يخربوا في مصر
في حضارة من ملايين
مرت عليها سنين
متصانه في نن العين
وخارج علينا الجيش
يقولنا عارفين
ان شباب الثوره
ولاد كتير حلوين
يقولوا باقي فلول
طيب وليه ساكتين
هناك طرف ثالث
عايزنا نعيش خايفين
ابوس ايدين امك
يا طنطاوي قلنا مين
تعبت خلاص م الفكر
راسي بقت راسين
جالي كمان الضغط
والموت علي شبرين
لو كنت انا اتجننت
طيب فين العاقلين
samir




اضافة رد مع اقتباس


المفضلات