مشاهدة النتائج 1 الى 7 من 7
  1. #1

    عايز إجابه للسؤال

    ايه اللي جرا ؟

    سؤال ومحتاج لجواب

    تعبنا يا مصر م الثرثره

    من كلام لا نجني منه غير دمار

    وخراب وباقيه المهزله

    جيشك يا مصر بيقتل اخوه

    والدم ع الأسفلت بيبكي عنتره

    وعنتره نايم في قصره

    بيشرب عصير من دم سال

    من شاب كان عايز إجابه للسؤال

    والرد كان ع الكلام مجزرة

    مين السبب

    تعبنا خلاص من كلمة فلول

    وإن هناك مؤامرة

    من بعد النهارده مفيش إعتذار

    ولا كلمة حلوه تطفي نار

    لأن اللي صار

    مش شيء جديد

    لا ده مكرر كل يوم

    ووراه قرار

    من مجلس بيحكمنا اغتصاب

    عايز يسكت كل صوت

    عايز يقطع ف الرقاب

    عايز يوارينا التراب

    نصبر نقول

    يمكن تكون لينا اختبار

    وبكره جاي ومعاه اجابة للسؤال

    بس بندفع كل يوم

    دم جديد

    والف شهيد

    ولسه باقيه المهزله

    وعنتره نايم في برج عاجي

    لا يهمه شعبه

    ولا تهمه بلادي

    نصرخ ننادي

    والآه بتدوي في كل وادي

    من قلب جرحه ما اندمل

    ولا يوم يداويه الزمان

    من شاب شاب

    قبل الآوان

    من 25 يناير

    وهوه في الطل نايم

    في نفس المكان

    وكل خطوه تئن ويئن الطريق

    ضرب ونار وكرات حريق

    يصرخ الأسفلت تحت خطوته

    وينادي ع التحرير

    نرجع كلنا

    نصرخ ننادي عايزين حقنا

    لازم نقوم من جديد

    بثورة تالته

    والتالته اكيد

    فيها نهاية ظلمنا

    من عنتره

    وكلابه اللي منتوره

    زكمت انوفنا من فسادها

    من كلامها

    من كل أشباه عنتره

    samir


  2. ...

  3. #2
    من تقصد بعنتره ؟؟
    على كلّ الأحوال القصيدة رائعة
    أنا أفقه بمعظم اللهجات العربيّة
    ومنها المصريّة
    ولكنّي أنصحك بالعربيّة لكي يفهم الآخرون المغزى من هكذا قصائد رائعة
    هذا لا يعني أنّي ضدّ العاميّة
    ولكنّي أحبّ الخلط بين النوعين مرّة هكذا وأخرى هكذا smile
    فالتجديد رائع smile
    You are always there you are everywhere but right now,I wish U where here

    أنا سورية دمّ و إحساس ...

  4. #3
    إقتباس الرسالة الأصلية كتبت بواسطة ماء المطر مشاهدة المشاركة
    من تقصد بعنتره ؟؟
    على كلّ الأحوال القصيدة رائعة
    أنا أفقه بمعظم اللهجات العربيّة
    ومنها المصريّة
    ولكنّي أنصحك بالعربيّة لكي يفهم الآخرون المغزى من هكذا قصائد رائعة
    هذا لا يعني أنّي ضدّ العاميّة
    ولكنّي أحبّ الخلط بين النوعين مرّة هكذا وأخرى هكذا smile
    فالتجديد رائع smile
    كل الشكر علي مرورك اختي ماء المطر
    عنتره هنا هو الحاكم الذي يستبد بالحكم ويهين شعبه
    وانا اقصد المشير طنطاوي وكل حاكم عربي ظالم
    انا يا اختي الفاضله اكتب بالعامية المصرية
    ولي كتابات كثيرة بالعربية الفصحي
    ولكن اشكرك علي استفسارك ولكن عادة تكون العامية افضل في الموضوعات السياسية
    والتي تمس مجتمعنا العربية
    شكرا لمشاعرك النبيله تجاه بلدك مصر سواء كنتي مصرية او عربية حرة وابيه
    تحياتي وتمنياتي لكي بكل الخير
    دمتي بخير وسعاده وخالص شكري وتقديري

  5. #4
    ^
    نريد بعضًا من كتاباتك الفصيحة ها هنا
    اعرضها علينا اعتبره طلبًا ~
    smile
    ماء المطر ..

  6. #5
    إقتباس الرسالة الأصلية كتبت بواسطة ماء المطر مشاهدة المشاركة
    ^
    نريد بعضًا من كتاباتك الفصيحة ها هنا
    اعرضها علينا اعتبره طلبًا ~
    smile
    ماء المطر ..
    شكرا علي اهتمامك ماء المطر

    واكيد يسعدني ان افعل ويكون اول تقييم منكي انتي ان شاء الله

    تقبلي خالص تقديري واحترامي

  7. #6

  8. #7
    إقتباس الرسالة الأصلية كتبت بواسطة Bayonetta مشاهدة المشاركة
    يسلمووووووووووووووووو

    يسلم مرورك وتواجدك اختي الكريمه

    تحياتي وتقديري

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter