فض اعتصام
وضرب نار
جيش التتار
رايح يحرر أرضنا
من كل طالب
وله مطالب
وربي غالب
بيده وحده يعزنا
أصل التتار
بيخدوا تار
حسني وكلابه مننا
مجلس لصوص
عمال يدوس
فاهم وماصص دمنا
عايز يعيد
زمن العبيد
وكمان مكمم فمنا
مين اللي قال
إن التتار
حاكمين بلدنا وأرضنا
كل كلام
كان في الظلام
تخطيط لسرقة مصرنا
واللي يقول
دول م الفلول
يقبض عليه
ويقولوا شيلين همنا
نقول يمين
يقولوا شمال
وشيء محال
فرض وغصب عننا
انتخابات تدور
فوضي وفلول
وبلطجيه تعضنا
مجلس نيابي
آه يا خرابي
فين يا عرابي
تيجي تشوف ذلنا
وحكومه خايبه
خايفه و غايبه
حبة كلاب عماله تهوهو جنبنا
تحريرنا قال
لازم نضال
علشان نرجع حقنا
كل اللي عايز
يجي يشارك
الله يبارك
في كل خطوه لمجدنا
مشروع شهيد
عجوز وليد
شركا في ميدان
منه نحقق حلمنا
مصر عفيه
شابه وفتيه
نيلها بيجري في دمنا
يلا تعالوا
كل اللي مالوا
وقالوا قالوا
نسيبهم يديروا أمرنا
لازم تفؤوا
تصحوا ترؤوا
قبل ما نضيع كلنا
samir




اضافة رد مع اقتباس




المفضلات