ليه اليوم يانفسيى تغير نهجك وســـيرك
على بحر الهوى شايفك والشيطان مــــجذافك
هل هذا غرور منك او غرك فعلى غيـرك
اشوفك واقعه فى الذنب من راسك الى اطرافك
حتى العقل من كيدك اصبح تحت تاثيرك
وصار القلب من جورك كاره حتى انــــــصافك
وش الاسباب يانفسي ابسمع منك تفســـيرك
يمكن فى يدينى حل اعجل به لاسعــــــــــــافك
قالت لى انا اشكرك على نبلك وتعبــــــيرك
واذا فعلا تريد رضاي اسمع بعض اوصــــافك
وقالت لى انا نيتك امشى حسب تدبـــــــيرك
تامرنى وانا البى تحت امرك واشـــــــــــرافك
ربى سلمك امرى ولغزى فى اســـتــاريرك
واعظائك تحركنى وافعالى على اكــــتــــــافك
كيف تلومنى بشرى وانته باخل بخيـــــرك
وليه دايم تعاتبنى واخطائى من اسرافــــــــك
لا تدارى عيوبك بى وهى اسباب تـقصيرك
ولو كل البشر ماتشوف يكفى ربنا شــــــافك
قوم اقبل عليه بصدق واكثر له مـــعاذيرك
قبل القبر مايضمك وتصبح تربته لحافــــــك
عاشق الناى




اضافة رد مع اقتباس







المفضلات