امي زمان قالتلي
ياولدي لو لازم تعيش
وسط غابه بين ديابه
اوعي يطلعلك ريش
وتمد ايدك في يوم
وتاخد م البخيل بقشيش
وتجري ورا شيطانك يوزك
يلبسك حرير م الخيش
اياك ياولدي تبيع توب ابوك
اللي زيه مفيش
غزله بيده من تراب ارضه
يستره ويعيش
ابوك يا ولدي
عاش عمره ما عرف تهبيش
ولا خد حق مش حقه
وعاش ومات درويش
اخرج يا ولدي قول كلمتك
يا لعن ابو التهميش
والمذله لو كان اكلنا م الزباله
ولا باقي حشيش
ايه اللي باقي وانتا مش لاقي
وكله حاجه مفيش
اخرج يا ولدي قول كلمتك
حتي لو تروح متجيش
samir




اضافة رد مع اقتباس
يشرفني أكون أول واحد يرد 

المفضلات