وتاه اليوم مع امبارح
وفكري في الهوي سارح
وفاكر انسي حب كبير
في بستان الامل طارح
جناين فل مع ياسمين
وشوك الورد كان جارح
واحب الجرح لو منك
دوا جرحي في هواك رايح
لدنيا كنا فيها اتنين
كتبنا كلام بلون فاتح
علي زهره
علي شجره
علي طير في الفضا سابح
مع نسمه هوا شارده
تخدنا لارض احبابنا
وذكري جميله تسبقنا
نعيش فيها انا وانتي
في عالم وحده كان ملكي
وضاع اليوم وضيعنا
امل في بكره يجمعنا
ويمسح كل خطاوينا
ينام الفجر في عنينا
ونصحي معانا احلامنا
لقينا كل غناوينا
سراب وخيال
رحلنا وشطنا خاوي
بلا احلام و اماني
وجفت كل قناوينا
ومات الدمع في عيونا
مفيش موجه بتحضنا
وغرقت كل مراكبنا
في دوامه بتجذبنا
تغرقنا وتسيبنا
نتوه في ظلمة النسيان
انا عايش في اوهامي
في رحلة هم تهواني
تعذبني
تشردني
تخدني لدنيا تنساني
تغلبني
تنزل دمعه من عيني
ترجعلي من تاني
سواد ثوب احزاني
تفكرني
تذكرني
بماضي مات بوجداني
samir




اضافة رد مع اقتباس





المفضلات