حطه يا بطه يا دقن الاوته
كان في تعلب ماشي يدحلب
واحنا بنجري واحنا بنلعب
قال لنا ايه رائيكوا نتسابق
ونشوف مين فيكم يغلب
قمنا جرينا
وكل ما فينا عايز يكسب
نسينا البطه
وسبنا معاها اخونا التعلب
خطف البطه ونط النطه
واحنا لسه نجري ونلعب
ولما رجعنا سألنا التعلب
فين البطه
قام وشتمنا وعايز يضرب
قمنا جرينا
وكل ما فينا عايز يهرب
ضحك التعلب ضحكه كبيره
ومسك البطه وفيها بيضرب
قعدت تصرخ واحنا بنسمع
هوه عايزنا زيها نركع
وكل كلامه نطيعه ونخشع
واي طعام يقدمه لينا
ناكله ونشبع
غلطه كبيره ولا صغيره
نسامح نشفع
اصل التعلب فاهم دوره
وبينا بيلعب
خطف البطه ونتف الريش
واللي هيغضب مش هيعيش
اصل التعلب واد هبيش
فاهم شاطر مش درويش
ولع نار
وحط الميه جوه الحله
عايز يسلق لحم البطه
واحنا نولع فلفل شطه
ولا نط معاه النطه
ونقول تاني حطه يا بطه
سرقوا مصر واكلوا البطه
dr.samir




اضافة رد مع اقتباس





المفضلات