صمت وهدوء
امتي نفوء
دوامه بتخدنا في بحرها
نغرق نتوه
في بحر دم
وكاس بنشرب مرها
فتنه ونار
حرب تتار
تحرق بلدنا كلها
مين مستفيد
واحد عنيد
دافع وماشي لشرها
اوعي تقول
قسيس وشيخ
حل لفتنه ووئدها
فين المحبه
فين الاخوه
الحل فيها وحدها
لا تقولي مسلم
ولا مسيحي
طول عمرنا بنحبها
الكل مصري
عاشق وهايم
عمره ما واقف ضدها
لو يوم عدو
عقله يجن
وفكر ياخد ارضها
هتلقي بطرس
ويا محمد
جاهز يصون عرضها
مصر عروسه
في احلي كوشه
والكل دافع مهرها
فستانها ابيض
حرير مطرز
وعريسها عاشق حبها
ومهما حاول
كل طامع
يغتال شبابها ووردها
هتفضل عفيفه
حره وشريفه
وربي صاين شعبها
يا دره غاليه
نادره وعاليه
قولولي مين زيها
يا كل مصري
ناضج وعصري
افهم وصون ارضها
من كل ظالم
اعمي وغاشم
عايز يجفف نهرها
dr.samir




اضافة رد مع اقتباس



المفضلات