سؤال للاذكياء فقط ... وحق بعض الناس خاصة!!

**OceanBreeze** · 30-06-2002, 19:03

السلام عليكم،

عندي سؤال للعباقرة .... هذا سؤال انتقم فيه من بعض الناس devious

السؤال كالتالي .... كيف يمكننا حل هذا السؤال وجعله صحيح رياضيا بعملية واحد .... نعم واحده وهذا هو شرط السؤال الوحيد ..

753+2988 = 32056

ركزوا في الأرقام عدل wink

ЯŘ · 30-06-2002, 19:09

طيب اوشن انا ابي
اسالك سؤال قبل ماافكر في سؤالك cool

انا من هذول الناس الي تبي تنتقم منهم wink

جاوب من غير تفكير بسررررررعه tongue

**ma sosa soso** · 30-06-2002, 19:10

صراحة انا مو عبقري في الرياضيات

:خجلان:
:خجلان: :خجلان:
:خجلان: :خجلان: :خجلان:
:خجلان: :خجلان: :خجلان: :خجلان:
مع تحيات اخوك ma sosa soso

**OceanBreeze** · 01-07-2002, 11:46

السلام عليكم،

افاااااااا يا *محبـ سينشي ـه* .... لا أبدا .. أنا قلت هالكلام بالمصخره tongue

وبعدين انا قصدت فتاة الرياضيات ... لأنها دوختني بسؤالها، فهذا دوري ادوخها شوي tongue

لا تزعلين يا فتاة الرياضيات ... ترى انا ماخذ الموضوع بصدر رحب وروح رياضية ... يعني أنا مازعلت منج .... بس حبيت نتبادل الألغاز وعواار الراس شوي devious

يا الله ... وين الأذكياء .... وينكم confused

تري الحل سهل [glow]جدا ..جدا[/glow] ... اوووكي ارتحتوا cool

**SERENA** · 01-07-2002, 13:17

753+2988=32056
نقوم بتبديل في بعض الأرقام على هذا النحو
39058-7002=
32056
قمت بعملية الطرح
مدري إمكن كده الحل wink

مع تحياتي

**OceanBreeze** · 01-07-2002, 14:07

للأسف اختي SERENA .. الحل خاطئ ... ولكن اشكرك للمحاوله gooood

وين البنات الشجاعات ... وينك يا فتاة الرياضيات biggrin

اظهر وبان عليك الأمان tongue

استمروا في المحاولة gooood

**فتاة الرياضيات** · 01-07-2002, 14:25

أكاني اهني يا اوشن ها اشوفك حطيت لغز يعني وحده بوحده على العموم بحاول احل اللغز مع اني مصدعه حدي وتوني طالعه من الامتحان وكان صعب وراح احط حرتي في سؤالك بس عطني فرصه عشان افكر
ممكن سؤال لازم نستخد عملية الجمع يعني ما يسير نستخدم عمليه ثانيه ،ممكن نغير شوي في الارقام ولا ما يصير ، ممكن نزيد الارقام ولا نتقيد بالي موجود

**OceanBreeze** · 01-07-2002, 15:01

يا مسكينه .. و الله غمظتيني ... الله ينجحج biggrin

شفتي شلون .. انا متساهل cool

يالله بعطيج فرصة لين باجر تحلين هالسؤال ... وما بعطيج واجب غيره tongue

اووكي ... الحل يتم في خطوه واحده أو عملية واحده ... وهي عملية بسيطة جدا .... wink

على فكرة يا SERENA .. انت غيرتي الأرقام وطرحتي، يعني عمليتين/خطوتين وهذا عكس شروط اللعبه ..... نبغي حركة وحده بس gooood

ЯŘ · 01-07-2002, 18:01

والله ووقعت فيها يافتاه الرياضيات

بس الحمد لله انا ما طلعت منهم
شكرا اوشن على ثقتك في غبائي tongue

ياليت توضح لعقلي الصغير وتفتحله شويه
جوانب عن الحل اوكي angry

باااااااي

محبه سينشي الابديه

يعني لاتستغربون اذا ماعرفت الحل لان سينشي
اخذ كل عقلي خصوصا بعد مااتجوز ermm

**فتاة الرياضيات** · 01-07-2002, 18:04

:بكاء2: :بكاء2: :بكاء2: :بكاء2:
سؤالك جنني وخلا راسي مثل البالونه تحط سؤالك عند سؤالي
سؤالي واااايد ارحم
المهم :انت قلت نسوي حركه واحده اهي الحركه في الارقام ولا العمليه
وبعدين الحل سخيف نفس مالي ولا ..........يبيله الخوارزمي عشان يحله
ليكون ماله حل وانت حاطه عشان تقهرني ............ترى باذبحك لو ما طلعله حل tongue

**OceanBreeze** · 01-07-2002, 18:14

خلوني استمتع شوي .. وبعدين اقوللكم الحل tongue

اوووكي بس خلاص .... استمتعت biggrin

ولا وحده منكم طيبت خاطري ولو بجواب .... redface

الله يسامحكم ... أنا مليون حل عطيتكم لأسئلتكم!!

عجبني تعليقج هذا "وبعدين الحل سخيف نفس مالي ولا"!! ... الجواب طبعا لأ ... لأنها عملية رياضية بسيييييييطة

أنا بانتظار أجوبتكم .... biggrin

**لومــ Ss ــينا** · 01-07-2002, 18:43

أول شي.....سير ييب اّلة حاسبة.......يبتها؟؟!!
الحين
1.اجمع 753 + 2988=بيطلع الناتج3741
2.روح اضرب هالناتج في
8.568831863
بعدين بيطلع الناتج اللي إنت حطيته اللي هو:
32056
و إنشالله يكون جوابي صح؟؟ confused

**OceanBreeze** · 01-07-2002, 19:03

عاشق الفايبر ....

محاولة جيدة .... ولكن شرطي هو عملية واحدة .. أو حركة واحدة!! وبعدين خطوتك الأولى صحيحة رياضيا، لكن الثانية لا تجوز تقنيا .. فالمسألة عبارة عن معادلة ... فكيف تقوم بعملية في أحد طرفين المعادلة دون الآخر؟؟ يعني إذا ضربت القسم الأيمن من المعادلة في رقم .. لازم تضرب القسم الأيسر أيضا

مثال:
1+1=2
5 * (1+1) = 5 * 2

كما ترى .... في الحالتين المعادلة متوازنه لأن نفس المقدار ضُرب على اليمين وعلى اليسار

مفتاح اللغز هو هذه الجملة "كيف يمكننا حل هذا السؤال وجعله صحيح رياضيا بعملية واحد " ..... biggrin

شكرا لتجاوبكم ... نصيحة لا تعورون راسكم وااايد .... الحل بسيط جدا ومايحتاج آله حاسبة cool

ЯŘ · 01-07-2002, 21:27

الرسالة الأصلية كتبت بواسطة OceanBreez :

السلام عليكم،

عندي سؤال للعباقرة .... هذا سؤال انتقم فيه من بعض الناس

السؤال كالتالي .... كيف يمكننا حل هذا السؤال وجعله صحيح رياضيا بعملية واحد .... نعم واحده وهذا هو شرط السؤال الوحيد ..

753+2988 = 32056

ركزوا في الأرقام عدل

انا لقيت الحل

::فكرة:: ::فكرة::

الحل هو

ان الجواب الي حاطه هو غلط tongue

مفهوم

محبه سينشي

**OceanBreeze** · 02-07-2002, 11:43

*محبـ سينشي ـه* ... وتقولين عن نفسج غبية eek

بالعكس انت صح ... هي فعلا معادلة خاطئة .. والمطلوب هو تعديلها wink

يالله يا فتاة اللوغاريثمااات .... وينك cool

**فتاة الرياضيات** · 02-07-2002, 12:51

اولا" انا فتاة الرياضيات مش اللوغاريتمات وبعدين منك لله انا كرهت الرياضيات والسبه سؤالك خلاص انا بغير تخصصي وبغير اسمي كله منك
المهم لقيت الحل:
انت سؤالك:753+2988=32056
انت الجواب الي حاطه غلط انزين نغير 753 ونحط بداله29068 وبيطلع الجواب صح rolleyes

او نغير 2988 ونحط 31353 أو نغير 32056 ونحط 3741
صراحة ادري ان جوابي غلط بس هذا جواب الي صدع راسهم من سؤالك
سؤال : هو التغيير في الارقام ولا في العمليه؟؟؟؟ ارجو الرد

**OceanBreeze** · 03-07-2002, 14:10

السلام عليكم،

زعلتي يا فتاة الرياضيات tongue

.... ولا يهمج ... "بلاش اللوغاريثمات" wink

اووكي .... تبغيني أشجعج -مثل ما شجعتيني- .. و إلا أقول الحل ... cool

على العموم ... الأرقام ما تجتاج تغيير wink

... وانت يا *محبـ سينشي ـه* قربتي من الجواااب cool

ورونا شطارتكم يا البناااات biggrin

....

**فتاة الرياضيات** · 03-07-2002, 15:45

عرفت الجواب
عشان نجعل الجمله صحيحة رياضيا"
753+2988 لا يساوي32056
ترى اذا جوابي صح ابغي هديه wink

**OceanBreeze** · 03-07-2002, 16:20

ماشاء الله عليج يا فتاة الرياضيات ..

جوابج صح ..... biggrin

...

بس كنت متاكد من انج بتحلين السؤال ... خاصة اني سهليتها مووول ... مو مثلج الله يسامحج ... صعبتي سؤالج علي ... كان المفروض تقولين لي ان الأعداد لازم تكون بالعربي عشان احل سؤالج .....

المهم انت صح ... وهذي هي هديتي لج .....
http://www.mega-toon.com/vb/showthre...&threadid=9755