السلام عليكم ورحمة الله وبركاته ..
كيف الحال يا أعضاء ...
مرة كنت جالسة بالكافتريا في الكلية ....انتظر وحدة من البنات ..
وكان وجهي مقابل للباب ...
دخلوا بنتين (( اعرف وحدة فيهم معرفة سطحية طبعا ))
كانوا من جد ملفتات للنظر لان أغلبية الموجودين التفتوا عليهم ...
دخولهم كان بكبرياء فضيييييييييييع ...
جات الصدفة وجلسوا وراي ...
وهاتك البنتين ياهرجة وضحك في كذا موضوع وبيني وبينكم نزلوا علي من السما قاعدة اتسمع على كلامهم واسلي نفسي ...
جات هرجة عن بنت وحدة توصفها للثانية ...توصف توصف ماعرفتها
اخرت المتمة قالت لها ...
تصدقي ان فلانة كل لبسها ماركات ...
فلااااااااااااانة ..روحي ياشيخة مومعقول ..
والله بجد ...تخيلي ...
طلعت شياكة البنت وانا مادري ...
والله بيقولوا كل ملابسها حتى بجايم النوم ...
يابختها ...
فينها وريني اياها خليني أداخل معاها اكثر ...
قعدت مكاني اضحك ......هل الوحدة فينا بتتقيم ان لبسها ماركة ولا لأ ...
وهاتك ياضحك .......الله ستر عليا ان كنت معطية لهم ضهري ...
نجي هنا ...
هل انتوا بتتعمدوا ان ملابسكم تكون ماركة .....
ولا عموما اي شي عجبكم سواء كان ماركة او غيره ...
اتكلم بصراحة عني انا tattoo
انا تقريبا اغلبية ملابسي ماركة ...بس ماهي ماركة محددة
لان بصراحة شارع التحلية في جدة ....يصرعني ..
ونادرا ماشتري ملابس من عندنا في المدينة ...
ماهو شي والله العظيم مجرد ان ذوقي زي مايوصفوه يالي حولي بانه صعب ...
الا اذا كان شي رسمي للكليه وكذا ...
صح انه الحين فتحت محلات تجارية عندنا من يالي تعجبني في جدة ...
بس مادري جدة غير ....
والتسوق فيها غير وغير
امااذا كنت مرة في السوق وشفت شي اعجبني ...وماكان ماركة اعتقد اني راح اشتريه ..طالما اعجبني ...
وفي ناس اعرفهم ......
طالما اللبس كان ماركة فهو حلو ....
كيف ماكان شكله ...
احيانا اشياء بايخة ....بس خلاص كونها ماركة بتحلى ...
وفي احيان كثيرة نستغرب انها لابسة شي زي كذا ...
واذا مجرد استفسرنا ......بتقول وبصوت عالي
هذا ماااااااااااااااااااااااااركة (( طبعا مع مد الالف زي ما أنا مادتها ))
(( مهزلة ))
وأي شي ماهو ماركة ....طالما ان كان حلو وراقي
على طول الخط بايخ .....كيف ماكان ....
وفي برضوا وحدة من معارفي ......
لو بتلبس اي شي ..لو من عند ابو ريالين
( وهي مابتصير ان ابو ريالين يبيع ملابس)
سبحانك ربي .......بس بتفكر هذا من اي ماركة لبسته ...
شكله خطيييييييييييير عليها الف من ذكر الله ....
مرة كنت معاها واشترت بنطولون وبلوزة ....رحت الغيرة اشتريت زييها ...
لما لبسته الله ياربي يحفظها ...
بس انا ......
رحت رديته في نفس اليوم ...ماطقته ...
طلع شنيع
مرة قريت مقالة في الجريدة بعنوان (( هوس الماركات بيغزوا بنات المملكة ))
اعتقد من عنوانه حتفهموا محتواها ....
اعيد السؤال ......في (( هوس الماركات ))
سواء تماسيح أو بطات ...
هل تتعمد ان ملابسك كلها بتكون ماركة ......ومهما كان الثمن ماتتنازل عن هذا الشي ...
او بتكون ماتهتم ...سواء كانت ملابسك ماركة أولأ اهم شي يالي يعجبك ...
انتظر تفاعلكم ...
اختكم .........tattoo
المفضلات