مشاهدة النتائج 1 الى 3 من 3
  1. #1

    نزل المشير في بدلته

    نزل المشير في بدلته

    آن الآوان يا ورد

    يا دبلان علي عودك

    ترجع تعطر مصر

    من تاني بوجودك

    ومن نيلها تروينا

    تنعم علينا من جودك

    نبدأ نقول

    نزل المشير وسط البلد

    آآآآآآآآآآآآآآآآآه ياولد

    محلا جماله في بدلته

    ولا شياكته

    ولون حزامه وجزمته

    نازل يقول

    والفرحه مليه ضحكته

    خلاص نويت

    اكون واحد منكم

    وخلعت لبسي العسكري

    وبقيت انا كده زيكم

    ايه رأيكم

    انفع رئيس

    مدني وفاهم سركم

    وهسركم

    لما اكون حاكم

    وماصص دمكم

    حوليه تحوم

    بواقي بوم

    وغراب ينوح

    من نور سيادته وطلعته

    يا شعب فوء

    دي ثوره كانت

    ولا طوق

    حولين رقبنا بنربطه

    يجي سيادته يمسكه

    دم الشهيد

    وام الشهيد

    وشهاده باطله لسيده

    ممدوح شاهين

    فصل قانون

    لمقاس سيادته وصحبته

    انتخابات تدور

    ومجلس موقر يسنده

    ما هو سيادته

    استاذ وفاهم لعبته

    لما شهد

    علشان يبرأ سيده


    سيده وخادم جزمته

    مريد وشيخه مثبته

    والتمثيليه في اللي حصل

    م المفتشر

    ان سيادته مرشح للرياسه

    وبرلمان

    علي مقاسه فصله

    يخدم سيادته ومجلسه

    انا اهو بقول

    انذار اخير

    لو عايز ترجع ثورتك

    تصحي تفوء

    وبلاش كلام المصطبه

    وحكايه عن قشه

    ورزه مخصبه

    وميه حلوه

    وميه مره

    ودوامه تانيه تجرنا

    وعيال تروح المدرسه

    ودروس وجامعه

    والبنت سامعه

    عريس وطالب ودها

    والواد حسين

    والبت زوبه

    بنت الأروبه

    وأم ابراهيم

    شتمت سعاد

    وأم مها

    عشان جمعيه بتلمها

    وسبوها لايصه لوحدها

    ولا الخضار أسعاره نار

    ودوامه نتوه في مرها

    امتي نفوء

    ونقعد نروق

    ونقطف لمصر وردها

    نخطب رضاها وودها

    يمكن تسامح

    يمكن تصالح

    كل اللي ناسي حبها
    اخر تعديل كان بواسطة » dr.samir في يوم » 27-09-2011 عند الساعة » 12:19


  2. ...

  3. #2
    بيفكرنى بالشعر الحلمنتيشى فى اجزاء منه بس عجبنى (برغم عدم حبى لقراءة النصوص العامية لكن هذه القضية يليق عليها اوى العامية )

    اممم النص جميل وهذه النوعية خاصة..... احيانا تعجبنى

    بالتوفيق لك

    احترامى
    ~ الــلّــه ~
    ((و الله ما طلعت شمس و لا غربت إلا و حبك مقرون بأنفاسي ولا خلوت الى قوم احدثهم الا وانت حديثى بين جلاسى ولا ذكرتك محزونا ولا فرحا الا وانت بقلبى بين وسواسى))
    ask.me


  4. #3
    إقتباس الرسالة الأصلية كتبت بواسطة *سهر* مشاهدة المشاركة
    بيفكرنى بالشعر الحلمنتيشى فى اجزاء منه بس عجبنى (برغم عدم حبى لقراءة النصوص العامية لكن هذه القضية يليق عليها اوى العامية )

    اممم النص جميل وهذه النوعية خاصة..... احيانا تعجبنى

    بالتوفيق لك

    احترامى
    الجميل مرورك يا سهر

    ولكن الشعر العامي له مذاق خاص واحيانا بيكون التعبير

    فيه عن المواقف السياسيه ارق واجمل من الفصحي لانه يصل

    اسرع في معناه وهدفه

    تقبلي تحياتي سهر

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter