المرحلة المرحلة الرابعة
.. ما اصدق اني كنت بانسحب في البداية لكن ..
الحمد لله مع شوية اصرار قدرت اكملها..
و ما اخبي عليكي .. عشت مغامرات بالمرحلة الرابعة ما رح انساها بحياتي ..
كنت طبعا مسافرة ايامها و عندنا نقل بالبيت وواجهت مشاكل بادوات التشيز كيك و ادوات عمل السفرة والاواني ..الخ
طبعا بعضها اشتريتها و بعضها ماقدرت لضيق الوقت فجلست اطلب من اقاربي الادوات ..
طبعا الكل عرف بالمسابقة وقريباتي طلعوا علي ان عندي " عزيمة بالسر "
استفدت من التجربة الرابعة اشياء كتير
.. اهمها ( التبضع )
افتكر مشينا للسوق انا وابن خالتي عشان نشتري الادوات ..
فاصلت بالاسعار و احترت بالانواع (( قعدت اختار بالصحون دا احلى لا دا احلى دا كبير لااا شكله مو حلو يالله اللون غامق
.. الخ ))
و عرفت كم شغلة عن اسواق و محلات ماقد رحتها ..
صارت مضاربات طبعا مع ابن خالتي على الاشكال و الانواع و الاسعار بنص المحل .. !!
غير كدا اتعلمت فن التقديم
.. صحيح تقديمي ما كان داك الشي
.. بس حاولت بكل قدرتي ارتب افكار و انوع فيها
و اتعلمت و استفدت و راقت لي فكرة التقديم
ايضا استفدت من تصوير عمل التشيز كيك
.. اول تجربة لي في تصوير وصفة
و ناوية اعيدها باقرب وقت ان شاء الله
اممم قدمت في الموضوع طريقة عمل المعمول لكنها لم تكن من صنعي
.. ما حبيت تمر المرحلة بدون عمل المعمول
و بعدين جا وقت الحلى الغربي ( التشيز كيك )
و قدمت طريقة صنعه بالصور
كانت عملية تصويره ممتعة .. افتكر نمت على الساعة سبعة الصباح و صحيت بعدها بتلات ساعات على الساعة عشرة
عشان اصور الوصفة واخواني نايمين و ما يزعجوني
صورت ايضا طريقة تقديم المعمول و التشيز كيك باكثر من طريقة ..
افتكر ان امي و ابوي يدخلو الغرفة يطالعو علي و على السفرة ويهزوا راسهم ويقولوا ( لاحول ولا قوة الا بالله .. ان لله وانا اليه راجعون)
و اخواني يتسللوا من وراي لما اخرج من الغرفة عشان ياكلو حبات التشيز كيك و المعمول .. !! و امسكهم !!!
جد كان اسبوع المرحلة الرابعة روووووووووووعة
اشكرك يا سانا على المسابقة وعلى التنظيم
و المسامحة في الوقت
المفضلات