السلام عليكم...,,,
هاي القصيده وايد حلوه مابتملون يوم بتقرونها وعلى فكره تصيح
أنا صحت ترى يوم سمعتها ماأجذب عليكم...صدق
ليش نزلتي عيونج إرفعيها وطالعيني والا يعني إنحرجتيي يوم جاوبتي سؤالي ؟؟...
ليش قلتيلي أحبك ليش كنتي تخدعيني ليش قلتيلي حبيبي ليش قلتيلي ياغالي؟؟؟؟
كان ممكن ما أحبج كان ممكن تتركيني كان ممكن من بدايه تخدعي غيري بدالي ....
ليش أنا بالذات يعني ليش قولي جاوبيني بعد غدرج خبريني وقولي بس شلي بقالي؟؟..
والله إني ما جرحتج ليش أنتي تجرحيني هنت على قلبج حسافه وإنقضت أجمل ليالي ....
والقهر للحين أحبج وادري أنج ماتبيني والمحبه من طرف واحد نهايتها زوالي.....
كان عمري في يدينج قولي وش كان بيديني أذكر إنه من غلاتج كان قدرج فوق عالي...
كنت أتجاهل وأطنش يوم نغزاتج تجيني وكنت أقول الحب أكبر من تصرف لا مثالي...
... أبغي من وقتج دقيقه وليت أنج تمنحيني ...
بس أبا أقولج ثلاث أشياء وأروح أمشي لحالي ...
أولا فعلا أحبج كنت قلبي وعيني وكانت الدنيا بوجودج شي روعه شي خيالي ...
ثانيا علي بدر مني دخيلج سامحيني يمكن أنه زل لساني وقلت إنج راس مالي...
ثالثا أسألج بالله وأطلبج لا تذكريني احرقي كل القصايد وانسي أشواقي ووصالي ....
المهم إني أببعد وأنت روحي وأتركيني ارجعيله ومثلي دور البريئه اللي تبالي...
وفي النهايه قبل ما أنسى بقولج كلمتيني كان هذا اللي تحبينه محمد ولد خالي؟
وهاي القصيده من إبداعات شاعرنا الإماراتي المعروف
طارق المحياس
وإنشاء الله يعجبكم



اضافة رد مع اقتباس




المفضلات