مشاهدة النتائج 1 الى 3 من 3

المواضيع: مات الكلام

  1. #1

    مات الكلام

    مات الكلام


    مات الكلام لما اللجام كان من لهب..

    ملعون أبوه اللى ظلم واللى قتل ع اللى إغتصب

    قالت يا ولدي :

    إوعاك تقع لما العلم يقصد جبينك للسواري

    إوعاك تخاف ...

    ولا ترتجف ده أنت القدر ساكن فى داري

    إنهب نصيبك م الحياة ،عيش السنين لآخر نفس

    وإعشق حنينك لفين مايوصل منتهاه

    إياك فى يوم تخشى العسس

    إكسر مصيرك فى المدن

    "أم المدن "عارفاها مغرورة وغندورة وسحارة

    وهِتسكنك زاوية و زاوية وبالإيجار

    إوعاك ده ليلها مينتهيش وما شوفنا فيها

    غير مرار ..

    غير مصيرك ..

    متنتظرش "حلم" عاشه أبوك بسنينه طولها وعرضها

    يترجى فيه !!!

    كانت عنيه بالدمع دايما ً تفرش الميادين ألم

    تبات مع المجاريح تصحى " تنظلم " !!!!

    ولساه بيحلم بالعلم ! فوق السواري يشق فجر جديد

    وأهو مات وأنا إتغطيت بثوب مفيهوش دفا

    يا قلب كفياك ألم ده الحزن من حزنى إكتفى

    فوق السواري وفى الميدان

    كلامها فجر بلون البرتقان مليان حنين

    كلامها عايش من سنين وكأنى لسه بسمعه

    فوق المنصة .. لا ألف ميت أستاذ ولا ألف حصة

    يقدر يغير القدر يا " ثورة بيضا"

    والله ما سايب دم أخويا اللى إتغدر

    والله ما سايب دم أخويا اللى إتغدر




  2. ...

  3. #2
    الفت فأبدعت فألمت قلبى وذكرتنى بأبطال الثورة (رحمة الله عليهم )

    بعدد حروف كلماتك اشكرك على ابداعك المتميز smile
    ~ الــلّــه ~
    ((و الله ما طلعت شمس و لا غربت إلا و حبك مقرون بأنفاسي ولا خلوت الى قوم احدثهم الا وانت حديثى بين جلاسى ولا ذكرتك محزونا ولا فرحا الا وانت بقلبى بين وسواسى))
    ask.me


  4. #3
    إقتباس الرسالة الأصلية كتبت بواسطة *عاصى* مشاهدة المشاركة
    الفت فأبدعت فألمت قلبى وذكرتنى بأبطال الثورة (رحمة الله عليهم )

    بعدد حروف كلماتك اشكرك على ابداعك المتميز smile
    كل الشكر وبعدد كل كلمه طيبه وجميله اشكرك علي زوقك ورقتك

    دمتي بالف خير يا اجمل عاصي

    تقبلي تحياتي واحترامي

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter