مشاهدة النتائج 1 الى 10 من 10

المواضيع: انا والهندي !!

  1. #1

    Talking انا والهندي !!


    احح السلام عليكمـ ورحمة ربي وبركاته على اللي يدخلون

    << وش ذ1 النذ1لهـ biggrin
    >> خلاص ع الكل .. tongue

    اول شي ابي اقووول اني استانست وااااجد علشان المنتدى العام المواضيع صار ممنوع المنقول .. يعني ابي اشوف الابداع .. واليوميات ..


    وهاااي وحده من يوميااتي ... وسميتهاااا..

    $$انا والهندي$$




    مره من المرات يوم.. رحت أنا وأبوي للخياط عشان أسوي كل اللي طلبت مني الاستاذهـ حقت الخياطه في التيرم كله عاااد انتم تعرفوني زين أنا دافورهـ و دايم الأولى على فصلي والمدرسة ..

    <<
    ماشا الله علي لا تنظلوني ..


    المهم أكمل القصة .. رحنا للخياط وأبوي طول الطريق انتو أللحين بالمدرسة ليه مايصير عندكم مكينة انا وشوله مدخلتس مدارس أهليه ... .. وبعدين أبلتكم ذي ورآه كل الطلبات مع بعض ماتدري إن الناس مشغولين
    <<يالمسكين ماتدري انهن طلبات التيرم كله
    .. ومن هالكلام اللي مايودي ولا يجيب .. ورآه ماحطت جدول ووزعته على البنات .. وكل. البنات بيسوونهن .. وكلام .. بعدين اسئله .. وش تبي فيهن .. وياهوه صجه ولجه .. وهو مايدري إن بنته شاطره لهذي الدرجة وبالأخير وصلنا السوق
    <<أنا سميته سوق
    بعد وصلنا الخياط.. وثمن .. قمت طلعت ...وطلعت للخياط.. القطع وساعة افهم هدا كدا مافي كدا .. وأنا لاقطتلكم من أبلتنا كلمه ( لقطه مب بالمكينة ) وكل قطعه أعيد نفس الكلمه .. زهق الرجال .. آخر شي هااه متى بطلعهن ؟؟

    الخياط
    : بعد تو وييك .. ومير يجن جناني!! تو وييك وشو أنا أبيهن بكرا !! .. ومير يعصب علي بكرا أنت مافي افهم .. وحمق وحالتي حاله أنا وياه رضيت بالأمر الواقع ووافقت .. تعرفون أبوي رايق وبيوديني لكم خياط أوزعهن ..

    المهم.. مب هاذي السالفة(مب هذا بيت القصيد )
    << شاطره بالتميلح
    السالفة إني يوم ركبت السيارة قالي أبوي.. شوفي يا(...)

    << انا جحوووود ما اقول اسمي biggrin

    أنا أللحين أبطلع .. وبروح
    للغسال أبودي شمغي وثيابي يغسلونهن وأجيب الثياب اللي عندهم .. قمت أتفلسف .. وراااه يبه بتعرس ..
    << عاااد اللي بيعرس يغسل ثياب ولا يشريله ثياب جديدة !!

    قال: أقول ورآه ماتنثبرين ..؟؟

    عاد أنا شفت أبوي محمق استانست وقلت : يبه قلي ماراح أقول لامي والله ..

    قام عطاني نظره محترمه وسكتنني .. وش سويت .. انثبرت .. ولميت أفمي ..

    راح أبوي للغسال .. وأنا انطقيت بالسيارة وكالعادة .. أتذمر من الخياط ومن الاستاذه افففف ..ومن ثم قعدت اغني مب اغني يعني ادندن ..

    << أصلا ما تدرون إني شاكيرا

    إلا قام رجال هندي وشافني نظرهـ خوفتني.ترا ماينسمع صوتي مسكرين الدرايش . قمت أنا
    سويت نفسي ما أشوف...
    << ثقل ثقل بس محد يدري ....
    خخخخخخخخ ...


    وبعدين قام قعد على كبوت السيارة
    << مدري عندنا بالسعودية وبنجد نسميه كذا عاد الباقين والله مدري عنهم

    وأنا ارتجفت من الخوف .. وبعدين جاء قرب عند الباب وهو كان يكلم بالجوال من أول ماجاء ... وحط يده على الدريشه حقتي .. أنا قمت أرتجف وقفلت البيبان
    << شفتو إني اعرف الإسعافات الاوليه وسنعه

    .. حتى من زود الغباء اللي فيني .. ماناديت أبوي ولا ظرب بوري .. قعدت ساااكته وبيجيني الصيياااح ع الاخر ..

    << هونت ماعرف الإسعافات الاوليه..ولنب سنعه


    وإلا ويطلع أبوي من سوق العرس (خخخخخخ)

    وقام مسك الثياب وحطهن تحت اباطه عرفتو كيف الحركة ماعرف أفهمكم ..
    << ابد ما انفع مدرسه ..
    وحمق وقرونه طلعن .. ومير يجي يمسك الهندي من صدره الهندي يويلي فز يوم شاف شكل أبوي وماتوقع ردت فعل ابوي بتطلع على هالشكل وقام يهاوشه الظاهر إن أبوي معصب من الغسال وحط حرته في ذا الهندي ..
    وأنا الله يسلمكم ما اسمع إلا طاااخ وطيخ ومكافخ ورفس ومير أشوف الناس كلهم طلعوا من المحل خياطي طلع ..
    << صار خياطه بعد
    وكان فيه حلاق .. طلع هو ومقصه واللي يحلقه .. والشكل مرره خطير عاااد أبوي تحمس بالضرب .. وقام اشر لي افتح الباب.. وحط ثيابه في السيارة ... و قام في الرجال تكفيخ ورفس تقولون أبوي (ستيف أوستن) .. وحاااااله .. ومير يدزه بعد الدمان اللي طلعن .. ع السيارة اللي جنبه...
    << والله يعينه من اللي بيجيه من راعي السيارهـ
    وركب وقام سب : هو هندي وش دخله يسوي هالحركات عيال البلد وهم عيال البلد مايسوون هالحركات ..
    << أقول لا يكثر بس
    قلت: إيه يبه بس أنت بغيت تذبحه ..
    قال: يستاهل تعدى على حرمتي ..
    عاد أنا بديت بالغباء وقلت بس أنا مب حرمتكـ أنا بنتكـ قام ناظرني نظره سكتني فيها .. رجعنا للبيت وقمت على طول غسلت وجهي و سميت وتعوذت من إبليس.. ورحت لامي بالمطبخ وكانت بتشرب وتصبلها من الثلاجة وأقولها السالفة كاااامله .. عاد ولقيته فرصه قمت أطبق اللي سواه أبوي في الهندي عليها... الحركات بالتمام والكمال ومير تقوم وتكب علي العصير اللي معها.. تفشلت وطاح وجهي .. ولا بعد قدااام تركي(اخوي الوحيد ) انواع الطناز الى اليومـ ياسلااااام ... أنواع الفشايل ... يالله هي ذكريااات رهيبة صراحة ... ولا بعد يوم جيت امشي أبطلع من المطبخ قمت زلقت وطحت على وجهي والله يا أنا تفشلت ..


    مايستفاد من القصة :


    #
    انكـ ما تطلع مع ابوووك مهما كانت الظروف حتى لو كنت بتموت

    # ثانيا لا عمركم تلبون طلبات المعلمات أو المعلمين مهما كانت فان لها عواقب وخيمه

    << ياحليلي وخيمه ..

    # لا تقولون أي سالفه صارت لك لا لأمكـ ولا لابوكـ قدام خواتك أو إخوانك وان ما عملت بهذي النصيحه صدقوني بتروحون فيها مثلي ..

    # تعلموا الإسعافات الاوليه في زي هالحالات

    # انتبهوا للطريق وانتم تمشون..


    )..( وسلامتكم )..(


    ملاحظه هاااااامه :

    اللي مايفهم لهجتي يقولي لا يستحي .. rolleyes
    + :: ... nothing hard like missing ... :: +


  2. ...

  3. #2

  4. #3

  5. #4

  6. #5

  7. #6
    مشكووووووووووووورة اختي على الموضوع الراااااااااااااااااائع
    مٍا عاڣتڪ نڣسي / ۉلۉ صار مٍا صـار..~

    ۉيبقى حضۉرڪ [ نسخة ] مٍن غيابڪ..!


    gooood

  8. #7
    السلام...

    ههههههههه

    مشكوووورة حبوبة على قصة حياتك ...

    والله إنك سوالف...

    ننتظر جديدك...


    بالتوفيق...

    سلامي...

    *هـــــمــــس*

  9. #8
    شكرا جزيلا على الموضووووع

    وفي انتظار مغامراتك القادمه

    لوووووول

    ^______^
    عفواً .. اذا كان لديكم اي استفسار خاص بقسم التوون بشكل عام والمانجا توون بشكل خاص برجاء وضعه
    هنـا وسيتم تجاهل اي رسائل من هذا النوع

  10. #9
    هههههههههههه ولله خوش قصه ....ومايستفاد من القصه:
    1-ظحكتينا وياش وننتظر سوالفج .
    سلاااااااااااام
    تم تعديل التوقيع من قبل الاداره [A.N.G.E.L] لمخالفته قوانين المنتدى المتعلقه بالتواقيعـ


  11. #10
    دلوعه دبي ..

    العفو حبيبتي وانت الاروع ,,

    /
    \
    /

    * همس *

    العفو حبيبتي وان شاء الله بكتب يومياتي وابيعها بالاسواق !!

    /
    \
    /

    Sola

    عفوا جزيلا .... وان شاء الله ابطلع مغامره جديده ,,

    /
    \
    /

    كويتي خطير

    حلوه هاي الافاده يارب تدومـ معااكـ

    والله يسلمكـ

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter