مرحبا اعضاء وزوار منتدى(الشعر والخواطر) اليوم اقدم لكم ابيات شعر وبعض القصائدمن كتابتي اتمنا ان تنال اعجابكم ولا تبخلو بلرد الان دعونا نبدء بلموضوع
(الاشعار والابوذيات)
1-اريدامشي نهار الصيف وسعى
على ام حلك الزغير وعين وسعه
يحفار الكبر بلله عليك وِِِِِِِسعه
بلكت تكون موتتنه سويه
2-الشمس تعله وشعله منها
تر وجنك حبيبي شعله منها
والعين تكره شعلى منها
مثل ماتكره الروح الرزيه
3-من كل ورد صدك وردك احلى
وعطر جوري اشمه واردك احله
جفن عينك عجبني وارد اكحله
ذهب لا موكحل لوصح بديه
4- الله الكون يامدرك يامهلك
وكون اليحبك يمهلك
انا اتمنيت بيت اهلي يم اهلك
وكلبي ويكلبك يصبرن سويه
5- بعد ما اغزل لغيري ولا احوك
لان لارده اليستاهل ولاحوك
غشمه وصوبوك انته ولاحوك
وعنتر بلحجي صاير عليه
6- صرت موبس حبيبي قطعه مني
وكلبي بسيف رمشك قطعه مني
لان لحضات هجرك صح عمني
يرد الشوف لورديت اليه
7-مشمش انته من المسيب وانته تفاح الشمال
وانت شمس الدنيا كلهه وبس الك يحلى الدلال
ياعبير الورد كله اسكن بكلبي تعال
تنوصف بيمن ياغالي لاكناري ولاغزال
انت تسوه المالكي وحتى عدنان وجلال
كله فدوه اتروحلك يااحلى من دم الغزال
8-والله حيرني كلامك وحار بشفافي السؤال
مدري اسميك المدلل لواسميك الدلال
بس انصحك تسأل امك بيك متنسيه بغزال
لو حسن يوسف ورثته وصار الك هذا الجمال
صافي كل عود بخصالك واصفه من ماي الزلال
انت من تمشي على رجلك تنحني كل الجبال
ويستحي منك كمرنه ويختفي بسحب الخيال
9-اذا قرأة رسالتي فأنت تحبني اذا مسحتها فأنت تعشقني
اذا جاوبتني فانت تريدني اذا لم تجاوبني فانت مجنون
في حبي (ماذا ستفعل الان)
10-لاتحد بيه واناسيف غلطت وياك غلطه وانا اسف
اصير احزام تي ان تي وناسف وافجر الكون من تزعل عيه
11-يمين الكلب عن حبك فلا مال
وأبد ما حاد عن دربك والمال
بكنوز الارض كله ولا مال
تضل انت الاخو الاغلا عليه
12-كلبي بضيق فركاكم تمرمر
وعليه اسهام عدواني تمرمر
بحياتك هم شفت كلي تمرمر
التمر بجفاك حنضل صار اليه
13-مدري العيب عندك مدري عندي
مدري الغلط عندك مدري عندي
مدري اوكف وطالب مدري اعدي
وكولن ينصلح ويرد اليه
14-روحي للحزن صبحت ردهه
المصايب ردت عله الروح ردهه
طحت واسمع من الشمات ردهه
حيل يستاهل الهم والاذيه
15-امنه اترجتك دقبل رجمنه
تبنه من الهوه ولجلك رجمنه
على مودك اذا يصبح رجمنه
حجار الارض مثل الواهليه
16-اكابر ماأصيحن اخ جلدي
ياسوط الشماته عوف جلدي
لحم الحي طلع وأنزع جلدي
لجن ثابت وروحي ذيج هيه
17-رشيق الطول كال بشعره صفنه
وجمالك بلشعر محتاج صفنه
وطولك من تجي وتصير صفنه
صفر ينطونه ويطوك ميه
18-تبشر بلهوه نزلت رسلنه
وللموصل هواجسنه رسلنه
يسفن الشوك بل حدبه رسلنه
هوه الموصل دوه للعله الخفيه
19-سنه فاتت عله افراكك ونصها
نظرتك عني قللها ونصها
نصيحه اليوم اسولفلك وأنصها
بعد لاتهيج الالم بيه
20-المثلي اشلون ينسه مثل فضله
عطش كلبي وحبيبي انهار فضله
الكرم من راس كدره مو فضله
ولا ينطي ويتندم على العطيه
(القصائد)
(لاتكول اجدامي ملن)
لاتكول اجدامي ملن والدرب كلش طويل مو مثل ليل اليمركم ليلي ليل
ليلكم كمرة وامسامر ليلكم عنبر وهيل ليلكم نازع ضلامه وليلي لابس ثوب ليل
حافي يركض وره الغبشه شما وصل يمها تشيل اني مكتول بهواكم شفت ميت يعيل
(تانيتك عمر)
تانيتك عمر يمك ردت ارتاح لكيتك واحه ميته ترابتك تذري
تانيتك تجبره لخاطري المكسور جبرته بدمع بس ماجبر كسري
ليش تغيضني وأحجي الحجي المضموم وتكول الناس عني مسودن يهذري
اذا تدري بعذابي وتدري اللي صار لاتسأل علي شباقي من صبري
خلصت العمر مابين جويه واه ومكالب بروحي وناركم حدري
ستوني الحزن مو كافي طفي النار تبخر ماي ونزف كدري
يالرايد حجينه يضل جزر للدوم وانت المد يفيدك ينمحي المقري
لان انت جرف واني عليك الماي اطلع اعيوب جرفك لو كثر جزري
حاصرني الوكت وجروحي مسمومات لا انت رحمتني ولا رحم دهري
تحزم جرح بيه وراد ياخذالثأر التفت شاف الخناجر الخناجر تطعن بظهري
اتمنا ان ينال ماكتبته اعجابكم لاتنسوني بردودكم العطره مع اطيب التحيات
اخوكم (zangts)![]()





اضافة رد مع اقتباس
المفضلات