فضفضه مع النفس
نزلت وسط البشر لقيتهم اشكال والوان
فيهم اللي من بحره شرب وفيهم العطشان
فيهم اللي ابتسم وفيهم اللي كان غضبان
فيهم اللي يصون العهد واللي ملهش امان
اصل البشر علي كل لون الوان
****************
رحت لبحر المر لاجل ارتوي منه
سقاني كاس المر وشربت انا منه
هوه قليل البخت الحظ غاب عنه
حتي اللي بيحبهم كمان خيبوا ظنه
*****************
يارب ايه العمل والحزن ملازمني
ليوم شفت فرح ولا يوم بعد عني
كل ما اروح انساه يجي يفكرني
يا هم ليه ما تروح تبعد وترحمني
******************
مريت علي بابك وقلتله فاكرني
انا اللي كان نفسي في يوم تدخلني
لاجل اطمئن عليها بس وارحمني
ليوم رحمني بابك ولا يوم طمني
******************
انا في غربتي الوحده بعانيها
كل الليالي زي اللي قبليها
الدمع فيها بحر وانا بعوم فيها
والجرح ما بيلتئم ومين يداويها
لا شفت فيها فرح وبحزني اعديها
خايف ليجي يوم وحدي اموت فيها
******************
رحتي يا امي وسبتيني لاحزاني
رحتي وخدتي الفرح والحزن عنواني
رحتي يا اجمل ورده نبتها بستاني
كل ما اقول الآه اسمعها انا تاني




اضافة رد مع اقتباس





المفضلات