عارفه حبيبتي
عارفه ليه انا حبيتك لانك تشبهي مصر ......فيكِ الحنان وفيكِ الاصل ..... اصل الحكايه اني حبيتك لانك مصر ....... مصر الجميله كنت بشوفها في عيونك ...... ورده علي غصنها فتحت والورد علي لونه ...... فيه اللي لونه احمر بلون الخد ....... وفيه الابيض اللي حنانه ماله حد ....... وفيه اللي اصفر من غيرته بكي علي الخد ........ وفيه اللي موف والموف بحبه بجد
عارفه حبيبتي لما كنت بحضنك بعيوني ....... كنت بحضن مصر ...... كنت بخاف اغمض لتقسي جفوني ........تقسي عليكي وانتي نايمه في عيوني....... فرشت ليكي قلبي بالريحان ......وحطيت عليه ياسمين وفل كمان ....... وقفلت بابه عليكي وقلت للسجان .... انا اللي مسجونك وانا السجان
عارفه حبيبتي لما بتكوني بقربي بحس بايه......... بحس ان السما نزلت هنا جنبي ......وجابت معاها القمر هنا عندي ......وعملت من نجومها عقد ليكِ لو ترضي ...... والارض فرشت لنا سجاده م الخضره ........فيها النجيله طالعه وبعطرها حاضره ....... فيها الشجر اخضر بلون الربيع .... فيها النخيل شامخ بشكل بديع
عارفه حبيبتي لما كان الفجر بيطل من بابي ...... وعصفور بيغرد علي شرفتي وينادي .... اصحي يا عاشق الصبح نوره طلع علي التل والوادي ...... وكنت اصحي من نومي ......اشوفك في طلعة شمس .......ويا تلميذه بضفيره بتهمس همس ...... تقول للنسيم لشعري بطل لمس ....وكل خد عليه تفاحه منوره وبضيف عليهم خمس ....... خايف لكون بحسدك او بعتذر عن امس
عارفه حبيبتي كل ما بتزوري خيالي ...... بحس ان الارض بتخدني من تاني ......لسكة طريقك اللي ما غابت لحظه عن بالي .....حبيت طريقك بس طريقك بيه مش داري ..... كان نفسي تكوني معايا زوجتي وحلالي ...... بس القدر مكتوب يا عمري وراس مالي ....... وانا عليا اتوب من معصية حبك .... ذنب ارتكبته وانتِ ايه ذنبك ......كان نفسي اكون حبيبك وابقي هنا جنبك ..... وعمري كله اقضيه واموت علي صدرك
عارفه حبيبتي لما بتيجي في منامي ...... بخدك معايا في جزيره بعيده ...... فيها القمر والبحر ودنيا تانيه جديده ...... فيها الشجر والورد وفيها ضحكه سعيده ......من الشفايف طله بنغمه حلوه فريده ......بسمعها لحن جديد بتعزفيه ليا ...... بيهز كل كياني ويبكي لي عنيا ......اصلي بحبك اوي من دون اللي حواليا ...... وقلبي لما عشق عشقك يا حوريه ......يا عروسة البحر يا احلي جنيه
عارفه حبيبتي الحب مش بالقرب ولا بالبعد ......الحب اني اكون موجود ...... مهما ابتعدنا بعيد .....
او كان في بينا حدود ....... الحب رحلة عمر مكتوبه .......لو كان فيه نصيب يوم هنتقابل.... واجيب معايا الورد لو قابل ......الحب اني احس بوجودك .....انك هنا جنبي وعبرت انا حدودك ...... الحب اني اكون فارس في احلامك ....... مش بس عابر سبيل بيمر علي بابك ...... الحب له معني اسمي من وصفه ...... لو حبيت اوصفه لا يتكتب ولا يترسم ......ولا فكلمه يتحصر وصفه ..... الحب فيا وفيكي بداخلنا موجود ...... بس فين القلب والقلب كان مفقود ...... لان قلبك مات وربي المعبود




اضافة رد مع اقتباس




المفضلات