رفعت عليكِ دعوه في نيابة حبي .... واتنصبت المحكمه وكنت انا القاضي والمجني .... والتهمه انك جرحتي لي قلبي ... نده الحاجب عليكِ بتهمة التجريح .... لقلب طاهر وليد نقي وصريح .... كان قبل ما يعرفك عفي وصحيح ..... بس الجواب من دفاعك كان الرفض .... سألني قاضي المحكمه من بعد فحص وعرض .... قلتله يا قاضي اسألها ..... في محرابها صليت انا كام فرض .
بعد السؤال والمداوله طلب الدفاع تأجيل ..... لحين رجوع الجاني والعرض والتحليل ....نسمع جوابه ما يمكن هناك تضليل ... والمجني عليه بيتهم وما عنده اي دليل .... واتأجلت الدعوي للنظر باكر ... يا هل تري نسي ميعاد جلسته ولا مش فاكر .... او علي القضيه سهر ليله بيذاكر .... يجيب دليل تبرئه من المجني للقاتل ... ولا يقول ما اعرفه وبيا انا ناكر .... فين العداله يارب للمجني من القاتل .
واتاجلت المحكمه ودموعي في عنيا .... وشفت كل الوجوه في شكلها هيا .... اللي ابتسم واللي اتحسر والهم كان ليا ... وقلت في نفسي ليه تعذبوا فيا ..... انا اللي عشقتها وهيا فين هيا ... وخرجت من المحكمه بلعن في ايامي ... ازاي يأجلوا الجلسه وننتظر تاني .... كان لازم يكون الحكم بالعدل علي الجاني ... انا اللي اقضي الليل في الفكر من تاني ....تنام كل العيون وابقي لاحزاني .... تعبت من كترالسهر والحزن اآآآآآآآآآآآآه ياني .... هوه نصيبي كده والصبر عنواني .
ورحت للمحكمه وانا مبتسم وسعيد ..... يمكن يكون الحكم الليله بالتحديد .....ودخلت للقاعه لقتني فيها وحيد ... وسألت حاجبها يا حاج فين الناس ..... قلي المحكمه خلصت من بدري يا محتاس .... وايه يفيد الشرب وهوه فاضي الكاس .... وابتسم من غيظه وقالي يابني روح نام .... انسي كل اللي كان وعيش مع الايام ..... مهما تقول صمتك لوحده كلام .... رفعت ايدي وقلتله ماشي يا حاج سلام .
بصيت علي الناس وعيني الدمع ماليها .... وقلت في نفسي ليه ما يعذبوا فيها ..... انا اللي حبيتها وكنت حارسها وحاميها .... هربت وفاتتني للوحده اعانيها .... ورجعت تاني اقول يارب سلمها ..... واسعدها طول العمر واحسن خواتمها ... امنحها كل الخير وجمل محاسنها ..... هيه اللي يوم قربها كان سر اسرارها .....شفت معاها الفرح والفرح عنوانها .....
انا اللي ياما شربت من كاسها ..... هيه هتفضل هنا ...... وانا اللي راحل ومعايا احزانها .
وجتني دعوه م المحكمه بالتكاليف ..... قالوا اشيل انا كل المصاريف ..... وخسرت دعواي وسحبت نفسي خفيف .... قلت اروح للنوم والحلم والتخاريف .... يمكن اشوف محكمه القاضي فيها شريف




اضافة رد مع اقتباس










المفضلات