همسات الفجر
الشمس عشقت قمر والفجر كان بينهم .... لا يوم جمعهم قدر ولا يوم بعد عنهم ..... والنجم حضن السما والفرح خاصمهم .... سأل النهار الفجر ليه انت فاصلهم ..... والليل لما بكي للفجر يسعدهم .... رد وقال الفجر .... ازاي انا اجمعهم وربي باعدهم
**********
وسط عيدان الدره ماشيه بتتمختر .... حلوه تقول للبدر في وجودي لا تحضر ..... والخطوه من رجلها علي الارض تتغندر ..... لا تقولي بنات مصر ولا بنت م البندر ..... لو شافها يوم القمر يغير ويتحسر
**********
يابت يلي الهوي فيكِ بيسحرني ..... سايقه عليا الدلال والحب قاتلني ..... ليوم رحمتي لهفتي ولا قلبي بيرحمني ..... اللهي تنكوي بالحب وتقربي مني ..... واسقيكِ كاس الشوق ولا تبعدي عني ..... ويجمعنا يوم الهوي من حبك ما يحرمني
**********
قالولي بتحبها قلت انا اكيد .... شموا عرق عطرها من لمس ايد في الايد .... الضحكه من ثغرها يجي وراها العيد ..... الورد علي غصنها نزل الندي بجديد ..... والقمر في حضن السما بيضحك زي طفل وليد .... وهوه في مثلها في الكون ده كله سعيد
**********
غابت حبيبتي وغابت شمس ايامي .... يا هل تري فاكره ولا نسياني ..... ولا انا اللي قسيت في حقها تاني .... يا نجمه روحي قوليلها ترجع لأوطاني ..... وانا هنا بنتظر ومعايا احزاني ..... يجي منين الفرح وانتي مخصماني
**********
عودي حبيبتي لاجل الشمس تعود ..... نهاري صبح ليل وسواده ماله حدود ..... والقمر رحل من سمانا وحلف ما يعود ..... الا ان رجعتي حبيبتي ووقتها هيعود ..... والورد علي غصنه دبل وانحني تحت منه العود ..... تعالي يا حب عمري دحنا ما بينا عهود
**********
كلنا في رحله طويله عبر الزمن .... فينا اللي ركب فيها ودفع الثمن ..... واللي لسه بيحاول وعايش علي الأمل ..... واللي اختار طريقه وركب فوق جمل ..... واللي عايش وخايف عيشة حمل ..... واللي من غلبه ومن فقره ثمل ..... واللي عايش مهمشم واتهمل .... واللي بيدور علي نفسه ويسأل ايه العمل ؟




اضافة رد مع اقتباس



المفضلات