عندي فكره
عندي فكره ..... والفكر ماكر
تيجوا تشاركوني في ظني
نفسي أموت اليوم .. وأعيش في باكر
وأشوف مين بعد موتي فقدني
ومين حملني ووصلني المقابر
ومين خدني لقبري ودفني
ومين طعني مع انه مسافر
ومين قريب وأنا ميت طعني
ومين يمثل دمعته ماهو قادر
ومين بتنزل دمعته لما ذكرني
ومين من أهلي كانوا .. في العزا حاضر
ومين دعالي في صلاته ورحمني
ومين بني من اسمي منابر
ومين ينتفض قلبه لو يوم لمحني
ومين علشاني طول الليالي ساهر
ومين راح وابتعد عني
ومين يرتب غرفتي .. ويا الدفاتر
وان شاف صوره ليه بدموعه حضني
خايف ياربي لتنام المشاعر
ويخيب في اللي بحبهم ظني
خايف يروح العمر وأكون خاسر
وان طار طيري ما يفيد التمني
وخايف يجيني وقت تنكسر الخواطر
ان دارت الدنيا وزماني كسرني
ليه كده الدنيا صبحت مظاهر
والكل علي ليلاه يغني
مهموم يا قلبي ... والهم كافر
كل ما حبيت اضحك حزني يفكرني
الضيق كبر .... والحزن بحر وافر
والجرح في القلب ....ملازمني
عايش وميت بين ماضي وحاضر
مسكين يا فرحي والله وحشني
شاعر لكني ما بشاعر
نفسي أموت اليوم وما يخيب ظني
شاعر لكني ما بشاعر
نفسي أموت اليوم وترتاحوا مني




اضافة رد مع اقتباس





المفضلات