مشاهدة النتائج 1 الى 4 من 4
  1. #1

    مسلسل مكسيكي باللغة القروية تعالوا وإقروا لا يفوتكم

    السلام عليكم

    عندي مشاركة ودي أطرحها

    هالمسلسل المكسيكي

    ( لماذا يا حبيبي لماذا)


    تررررررررن تررررررررن ..صوت الجرس يرن


    والده نينيتا: نينيتا اقحصي وافتحي الباب يابنيتي

    نينيتا :حسنا حسنا ياامي اصبري شوي البس نعالي

    من الطارق: فتحت الباب .استراخان وش عندك جاي وش تبي
    فيني.

    هوه موب من حقي اسلم على حبيبة قلبي نينيتا ولا ماتبيني
    اسلم

    نينيتا(طرااااااااخ كف على وجهه) جاي تسلم علي بعد
    ماشفتك مع ذيك المغفله ضف وجهك ولاعاد تقبل علينا

    طلع استراخان وهو حزين ومتنكد وهو في الطريق سوى حادث
    والسبه نينيتا

    وبعد برهه..ترررررررن تررررررررررررن صوت التلفون يشبه
    صوت الجرس

    الخادمه:منزل رابين كارلوس من معي؟؟

    الو انا الدكتور اوكيستو هل لي ان اتحدث من نينيتا؟

    نينيتا:الو من انت وش عندك بعد

    اوكيستو:انا الدكتور اوكيستو وبصراحه مدري وش اقولك بس
    استراخان تعرض لحادث مروري وهاهو الحين عندنا مرقّد
    بالمستشفى

    آآآآآآآآه ياإلهي هل انت محق فيما تقول .....ذبت السماعه
    واغما عليها

    والدتها:ااااااااااااااااااااه الحقوووووني ماذا دهاك
    يابنتي ......؟؟؟؟؟؟ احضروا الماء والعطر

    نينيتا:امي هيا بنا الى المستشفى لقد سوى استراخن حادثا
    وهو في حاله خطيره

    الام:حسنا حسنا طيب هيا بنا لنخرج بس دقيقه بغير هدومي

    نينيتا:حتى انا بغير هدومي بس يالله بسرعه

    وفي المستشفى:

    عند الرسبشن(الاستقبال)

    نينتا:من فضلك اود غرفه استراخان ماكسيما

    الرسبشن:روحي لاخر غرفه في السيب

    حسنا شكرا لك..هيا يامي انجزي بسرعه

    وعند باب الغرفه: يمه اخاف ادخل عليه القاه مكسر

    امشي بس يابنيتي سمي ولا عليتس ان شالله

    والمفاجأه الكبرى عندما دخلت..........وجدت عشيقته
    لورانسا بجانبه

    نينيتا:بعد بعد هذا اللي ناقص وصلت فيك المواصيل انك
    تناديها عندك ولا وين بالمستشفى بعد الشرهه ميب عليك ولا
    عليها الشرهه على المتخلفه اللي تعبت نفسها عشان تزورك

    استراخان:لورانسا هيا اخرجي انا لا اوحيبكي نينيتا حبي
    الوحيد هيا اخرجي

    لورانسا:حسنا سأخرج ولكن سأوريك شغل الله مضبوط بس اصبر
    علي انت وذا الحقيره هه<<<<معصبه وطلعت

    استراخان:تعالي بقربي حبيبتي تعالي هيا

    قربت نينيتا وعيونها تصبصب دموع قام استراخان ومسحها لها
    وقال لاداعي لها ابتسمي

    نينيتا:استراخان لماذا دعوتها عندك بالمشفى؟؟؟؟ ألست انا
    من احببت اذن اتركها تكفى ودعنا نتزوج

    استراخان:تامرين امر اصلا مدري وش جابها عندي(ابوك
    يالترقيع) خلاص ياروحي بكره بطلع من المستشفى ونتزوج
    اوكي؟

    اوكي حبيبي قربت راسها لمه وشوي شوي قربوا وبعدين فاصل
    اعلاني مع ملاحظه قطع المشهد الاخير

    ====================================
    اعلانااااااااااااااااااااات
    نتابع معكم المسلسل المكسيكي المدبلج(لماذا ياحبيبي
    لماذا)
    ====================================
    جا بكره ورجعوا للبيت وطق استراخان عليهم الباب ودخل
    وكلم الام

    عمه انا جاي اخطب بنتك نينيتا وابيها على شرع الله
    ياوليدي هذي والله الساعه المباركه بس خني اشاورها ..هاه
    يانينيتا يابنيتي نقول مبروك

    حمرّت خدود نينيتا وقالت اللي تشوفينه يمه وقامت

    امها طيب قبل ماتروحين خذي رقم الطقاقات من جارتنا
    اليفتيا عشان نسوي عرس وطقطقه وننبسط ولاتسنين تتصلين
    على الصبابات بعد

    استراخان:اخيرا ياروحي تزوجنا ماني مصدق

    نينيتا:الله ياستراخان هذا اسعد يوم في حياتي

    استراخان:طيب ياحوبي وش بنسمي ولدنا؟

    طبعا بسميه رابين على اسم ابوي<<نينيتا اللي تتكلم

    استراخان:اجل بيسموني ابو رابين الله وناسه

    نينيتا:طيب حبيبي وين بنسافر شهر العسل له؟؟

    والله انا ودي اسافر للحسا بالسعوديه يقولون جوها ماهنا
    ازين منه غير انها منتجع سياحي هاه وش قلتي نحجز من
    الحين؟

    اللي تشوفه ياروحي وين ماتروح خذني معك

    وفي المطار.......

    تعلن الخوط المكسيكيه عن انطلاق رحلتها رقم 656والمتوجهه
    الى محافظة الاحساء عن اقلاعها بعد عشر دقائق فعلى
    المسافرين التوجه لركوب الطائره وشكرا

    نينيتا:يالله يامي نشوفك على خير ان شالله اول مااوصل
    ادق عليك لايضيق صدرك امووووووووه بااي

    استراخان:يالله ياعمه توصينا بشي نشوفتس على خير ياوجه
    الخير

    الوالده:هاه عاد ياوليدي يااستراخان مااوصيك على نينيتا
    ترا ماعندي غيرها حطها بعيونك ويالله توصلون بالسلامه

    استراخان:نينيتا بعيوني ياعمه مع السلامه

    مشت نينيتا للطياره ولا حظوا انها لابسه تنوره فوق
    ركبتها وبلوزه مزلطه ولاجابت معها عبايه في بالها انها
    مسافره لامريكا مثلا

    يوم وصلوا لمطار نزلت نينيتا على نياتها
    وطلعوا من المطار وراحوا يتمشون في القيصيرة طبعا اول مانزلوا من
    التكسي جت الهيئه ومسكت نينيتا على هاللبس اللي لابستها
    وقطوها بالسجن(مزدين فيها)

    استراخان يصيح لااااااااااااااااا نينيتا ونينيتا
    لاااااااااااا استراخان .استراخان المسكين قاعد يتكلم مع
    اللي بالسجن شوي ويحب رجله وذاك يقوله ضف وجهك انا
    مااعرف انقليزي عشان اعرف مكسيكي توكل على الله

    مل استراخان من كثر مايحاول يطلعها ومع الاسف مافيه
    فايده رجع لديرته الوصخ وراح وتزوج لورانسا حتى مادرت
    امها انه رجع والاميمه مسيكينه ماتدري عن شي

    والمسكينه نينيتا خاست سنه بالسجن وبعدها طلعها واحد على
    كفالته وسفرها لديرتها بعد ماراحت لامها وقالت لها
    السالفه راحت لاستراخان ولقته متزوج من لورانسا النذل
    قامت من العصبيه ثورت فيه وفي لورانسا وفي الاخير ثورت ي
    نفسها

    وبكذا خلص المسلسل ________________________________________

    وش رايكم مو احلى من اللي ينعرض بالــ LBC , MBC

    منقول


  2. ...

  3. #2
    وين المشاركات يا شباااااااااااااااااااااب؟؟

    شاركو ولو بـ( شكراً )

  4. #3
    مشكورة اخوي على المسلسل المضحك .
    لا شيء سوى .. نبضٌ و حُلم و غمامة شارفت على الرحيل

    e94f3095bb97522067afc8e44d30baf6

    481047

  5. #4
    العفو وشكراً لمرورك وحضورك ومشاركتك
    أتمنى أن تحوز جميع مشاركاتي على إعجابكِ

بيانات عن الموضوع

الأعضاء الذين يشاهدون هذا الموضوع

عدد زوار الموضوع الآن 1 . (0 عضو و 1 ضيف)

المفضلات

collapse_40b قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •  

مكسات على ايفون  مكسات على اندرويد  Rss  Facebook  Twitter