العميد والعصابه /
العميد : هذي الشنطه
عبودي : برافو ...برافو
نواره : احسنت يا بطل ..ممتاز
الشخيه الغامضه : هات الشنطه
وتاخد الشنطه وتناظرر فيها وتقول : هايل ..بسرقتنا للشنطه حنكون المسيطرين على الميجا
ويناظر العميد لساعته ..ويقول : الساعه 2 ؟ اعذروني ..لازم اروح
نواره : خير على وين
العميد : مسلسلي المكسيكي المفضل "لوسكلاريتا" الان ميعاده
يستغرب جميع الموجودين وتقول الشخصيه : خلاص روح
ويخرج العميد من المجلس وتشير الشخصيه الى عبودي وتقول له : روح خلص عليه واقتله
ويخرج عبودي ويلقى العميد ماشي ويسحب عبودي ساحه ويطلق رصاصه على العميد لكن العميد البطل يلتفت لـ عبودي ويمسك الرصاصه بأسنانه ويبصقها بأتجاه عبودي وتنطلق الرصاصه من فم العميد الى اتجاه عبودي اللي تخترق الرصاصه دماغه ..ويسقط عبودي وهو يناظر للعميد ويقوله : قم بس قم
(....شكله فيلم هندي ....)
ويكمل العميد طريقه
---------------
اليوم الثالث /
الشرطه تقتحم منزل الدون وتقبض عليه ..و يطلعوه المركز عند سوليداد
الدون : وش في وش صاير
سول : لقينا جثه عبودي في سيارتك
الدون : مين عبودي ؟؟؟
سول : مافي اي داعي للكذب انت لك علاقه بالعصابه و مو بعيد تكون متواطئ مع العميد
الدون : ابدا ..ما اسمح لاحد بتدنيس سمعتي
سول : اخرس ..ممكن تقول كيف وصلت الجثه لسيارتك ..هل سيارتك يقودها احد غيرك ؟
دون : ابدا
سول : ادا انت خائن
الدون : لا
سول : خدوه وارموه في السجن
وينزل الدون والسلاسل على يده وعليه لثنين حراس وينظر الدون للوسيم والورده ويقول لهم : مقهى ميجا مكس
ويغمز للوسيم ...وينطلق الوسيم مع الورده بينما الدون يلتفت ليجد مكتب لايوجد في موظف ويقول :: اللعنه ...لا ..لا ..مو معقول
وهو في طريقه للزنزانه يضرب الحارسين و ياخد سلاح احدهم ويهرب ..وينزل من الباب الخلفي ويهرب
-----------
مقهى ميجا مكس
الورده : وش كان يقصد الدون بكلامه في المركز
الوسيم : كان اشاره منه لنتقابل في هذا المكان
ويوصل الدون ويقول : انا هنا
الوسيم : كيف هربت
الدون : مو وقته الان ..هات مفتاح سيارتك وتعالوا معي انا طالع مشوار
الورده : على وين
الدون : حعرف مكان تواجد العصابه
--------
يطرق الدون الباب وفتح الباب اي جي مكلين ..ويدخل الدون والوسيم والورده
اي جي : خير وش فيه ..وش صاير ..صورك في التيلفزيون
الدون : وين مكان تجمع المروج الخضراء
اي جي : المروج الخضراء ؟
الدون : تراها واصله معي ...اتكلم
اي جي : ما اعرف
دون : تراني متستر عليك من زمان وبحميك من الشرطه والاوغاد ..لدا حتتكلم ولا لا ؟
اي جي : اوكي ..اهدأ ..حتلقاهم في حي التون في الشارع الثالث المبنى الثاني
الدون : يعني على بعد اربع شوارع من هنا
ويخرج الثلاث ..ويوصلوا للمبنى ويقوم الدون باتصال سريع لسوليداد ويقول: انا في حي التون بالتحديد في الشارع الثالث المبنى الثاني ..تعال واقبض علي
-------
ويدخل الثلاثه الى المبنى يتقدمهم الدون ..يقف رجل الامن ويطلب تفتيشهم ..لكن سرعان ما يسحب الدون يلاحه وينفض داك الشخص بطلقتين بينما الورده والوسيم يشهروا اسلحتهم لتغطيه الدون وبعد سماع طلق النار يقوم المدنيين باخلاء المبنى ويتقم الثلاثه باتجاه المصعد ويدخلوا المصعد ويطلعوا للدور 20 في جناح العصابه ويدخلوا غرفه الاجتماعات ليجدوا المفاجاه !!!
عندها يقول الدون : مع الاسف اليوم بس عرفت انك انت هو ..انت اللي وضعت جثه عبودي في سيارتي . .. طبعا اكيد عن طريق المفاتيح ...تغيبك اليوم عن المكتب هو اللي لفت نظري ..ولا ايه جوابك .....يــــــا دارك مووووون
دارك مون : اهلا بيكم شباب
الوسيم : ليه؟؟
دارك مون : ليه ؟؟ تحب تعرف ليه ..ان كنت عضو ماله اي داعي وتسألني ليه ...شنطه ميجا مكس هي كانت مخرجي الوحيد
يقاطعه الدون :وين العميد؟
وفجأه تدخل نواره الى المكتب لكنها اول ما تلحظ وجود الثلاثه تقفل الباب وتهرب وتجري وراها الورده البيضاء و يبقى الدون والوسيم و دارك مون
يقول الدون : وسيم ...روح ابحث عن العميد ؟
الوسيم : لكن..
الدون : لايكثر كلامك ..اتركنا لوحدنا
ويخرج الوسيم
يحاول دارك مون سحب سلاحه من المكتب لكن رصاصه سريعه من سلاح الدون تمنعه
الدون : هيا هذي هي فرصتك ..الان وجها لوجه
ويسحب الدون سلاح اخر من جيبه ويرميه لدارك ..ويسود الصمت في الغرفه الخاليه واللي فيها الدون وداك ..الكل ينظر للاخر والكل منتظر اي حركه يقوم بها الاخر ..الكل ممسك بسلاحه
وفي لحظه يسحب دارك سلاحه ويطلق طلقه تصيب كتف الدون بينما الدون يطلق طلقه اخرى تصيب يد دارك ويسقط مسدسه
ويدخل الوسيم بعد سماعه للطلقتين رافعا سلاحه ويقبض على دارك موون
الدون : يالوسيم ..لقيت العميد ؟
ويسمع الاثنين صوت هيلوكوبتر
الوسيم : السطح ..اكيد السطح يلا بينا
الدون : يلا
ويوقف الدون ويمشي للباب ولكن فجأه بطيح
الوسيم : دون ؟؟؟
الدون : ما عليك مني ..اكمل طريقك
الوسيم : ما اقدر
الدون : لا تكون ابله ...تبرئت ساحتي بيعتمد عليك الان
اوينطلق الوسيم الى السطح تاركا الدون ليجد نواره والعميد ممسكين بالورده البيضاء ومكبلينها
الوسيم : مكانك يالعميد ..استسلم ؟
العميد ينظر لنواره ويبتسم ويصوب بسرعه سلاحه ويطلق تجاه الوسيم طلقه لكنها ما تصيب هدفها وهذا اربك الوسيم ..
نواره : يالوسيم ..انتهى زمن البطولات ...امامك حل من اثنين يا تكون بطل وتتسبب في مقتل الورده البيضاء او شهم وتنقدها و انا اهرب
الوسيم : انتي؟؟؟ بس انا افتكرت انك مشتركه مع العميد
العميد دماغه صغير ...لازم يكبر المسأله ..ويلتفت لنواره ويقول : انتي ؟؟
نواره : ايوا انا .
وتطلق طلقه في رجل العميد تتسبب في سقوط العميد على الارض
نواره : الان هذي هي صديقتكم (وهي ممسكه بالورده البيضاء و واضعه السلاح على راسها) خلك عاقل واتركني اطلع الهيلوكوبتر بسلام وانا حاترك الورده
وفجأه تنطلق طلقه من خلف الوسيم و تنطلق مباشره تجاه رأس نواره من غير اي انحراف او خطأ
وتسقط نواره وتبتعد عنها الورده وينظر الوسيم للخلف ليجد الدون في خلفه ممسك بسلاحه بعد ما اطلق النار على نواره
الوسيم : دون ..انت بخير
لكن الدون ما يرد على الوسيم لانه اغمى عليه ويطيح...ويركض الوسيم نحو الدون لكن العميد يسحب سلاحه ويحاول يقتل الوسيم الا انه يفاجئ بركله قويه من كعب الورده تفقده الوعي
وماهي الا لحظات ويدخل سوليداد ورجاله ومعهم ممرضات الاسعاف الفلبينيات اللي يسارعوا في انقاد الدون ..ويتباطأو في انقاد العميد
الدون وهو ملقى على نقاله المرضى بالقرب من سياره الاسعاف : مشكور يالوسيم
الوسيم : على ايه ..انا ما عملت شي ..انت اللي قضيت على نواره
وتجري الورده البيضاء نحو الوسيم والدون وتقول : كيفك يا دون
الدون : ما مت ...حاعيش
ويبتسم
ويجي سوليداد ويقول : انا اسف يا دون ... ما كان لازم اشك فيك من اول
الدون :المهم انكم قبضتوا على العميل
ويتم ادخال الدون الى سياره الاسعاف
اما العميد :
مرمي في النقاله يغني اغنيه "هين هين يالضبان " و مربوط بالسلاسل في انتظار ان تتكرم عليه وحده من الفلبينيات وتجي تاخده ..لكن ما عندك احد
وبعد شوي يمرون عليه ثلاث فلبينيات ياخدونه ويطلعونه في سياره اسعاف ثانيه وينقلونه ويحاول العميد يرقم وحده فيهم ...لكنه يسمعهم يصرخون عليه بالانجليزي ..وهو ما هو فاهم شي .
ويكتفي بالقول : ايه ..هين .....كل واحد حيجيه حسابه بعد خروجي من السجن ...ابشروا
في طوارئ المستشفى/
الفلبينيات وهم يدفون سرير العميد عند مدخل الطوارئ ..يصادف العميد في طريقه محبه فادي ومحبه يامن ومحبه الكابتشينوا معجبة فادي ...ويناظر لهم ويقول : اهلين
اول ما يلتفت الاربعه ويروا العميد ..سرعان ما تسحب كل وحده فيهم هالكعب من رجلها وينهالوا عليه بالضرب
وهنا ترتفع الكاميرا محلقة في السماء.... محلقة بينما الاربعه يطقون دماغ العميد
(معليه يالعميد ..استحمل هي كدا الدنيا ....ظلم)
--------- تمت ---------
تحياتي
دون كورليوني
مو عيب عليك تخلي البنات يضربوني
المفضلات