ألاعيب امرأة
ليه بتسلمي من بعيد لبعيد
ما تقربي وخلي الإيد في الإيد
هو ده تقل منك
ولا ده غصب عنك
ولا عايزاني أعيش وحيد
*****
أنت نسيتي كلام زمان
لماكنت بارسم صورتك عل حيطان
وتقوللي أنت الأمان
وأقولك أنتي الحنان
******
لما بمشي في كل حته مشينا فيها
الاقي الناس بتسلم عليا
وتقولي فين حبيبتك
أقولهم زمانها جايه
هو ده شويه عليا
*****
فاكره لما جنينا الجنايني
طلبت ورده في لون عنيكي
بص فيهم غيرت عليهم
قلت له شوف عنيا
تلاقي لونها فيهم
******
فاكره لما الشمس حميت علينا
مرت سحابة ضللتنا
شوفت صورتك جوه فيها
قولتيلي وشك مرسوم عليها
جت سحابة تانيه بروزيتنا
******
فاكره لما عمي شافيك معايا
هربت منه استخبى
طلع يجري ورايا
ولم قابلني مد ايده
وسلم عليا
فاكره لما غيرنا اسماء الشوارع
وكتبت أسمك عليها
أعدي بكره
ألاقيكي حطيتي صورتي فيها
*****
فاكره لما كنت باكتبلك أغاني
يسمعها غيرك يقولي بايخة
تسمعيها تقوليلي غنيها تاني
*******
كل مره احاول اصدقك
وعلي اللي ماشي معاكي باسالك
كنتي بتقوليلي ده ابن خالي
هو في كام واحد قريبك
ونمره كام مسك ايديكي
وف كل مره تفهميني
أنا الوحيد اللي حببيك
*******
وفي كل مره أكدب عنيا واصدقك
عيني مش شايفه غيرك
نفسي مره اخد قرار
وارفضك
******
الاقي بوسه فوق جبيني
ينزف حنيني
اسامحك واسمعك
وانسى اللي كان ده كان زمان
واكذب على نفسي واخدعك
*******
هو ده كان تسالي
ولا بتلعبي ف خيالي
ولايمكن عندك حته فاضيه
ف قلب خالي




اضافة رد مع اقتباس
المفضلات