مسلسل مكسيكي
بســـــم الله الرحمن الرحيم
مسلسلات مكسيكيه ...... بدبلجه خليجيه
اليـــــــــوم يا المشهادين الكـــــرام تشــــاهدون حلقـــه من المسـلسل المكسيكي المدبلج الى الخليجيــه
ونستـــعرض الان ابـــطال المســــلسل في ادوارهم
حصيصه بوسليمان في دور: نينيتا
مسعود حميدي في دور: استراخان
لطيفه سامي في دور:والدة نينيتا
سلومي سلطان في دور: الدكتور اوكيستو
اعداد الدبلجه : هاني محيسن
اخراج: راجي ميرزا
====================================
والان الى مشــــاهده الحلقـــه
تررررررررن تررررررررن ..صوت الجرس يرن
والده نينيتا: نينيتا اقحصي وافتحي الباب يابنيتي
نينيتا :حسنا حسنا ياامي اصبري شوي البس نعالي
من الطارق: فتحت الباب .استراخان وش عندك جاي وش تبي
فيني.
هوه موب من حقي اسلم على حبيبة قلبي نينيتا ولا ماتبيني
اسلم
نينيتا(طرااااااااخ كف على وجهه) جاي تسلم علي بعد
ماشفتك مع ذيك المغفله ضف وجهك ولاعاد تقبل علينا
طلع استراخان وهو حزين ومتنكد وهو في الطريق سوى حادث
والسبه نينيتا
وبعد برهه..ترررررررن تررررررررررررن صوت التلفون يشبه
صوت الجرس
الخادمه:منزل رابين كارلوس من معي؟؟
الو انا الدكتور اوكيستو هل لي ان اتحدث من نينيتا؟
نينيتا:الو من انت وش عندك بعد
اوكيستو:انا الدكتور اوكيستو وبصراحه مدري وش اقولك بس
استراخان تعرض لحادث مروري وهاهو الحين عندنا مرقّد
بالمستشفى
آآآآآآآآه ياإلهي هل انت محق فيما تقول .....ذبت السماعه
واغما عليها
والدتها:ااااااااااااااااااااه الحقوووووني ماذا دهاك
يابنتي ......؟؟؟؟؟؟ اخضروا الماء والعطر
نينيتا:امي هيا بنا الى المستشفى لقد سوى استراان حادثا
وهو في حاله خطيره
الام:حسنا حسنا طيب هيا بنا لنخرج بس دقيقه بغير هدومي
نينيتا:حتى انا بغير هدومي بس يالله بسرعه
وفي المستشفى:عند الرسبشن(الاستقبال)
نينتا:من فضلك اورد غرفه استراخان ماكسيما
الرسبشن:روحي لاخر غرفه في السيب
حسنا شكرا لك..هيا يامي انجزي بسرعه
وعند باب الغرفه: يمه اخاف ادخل عليه القاه مكسر
امشي بس يابنيتي سمي ولا عليتس ان شالله
والمفاجأه الكبرى عندما دخلت..........وجدت عشيقته
لورانسا بجانبه
نينيتا:بعد بعد هذا اللي ناقص وصلت فيك المواصيل انك
تناديها عندك ولا وين بالمستشفى بعد الشرهه ميب عليك ولا
عليها الشرهه على المتخلفه اللي تعبت نفسها عشان تزورك
استراخان:لورانسا هيا اخرجي انا لا اوحيبكي نينيتا حبي
الوحيد هيا اخرجي
لورانسا:حسنا سأخرج ولكن سأوريك شغل الله مضبوط بس اصبر
علي انت وذا الحقيره هه<<<<معصبه وطلعت
استراخان:تعالي بقربي حبيبتي تعالي هيا
قربت نينيتا وعيونها تصبصب دموع قام استراخان ومسحها لها
وقال لاداعي لها ابتسمي
نينيتا:استراخان لماذا دعوتها عندك بالمشفى؟؟؟؟ ألست انا
من احببت اذن اتركها تكفى ودعنا نتزوج
استراخان:تامرين امر اصلا مدري وش جابها عندي(ابوك
يالترقيع) خلاص ياروحي بكره بطلع من المستشفى ونتزوج
اوكي؟
اوكي حبيبي قربت راسها لمه وشوي شوي قربوا وبعدين فاصل
اعلا ني مع ملاحظه قطع المشهد الاخير
=============فاصل اعلاني
الان في الاسواق بطاقات LOPEZ الرمضانيه..هنئ اصدقائك
واهلك واحبابك وكل هذا بالمجان
نتابع معكم المسلسل المكسيكي المدبلج(لماذا ياحبيبي
لماذا)
====================================
جا بكره ورجعوا للبيت وطق استراخان عليهم الباب ودخل
وكلم الام
عمه انا جاي اخطب بنتك نينيتا وابيها على شرع الله
ياوليدي هذي والله الساعه المباركه بس خني اشاورها ..هاه
يانينيتا يابنيتي نقول مبروك
حمرّت خدود نينيتا وقالت اللي تشوفينه يمه وقامت
امها طيب قبل ماتروحين خذي رقم الطقاقات من جارتنا
اليفتيا عشان نسوي عرس وطقطقه وننبسط ولاتسنين تتصلين
على الصبابات بعد
استراخان:اخيرا ياروحي تزوجنا ماني مصدق
نينيتا:الله ياستراخان هذا اسعد يوم في حياتي
استراخان:طيب ياحبي وش بنسمي ولدنا؟
طبعا بسميه رابين على اسم ابوي<<نينيتا اللي تتكلم
استراخان:اجل بيسموني ابو رابين الله وناسه
نينيتا:طيب حبيبي وين بنسافر شهر العسل له؟؟
والله انا ودي اسافر للرياض بالسعوديه يقولون جوها ماهنا
ازين منه غير انها منتجع سياحي هاه وش قلتي نحجز من
الحين؟
اللي تشوفه ياروحي وين ماتروح خذني معك
وفي المطار.......
تعلن الخوط المكسيكيه عن انطلاق رحلتها رقم 656والمتوجهه
الى مدينه الرياض عن اقلاعها بعد عشر دقائق فعلى
المسافرين التوجه لركوب الطائره وشكرا
نينيتا:يالله يامي نشوفك على خير ان شالله اول مااوصل
ادق عليك لايضيق صدرك امووووووووه بااي
استراخان:يالله ياعمه توصينا بشي نشوفتس على خير ياوجه
الخير
الوالده:هاه عاد ياوليدي يااستراخان مااوصيك على نينيتا
ترا ماعندي غيرها حطها بعيونك ويالله توصلون بالسلامه
استراخان:نينيتا بعيوني ياعمه مع السلامه
مشت نينيتا للطياره ولا حظوا انها لابسه تنوره فوق
ركبتها وبلوزه مزلطه ولاجابت معها عبايه في بالها انها
مسافره لامريكا مثلا
يوم وصلوا لمطار الملك خالد نزلت نينيتا على نياتها
وطلعوا من المطار وراحوا يتمشون طبعا اول مانزلوا من
التكسي جت الهيئه ومسكت نينيتا على هاللبس اللي لابستها
وقطوها بالسجن(مزدين فيها)
استراخان يصيح لااااااااااااااااا نينيتا ونينيتا
لاااااااااااا استراخان .استراخان المسكين قاعد يتكلم مع
اللي بالسجن شوي ويحب رجله وذاك يقوله ضف وجهك انا
مااعرف انقليزي عشان اعرف مكسيكي توكل على الله
مل استراخان من كثر مايحاول يطلعها ومع الاسف مافيه
فايده رجع لديرته الوصخ وراح وتزوج لورانسا حتى مادرت
امها انه رجع والاميمه مسيكينه ماتدري عن شي
والمسكينه نينيتا خاست سنه بالسجن وبعدها طلعها واحد على
كفالته وسفرها لديرتها بعد ماراحت لامها وقالت لها
السالفه راحت لاستراخان ولقته متزوج من لورانسا النذل
قامت من العصبيه ثورت فيه وفي لورانسا وفي الاخير ثورت ي
نفسها
وبكذا خلص المسلسل لكن الحلقه الاخيره منعتها الرقابه
لانها (لماذا ياحبيبي لماذا ماشفتوه)<<يقلدون طاش ماطاش
وبما ان رمضان على الابواب مابثوا الحلقه الاخيره
------------------------
منقول
دون كورليوني
اضافة رد مع اقتباس
شرايك تشتغل بدبلجة المسلسلات
شكراً على الموضوع الحلو
المفضلات