هاك اشعل كلب كلبي ووج هاك
على روحي راح اعلمنك ووجهاك
بشالك من تلف شعرك ووجهاك
تلف روحي مثل لف المنية
يمن عكلي التفت لاسمك والك دار
الك مسكن وسط كلبي والك دار
نسيت وياك كل همي والاكدار
عساها تدوم عشرتنة سوية
التعب والضيم جنب الراحة جنبك
وشتضن من نار كلبي راح اجنبك
عشك العقل خلّص راح اجن بك
واموت بعشرتك وابليك بية
سلامي للولف يا طير وصله
احبه ومن صدك محتاج وصله
كريم النسب ابن شيوخ واصله
اصل عز واصل غيرة وحمية
فشك بارود وكتي ثار منك
واريد بحيل اخذ ثار منك
مصايب وكتي كلهة ثار منك
تحشم بالوكت وانت علية
تعال احسب بهمي عده انت
وكلبي سعندة غيرك عده انت
ازعل الناس كلهة عدا انت
لان زعلك يزعلني علية
يلحبك وسط كلبي ترك تل
واذا اهلك مينطومك تره اكتل
واذب روحي حد تاير تركتل
واخلي الناس تتفرج علية
ندوخ احنة بدونك ياهوانة
ومعرف من اشوفك ياهو انة
ولك كوكل اصيرنلك وياهو انة
دبليو دوت كم وادخل علية
بديت وماعرفت منين بدواي
عليل وحارت العربان بدواي
اذا انت طبيب اتعرف بدواي
الحك بالشفا كبل المنية
صب دمعي على الوجنات ياهل
وماتدرون بية شصار ياهل
صرت عصفور جني بيد ياهل (جاهل)
اهو يلعب وانة شلون بية
زماني جرد سيوفي وسنهة
علية وحرمت عيني وسنهة
وحق اللي فرض خمسة وسنهة
بعد هيهات عيشة اصير الية
حبك من شفاه الكلب عتباي
ولا نوبة ذكرتنا واوصلت عتباي
اعتب ما نفع وياك عتباي
على ياهي ازعلت واكطعت بية
يروح اللي تحبينة ولج مت
شبعت جروح من حبج ولجمات
الكلب ما مات بس لاجلج والج مات
شهيد وينتظر لطمج علية
قلم كلبي تداين ورقة منك
ولا شفنة بجمالك وارقى منك
الاول راح اسجلك وارقمنك
واكتب لافتة محجوز الية
مشغولين بيمن من شغلكم
ولو مو شغلي هذا من شغلكم
بعد ماراح ابجي ومن شغلكم
اموتن راح واخصمهة القضية
سهامك بالكلب صابن ولاحن
ولارف كلبك علية ولاحن
اثر حبك صرت شاعر ولاحن
احن للمايحن كلبة علية
انة طبعي على الشينات ماالح
ويضل زاد الكليتة وياك مالح
اخبرك سهمك المسموم مالاح
يخس من كال سهمك عم علية
اليحبونك بصدك لاتسلهم
وابد عن سبب حبك لاتسلهم
من احجي وياك عفية لاتسلهم
احس تاخذ الروح بغير جية



اضافة رد مع اقتباس


المفضلات